TIMOTIUS GI NIGOM 3:6 - ALLAH NIHYET MEM TUNGWATU NYA

⁶ Ma ata no di sindi nok no di Kresten nijep-jep binok nibou mbusyamei au. Leu gi nok ne ningon jei apino Allah misigion noni noyam kin Bilis di tug ndei nisigion noti.

TIMOTIUS GI NIGOM 3:6 ပူးပေါင်းရင်းမြစ်များ

NIBOU NDIG NYA GI NICAN 14:10

Na di Amazia e, abindei timek mben Edom tu apino angon jei sut ayaisi dima. Gino abindei timek siceu lene gima dem bi e? Handei kon ba, agwam hak ei ig bei! Apriet kin munhyet di mibindei ba, mun di buhun micut igkep nanti kin ade limwa nya hanyen mem mindei i?”

NIBOHON MBEN ISRAEL GI NICAN 26:16

Tirigi Nibou Ndig Uzia sindem bibor tu lene cut ei nillei-llau sut nontiti. Lene gima bindei timek ninyeng jei biborti cem. Noni tunggwei nide tuhan Allah de nicukti tug hon gi coi ug ei tuhan De Ig bindig biei nggrai di ui-gwang kei ei nimbar dima dip.

NIBOHON MBEN ISRAEL GI NICAN 32:25

Noro noni gijem sigyo hanyen bak tuhan tut ginjei mun di kei bak dima bi lewo ningon jei. Gima rino tuhan ningon sibui sut timiei Yehuda kin Yerusalem nya.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

DANIEL 11:12

Leu api ningon jei sut gino om kep siceu kin gi bindei mai imang bibor ei pranti dima cem. Noro nide nisindemti jo kikau bi.

LUKAS 10:18

Yesus buhup “Dingat Bilis tirigi noni cut leu gwamti nok kigyei.

KORINTUS GI NIGOM 3:1

He disut bat jen, bit bon dimbrap bit je noyam kin gi dimbrap bit yo di igyai Allah Ninnei ei ingonti tu nya kan bi. Apo dimbrap bit je tereu gi po jinok yo di iba yoho rok mun di ntun dihyeisi dini him kin munggwom mien di imahan ei Kristusti bigyo.

KORINTUS GI NIGOM 8:1

Nogindini dibuhup jihyet tut mikwau nipigig sut mem kwar di ikuk yok bakti nya. Ningat ne tungwatu nya ipai “Nyeni yahagom ingon ki tut mikwau nipigig serti” Noro ingon di ki tut mikwau dima biyai ingon di jei sut nyenti lo, ningon ngakei yamti bindei ba, igyai nisindemti.

KORINTUS GI NICAN 12:7

Noro mun di biyai dinghuisi wei cut igkep da ser nhyema dingon jei drek dip mun di mipbor ngat di dingat bou diyai him au. Mun di bindei di dinghuisi wei tereu nok Bilis de awak di hwen bit da ser nhyema dingon jei au.

NINDAT KEP TUHAN NICUKTI NYA 17:20

Gino ta nibou eisi bikwop mungkun kei lene mijo nibreisi mem nonti bipia noni kei-kau dor njiriek nide limwa nya bi. Gino noni ba ningon gom bikrau kep tuhan nicukti nya lene noni kin ide nintun him yamti di bram yam nya minyeng tak kep Israel sindam bijo kikau.”

NINDAT KEP TUHAN NICUKTI NYA 8:14

ma jingon sok kep jenti ser nhyema jingon jei ba, jibbwe ser tuhan di nok jide Allah au. Lewo Noni teu je bijingwes ngun leu gi jiwer awak ei minu Mesir tu.

TIMOTIUS GI NIGOM 3:7

Suar no dima ningon kwes kin yo di ingon jo kep bi nya. Leu gi bi ne noni biam bon di Bilis ndin mem noni apino mmai sut nonti.

TIMOTIUS GI NIGOM 6:4

no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

PETRUS GI NICAN 2:4

Allah sindui sut malaikati di ibon sisar nya bingwes ngun leu hukum bi. Noro com yok kikau ug ei hum njengti lene ba lante biteu yok ei mpia ttou nsi di dindi-kai bibet yok ei bibou Njap di Noni mikes hukum ei yok dip midem ug e.

YUDAS 1:6

Ma jiyok ngon kep malaikati nya di ibimangkrei ide nisindemti bipigau hanjop ne ikes itimieisi bihigom ei. Allah ba lante di bit bon hi kwek kan bi biteu yok ei mpia ttou nsi gom di dindi-kai ei dihyei jou kikau bibou itug ndei hukum mem Njap ningwig honti ug e.