TIMOTIUS GI NIGOM 4:16 - ALLAH NIHYET MEM TUNGWATU NYA

¹⁶ Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

TIMOTIUS GI NIGOM 4:16 ပူးပေါင်းရင်းမြစ်များ

TITUS 1:9

Ba, suar noni krau kep nihyet di Kristus ngginau nye tut di iba ingon com tu. Tug hon nisinati dima ne noni sindem mem gima ba ningginausi di nijit biwin kep yo di mbusyamei ingonti ba, brim ningkek kep yo di isrep tut nihyet ba, ndo mun di igyai tunggwei nya brei biyok.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

NIBOHON MBEN ISRAEL GI NIGOM 28:10

Ma ayok ngon kep mungkun kei bipia tuhan dimig nani pijum ei mem gima angot ig gom mem Noni. Gima rino nogindini ma ata abou eisi ba, angot kikau biput kep.”

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

2 TIMOTIUS GI NICAN 3:14

Noro tut na di Timotius e, ma akrau kep ningginausi di nijit di guru nya ingginau na tut ba, angon huk niti lene ma aba angon com guru di ingginau na tut nya.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

YESAYA 55:11

Nok gima cem tut Dihyet di disimbot dat nya mingkwei hanyen ndam Da mikui-kausi kan bi noro mingat ningat bit leu dingon kanti biyai midyai hagom bit leu nok dicukti.

TIMOTIUS GI NIGOM 4:6

Gino angginau mun di dicuk na tut dini bak yo di ingon jo kep nya lene gini bindo bipia nani ne Kristus Yesus de awak di joi bibor ri. Gino ayem njita leu Allah nihyet di yahagom ingon jo kep kin nihyet di nijit di abit kikau kwei bipek ammani kep cem lene gima bindo brei bipia amahan tu.

TIMOTIUS GI NIGOM 1:3

Akan kep bipia tirigi dijo leu minu ndig Efesus ba, duug ei hanjop Makedonia lene dicuk nani leu binhyema akes minu ndig Efesus hak ba, ambut leu au. Leu binhyepo asok kep ibou poi ei mpia dima ngkiem ser nhyema iba nihyet nitrowai bingginau tungwatu nya bu au.

ROMA 16:17

Disut bat jen, ditigtai je leu binhyepo jitindei ser yo di ibindei di jiba nitok biyam kin yo di ibindei di yo di ingon jo kep nya ingon kiowi tut ide niba ningon comti lewo igyai munti dima srep tut ningginau jeti di nijit-jau di jiyai nipou su. Ma jimbres jenti leu yok.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

KORINTUS GI NIGOM 9:27

Dibiyai hamem dinghuisi ba, doom kep dingut kanti nya. Gi bi ne mbro nok gino dibidip huk yo di hiter mem icoi bit nibeheu yamti lo, dem mem dicoi bit yok bi.

KISAH 6:4

Lewo nijoi sut nita nibou ei nadi kin nitri tut Allah Nihyetti mem tungwatu nya.”

MARKUS 13:9

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

YEREMIA 23:22

Gino ikan tut mimun di jo ei dibou ngwakti nya ne suar itri tut dihyet bak Ditde limwa nya bibindei ba, ittin ser ide sisar di kinei kin igyai munti di mbuk bibor. Noro bi.

YAKOBUS 5:20

lene ma jiyok ngon kep bipia no di brim no di srawir leu puig di kinei biteu noni leu nimai eisi bindei ba, Allah kos ser nide sisar di mang bibor dima tu. Nipigo leu dani, Yakobus

TITUS 2:15

Suar aba anyeng di tak kep yok bitri tut mun dini yok hagom. Abiwin kep yo di ingon jo kep nya ingonti ba, asok kep yok ngkiem cem. Ma asindui sut ba, tungwa hi ningwes om kep nani au.

KOLOSE 4:17

Ma jisok kep Arkhipus bijipai “Ma anda jo kep midyai di ayai mem Tuhan biput kep.”

KORINTUS GI NIGOM 9:22

Tut yo di ingon nddong bi nya ne diyaijo tereu nok no di ningon nddong bi leu binhyepo dibindei ba, ikuk yok bak Kristus. Dindo diyaijoti bak tungwatu nya bit leu nok igyai munti nya leu binhyepo diba nisinati hi gom hi gom bindei ba, igyai niteu leu sisarti kin niyaijo nijep.

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

NIBOHON MBEN ISRAEL GI NICAN 19:6

Noni pingok ingonti bipai biyok “Ma jiba jingon di ki bimbus limwa nya ingonti lewo jimbus yok gau ninyeng tungwatu bi. Noro gau tuhan ninyenga. tuhan ngig niyai kep jeni mpe dino jikos tut munhyet ei limwa nya ikieti.

FILEMON 1:19

Angat i! Diba dinda ceti bipas Da di Paulus midirop ade ningwam hagom hanyen bina! (Dipingok angonti tut ade ningwam di jo bida bi. Ningwam dima ne ade niyai niyaijo nijep di tug hon Kristus ri.)

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

TIMOTIUS GI NIGOM 4:15

Ma abingon-ngon nyen mun dima yok mungkun kei. Abita abou eisi leu binhyepo tungwatu nya yahagom ingat gino abindei mbut ade midyai nya bou igyai him.