TIMOTIUS GI NIGOM 4:10 - ALLAH NIHYET MEM TUNGWATU NYA

¹⁰ Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

TIMOTIUS GI NIGOM 4:10 ပူးပေါင်းရင်းမြစ်များ

MAZMUR 107:2

Gino Noni teu je leu nikineisi tu ne ma jindat kep nihyet dima ei juhui him.

MAZMUR 118:8

Niba ningon com tuhanti bon ninyeng dor njiriek niba ningon com tungwatu nyati.

MAZMUR 36:6

tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

MAZMUR 52:8

Yo di ingon kwes ingat mun di cut igkep na lene idigit tut leu api ipa ndip na bipai biyam,

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YEREMIA 17:7

Noro midinjei mun di kei bijo ninno bak no di ba ningon com Da.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

NAHUM 1:7

tuhan ningon nggriu ba, nyohou Nide limwa nya ei mpe di igwam coi Noni drek dip ide ningon buhunti ba, Noni ya ser yok.

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 4:42

Gima rino ipai bak misop dima “Nogindini niba ningon com Noni tug hon ahyet di atri tut Noni he bi noro tug hon nihyet di tibim kwei leu Nonti nuhui him. Nikan tut bipia Noni ne No di teu tungwatu nya leu ide sisar biyai niyaijo nijep biyok ri.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NICAN 1:10

Noni teu nye biningwes ngun leu mun di nahanok mibie ndam nimai mem nye tu. Noni miteu nye ei nidipti bu cem lewo niba ningon com Noni.

TIMOTIUS GI NIGOM 2:3

Ningginausi dini kei bibor lene bindei ba, Allah di teu nye leu sisar biyai niyaijo nijep binye joi sut nye.

TIMOTIUS GI NIGOM 2:4

Noni joi sut mem gima tungwatu nya yahagom igyai niteu leu sisarti kin niyaijo nijep ba, ingon dorti tut nihyet di nijit.

TIMOTIUS GI NIGOM 2:6

di kes ningut ei mem tungwatu nya yahagom ba, biteu yahagom leu sisar biyai niyaijo nijep biyok. Tug hon niyai munti dima lene Allah ndo bidem igbit tto bou bipia Noni joi sut yahagom igyai niteu leu sisarti kin niyaijo nijep.

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

IBRANI 11:26

Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu.

IBRANI 13:13

Ma jikwei ba, yuug ya kin Noni ei minu ndig nisai ma kwei bitug ndei nipai nye kineisi bit Noni.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.