TIMOTIUS GI NIGOM 4:1 - ALLAH NIHYET MEM TUNGWATU NYA

¹ Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

TIMOTIUS GI NIGOM 4:1 ပူးပေါင်းရင်းမြစ်များ

NITRITI 3:13

Lene tuhan Allah hig ser no di sop “Nggon rino ayai nok gima i?” Leu api no di sop buhup “Wou ris da ba, diyem biei ngat dima.”

NIBOU NDIG NYA GI NIGOM 13:18

Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YEREMIA 23:26

Nabi dima yok iba yonti ide niris munti di igyai leu yonti ingon kanti dima bindei ba, Ditde limwa nya israwir mem nijam pig bu i?

YEREMIA 48:47

Noro ei nijam gi nidipti bu lene midibindei minu Moab bibong kei bigwam kei nok gi nipou hanyen. Da di tuhan disimbot dat tu!” tuhan mibindei ba, mun di buhun bibor dima hagom micut igkep minu Moab.

YEREMIA 49:39

Noro ei nijam gi nidipti bu lene diyai nibong kei nigwam keisi bak Elam hanyen bu. Da di tuhan disimbot dat tu.”

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

MBEN ISRAEL IMBUT-MBUT NYEN 24:14

Lene Bileam pai bak Balak “Nogindini dingkwei hanyen ug ei ditimieisi ug ri. Noro tirigi dimbut bigyo lene midipai nisinati bina tut notou mben Israel mibibon nani kin ade limwa nya ei nidipti bu ug e.”

MATIUS 18:7

Ayo! Buhun bibor mem tungwatu dihyeisi dini lewo mun nyeng mang bibor bindei ba, icut ei sisarti. Mun dima yok mipek kep mem tungwatu nya kikau. Noro buhun bibor mem no di bindei dino hi ter cut ei sisarti!

LUKAS 17:1

Yesus pai bak yo di igya kui Noni “Mun di bindei dino tungwatu nya ibon sisar nonaha. Noro aye! Buhun bibor mem no di bindei dino hiter bon sisar!

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 21:11

No dini kwei cem kep nye leu api ba Paulus de bang bingot nonti nimig-ninda leu api pai “Allah Ninnei tri tut bipia mben Yahudi ei minu ndig Yerusalem miba nisinati dini bingot bang dini niceu leu api mikes noni ei ngkiai nya indati.”

KISAH 28:25

Isrep tut yam ba, ibintek leu mpia dima tirigi Paulus binut nihyet mbigom kin bu bipai biyok “Mun di Allah Ninnei pai bak jidigup bat-jidigai bat nya tug hon Nabi Yesaya nuhui him dima ne nijit ri.

KORINTUS GI NIGOM 10:20

E bi! Mun di ibui bibam ei nimbar hum dokti bak ide kwar ne mun di ibikuk yok bak Allah rin bi noro mun di ibikuk yok bak ninnei rom nya. Lene dikou sut gi jinok gom kin ninnei rom nya.

KORINTUS GI NIGOM 11:19

Jo nibreisi bipia nimpung di iba nitok biyam dima intun jide mbusyamei him leu binhyepo jingat yo di ingon gom nya brei bou jiyai him.

KORINTUS GI NIGOM 12:11

Nisindemti dini yok hagom ntun Allah Ninnei gom ngat him ba, Noni ba nisindemti di ter leu yam dima bisindem tut tungwagom-gom bit leu ningon kanti.

KORINTUS GI NIGOM 2:10

Noro Allah ndo ningon kanti di jo nding brei binye tug hon Ninnei. Allah Ninnei pigot bram mun nyeng hagom kikau ug bipek Allah ningon kanti di jo nding bibor cem.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

2 TIMOTIUS GI NICAN 4:4

Apino itingou ndok ser nihyet di nijit lo, itingou dile mem mumpui hyet he.

YAKOBUS 3:15

Ningon kiti dima srek kwei leu gwamti bi noro ntun dihyeisi dini him bikwei leu tungwatu di ingon tindur nya kin ninnei rom nya.

PETRUS GI NIGOM 1:20

Allah dimig Kristus ei nipou tirigi Noni pai tes dihyeisi dini bigyo leu api kes Noni brei ei tungwatu nya igyai him mem nijam ningwig honti dini leu binhyepo biteu je leu sisar biyai niyaijo nijep bije.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

PETRUS GI NICAN 3:3

Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,

YOHANES GI NIGOM 2:18

Dimunggwom bat jen, nijam dini son dideu njap ningwig honti tu! Jimiap tut No Di Ba Nitok Bak Kristus ninghapti tu. Noni mittau kep nye lo, yo di iba nitok bak Kristus imang bibor ittau kwei su. Gima rino ikan tut bipia nijam dini son dideu njap ningwig honti tu.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YUDAS 1:18

Ipai bije bipia tirigi njap ningwig honti son dideu lene tungwatu nya di igyai igbit ingut kanti di kinei di srou yok nya mittau kwei leu api iba ighyet bicig je.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.

NINGAT-HI-NGAT NYA 18:2

Noni ba nihyet nindig bibor bahara “Noni cut tu! Minu ndig Babel di ninyeng jei cut tu! Ninnei rom nya kin ha di kinei-kinau di tungwatu nya ingon mpo tut nya hagom iteu ei nigkumti.

NINGAT-HI-NGAT NYA 18:23

Tungwatu nya ingat mini ninjeng di piga digai minu ndig dima bu bi. Ibon pesta niwak yamti ei minu ndig dima bu bi. Nipou ne nitri-nibipek kep mun cig ei minu ndig dima inyeng jei dor njiriek nitri-nibipek kep mun cig nya ei dihyeisi dini hagom. Nipou ne minu ndig dima ba ninda dut biris tungwatu dihyeisi dini hagom.”

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 2:11

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Bikwop yo di ibindei cut sisar nisindemti migyai ninghuisi wei tug hon nimai gi nican bi sren.”

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 2:29

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.

NINGAT-HI-NGAT NYA 20:8

Leu api Bilis mimbut ug ei dihyei nisurti-nipekti hagom leu binhyepo ris bak tungwatu nya yahagom. Yo dini ne timiei minu ndig Gog kin Magog nya rin ba, imangti dem kep igum di jo ei muk pimat nimangti. Bilis nduk yo dini yahagom kwei mem gima ikon pran.

NINGAT-HI-NGAT NYA 3:13

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:22

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:6

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 9:20

Noro tungwatu nindigsi nya di igyai nimai tug hon mun di buhun ninyeng ningai dima bi ikiek yok leu mun di ikuk yok bak bi. Ikuk yok bak ninnei rom nya kin kwar nya kikau. Kwar dima ne iba mas kin perak kin ngkimom-tembaga kin tig kin biei bibon ba, bit bon mun dima yok ingat mpia cem imiap nihyet cem imbut imig cem kan bi.