TIMOTIUS GI NIGOM 4:3 - ALLAH NIHYET MEM TUNGWATU NYA

³ Yoni isrin ser tungwatu nya bipai bipia ma iwak yam au. Ma igyem njita di ipigig ser au. Noro Allah pai tes njita dima hagom mem nye di ingon jo kep tu nya leu binhyepo ijem sigyo kep leu api igyem hak ug. Lewo ikan tut ningginausi di nijit di kwei leu Noni tu.

TIMOTIUS GI NIGOM 4:3 ပူးပေါင်းရင်းမြစ်များ

NITRITI 9:3

Hon kep ammani kui lene mun dima yok hagom minok jide mikwau noyam kin njita kioi di nimeng ngig-ngun di jiyem kep tu. Diyai gima yok hagom bije nok jide njita.

NIBA NINGON SRIP HUKTI 5:18

Gino Allah yai mitiei kin ndigban binye bisindui sut ba, ingat ingwes ei mun di inyeng tut dima lene suar ipai sigyo biNoni ba, ingon kei sut ningat di igyai leu ide midyai di igyai nya hagom. Gima cem mun di Allah njei bak nye ri.

DANIEL 11:37

Nibou ndig dima miba ningha bak kwar di nidigup bat-nidigai bat nya ikuk yok bak kin kwar di sop nya ikuk yok bak cem. Ningat ne ba ningha bak kwar di tungwatu nya ikuk yok bak dima yok hagom lewo noni kan bipia ninyeng jei dor njiriek hagom.

MATIUS 14:19

Lene Noni cuk tungwatu ningot ndig dima yok bigwam sinsiou ei abris nghousi leu api krau roti nindak muhwi kin wau can dima bitou kep ginyo kug lene pai sigyo kep bak Allah. Lene Noni ki roti kukiau biyai bak yo di igya kui Noni leu api ibitri tungwatu nya.

MATIUS 15:11

Mun di coi ei tungwatu nya insi bindei ba, map kui yokti bi. Noro mun di tibim kwei leu yuhui him he rino bindei di map kui yokti.”

MATIUS 15:36

Lene Noni krau roti nindak muhwindacan kin wau pima bipai sigyo bak Allah kep leu api ki kukiau bak yo di igya kui Noni ba, ibitri tungwatu nya.

LUKAS 24:30

Tirigi Noni gwam kui meja biyem njita bit yok lene Noni krau roti bipai sigyo kep bak Allah biki kukiau tut yok.

YOHANES 6:23

Jei bi lene timiei minu ndig Tiberias nya ibri ide ut bikwei krau mpia ttou nsi di tungwatu ningot ndig igyem roti di Yesus pai sigyo kep eisi pima.

KISAH 27:35

Paulus pai nok leu lene yai roti nindak gom bipai sigyo kep bak Allah bou yahagom igyai him leu api ki roti dima biyem.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 14:3

Harin dima no di yem njita nyeng hagom ningwes pri gau gi hi di yem njita nitu he yo a. Harin dima no di yem njita nitu he ba nihyet biyai no di yem njita nyeng hagom a. Lewo Allah joi sut no dima cem.

ROMA 14:6

No di kan bipia njap ngon bou bon ninyeng ne no dima ba niyaisi dima binggei sut Allah. Gi hi di yem njita ninyeng hagom ba niyaisi dima binggei sut Allah lewo noni pai sigyo biNoni tut njita. Gi hi di yem njita nitu di map kuisi bi ba mun di noni yem bi binggei sut Allah leu api pai sigyo biNoni.

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

KORINTUS GI NIGOM 7:28

Gino aug wak sop nok atnem ne sisar ntun him bi. Gino sop gwam nitta pilei ug wak nijjep ne sisar ntun him cem bi. Noro mun di bindei ba, jibou ngwak sibui cut igkep yo di iwak yam. Ba, dijoi sut gino dinyohou jeni leu mun dima.

KORINTUS GI NIGOM 8:8

Ningat ne njita bikum ei ide ningon kwes kin Allahti bi. Gino igyem njita lene gima bindei ba, itug ndei mun di kei hi bi. Gino igyem njita bi lene gima bindei ba, ikrau tunggwei mun di kei cem bi.

KOLOSE 2:16

Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

TIMOTIUS GI NIGOM 2:4

Noni joi sut mem gima tungwatu nya yahagom igyai niteu leu sisarti kin niyaijo nijep ba, ingon dorti tut nihyet di nijit.

TIMOTIUS GI NIGOM 4:4

Lewo mun di Allah pai tes nya hagom kei bibor kei. Harin dima ipigig ser njita ninyeng gom a. Gino ijem sigyo bak Noni tut njita hagom tu lene nnaba igyem hak ug.

TIMOTIUS GI NIGOM 5:14

Gima rino dijoi sut bipia kibom di pilei nya iwak ijjep bat nya hi bu leu binhyepo igyai imunggwom ba, inyohou ide ig bei nsi nya. Gino igyai nok gima lene mibon nituti mem ide siceu nya irom ighyet kui nye bi.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

SAMUEL GI NIGOM 9:13

Timiei minu dini ibon pesta noro yoni migyem njita bigyo bibou Allah de awak dima kwei kes ninda ei mindhe dima dip bingat nadi kep nipou ug e. Ma jimbut sindem ba, jahatap noni nipou tirigi noni yem njita bigyo.”