TIMOTIUS GI NIGOM 3:2 - ALLAH NIHYET MEM TUNGWATU NYA

² Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

TIMOTIUS GI NIGOM 3:2 ပူးပေါင်းရင်းမြစ်များ

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

LUKAS 2:36

Gima cem sindig-ndau Hana di nok nabi sop no rima. Nicig ninyeng Fanuel ba, noni ntun keret Asyer him. Tirigi sop dini wak nijjep ba, niyaijo bit nijjep ei ninsi ari bingwam muhwindacan leu

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

TIMOTIUS GI NIGOM 3:12

Suar yo di igya kui nibou nya iwak sop gom ngat he ba, inyohou pingok imunggwom bat nya ingonti kan ba, ibie tut ide ig bei nsi nya nok mungkun kei.

TIMOTIUS GI NIGOM 3:8

Suar yo di igya kui nibou nya ingon kwes ba, ingon gom cem. Ma idut ba anggur ngei nindig di pu yok au lene ma ingon pri kep mitiei nindig bibor au.

TIMOTIUS GI NIGOM 4:3

Yoni isrin ser tungwatu nya bipai bipia ma iwak yam au. Ma igyem njita di ipigig ser au. Noro Allah pai tes njita dima hagom mem nye di ingon jo kep tu nya leu binhyepo ijem sigyo kep leu api igyem hak ug. Lewo ikan tut ningginausi di nijit di kwei leu Noni tu.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TIMOTIUS GI NIGOM 5:22

Ma abisau sut gino ata hi nok nibou mbusyamei au. Leu gino noni dem mem midyai dima bigyo lo, ata noni sisrau ne gima dem kep nok apriet kin nide sisar. Ma angon sok kep nanti ser nhyema angon kwes kei.

TIMOTIUS GI NIGOM 5:9

Ma asindui sut sop kibom dino nide njap ug ei ari bingwam ningot muhwindagom bigyo ninyeng tibim kin kibom nindigsi di akwop inyeng dima au. Tut kibom di akwop ninyeng ne suar noni nggre kin sop nya di iwak ijjep gom ngat he

2 TIMOTIUS GI NICAN 2:24

Ma Tuhan de awak nya itte tut tungwatu nya nyen au. Noro ma isingat tut hiter bingginau yok kan cem ba, ingon jo nyahan.

TITUS 2:2

Ma apingok andig-ndau nya ingonti leu binhyepo yoom kep ingon ba, ingon nddong cem isingat cem. Ma ikrau kep ide niba ningon com Kristusti kin ide ningon ngakei yamti kin ide ningon nddongti.

IBRANI 13:2

Ma jiba jikou bicigit ngkiai nya kui ig au. Tug hon nisinati dima lene bihi iba ningon di hukti bi bicigit malaikati nya kui ig tu.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

PETRUS GI NIGOM 4:9

Ma jicigit yam kui ig lo, jilua sok tut au.

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.