TIMOTIUS GI NIGOM 4:13 - ALLAH NIHYET MEM TUNGWATU NYA

¹³ Ei nijam di dihwou ngat na bigyo dini lene ma ata abou ei nikwop kep Allah nihyetti brei bak yo di ingon jo kep nya lene arok kik yok ba, angginau yok cem.

TIMOTIUS GI NIGOM 4:13 ပူးပေါင်းရင်းမြစ်များ

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 6:4

Lewo nijoi sut nita nibou ei nadi kin nitri tut Allah Nihyetti mem tungwatu nya.”

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

KORINTUS GI NIGOM 14:3

Noro no di tri tut Allah nihyet tri tut bak tungwatu nya leu binhyepo biyai sindem yok ba, ibrim ingkek lene biwin kep ingonti cem.

KORINTUS GI NIGOM 14:6

Disut bat jen, gino dihwou ngat je bidiba nihyet mindur bimbrap lene notou nihyet dima mpu je i? Mpu je bi! Gino dihwou tri tut nihyet di Allah mbot kep tut bida kin Nide ningginausi ba, diprios kep nihyet cem lene dem.

NINDAT KEP TUHAN NICUKTI NYA 17:19

Suar nibou ndig pwoi srat dima bikwop mmun-njap kikau leu binhyepo kwop-kwop nyen srat dima kikau ug bipek niyaijo ningwig honti. Leu binhyepo bingon tut gi kuk no bak nide tuhan Allah lene ba ningon di gom bibit tuhan nicukti nya di tibim ei srat dimati hagom kikau.

TIMOTIUS GI NIGOM 4:16

Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

TIMOTIUS GI NIGOM 4:6

Gino angginau mun di dicuk na tut dini bak yo di ingon jo kep nya lene gini bindo bipia nani ne Kristus Yesus de awak di joi bibor ri. Gino ayem njita leu Allah nihyet di yahagom ingon jo kep kin nihyet di nijit di abit kikau kwei bipek ammani kep cem lene gima bindo brei bipia amahan tu.

2 TIMOTIUS GI NICAN 3:15

Ma ayok ngon kep bipia tirigi amien kikau kwei bipek ammani kep ne akrau kep Allah nihyet. Ba, nihyet dima sindem mem gima biyai angon di dorti leu binhyepo ayai niteu leu sisarti kin niyaijo nijep tug hon ade niba ningon com Kristus Yesusti.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

TITUS 2:15

Suar aba anyeng di tak kep yok bitri tut mun dini yok hagom. Abiwin kep yo di ingon jo kep nya ingonti ba, asok kep yok ngkiem cem. Ma asindui sut ba, tungwa hi ningwes om kep nani au.

YOSUA 1:8

Ma akwop Ditde nicuk jeti nya ei ahui him brei ei mben Israel yoho bei tirigi idem yam ei ba, ikuk yok biDa. Ma angig ayai kep hagom bikwop mmun-njap. Lene ma ata abou eisi ba, abit hagom nok gi kei. Gino ayai nok gima lene ade midyai nya mingat ningat mang bibor.