TIMOTIUS GI NIGOM 3:16 - ALLAH NIHYET MEM TUNGWATU NYA

¹⁶ Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

TIMOTIUS GI NIGOM 3:16 ပူးပေါင်းရင်းမြစ်များ

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

MATIUS 28:2

Idrui sut gi dihyei mun brim kros nindig bibor ba, Tuhan de malaikat gom juk kwei leu gwamti leu api rim tig mma leu jui dip bigwam dip.

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

MATIUS 4:11

Leu api Bilis kes Yesus hak ei lene malaikati nya ikwei nyohou Noni.

MARKUS 1:13

Noni bong ei mpia dima kikau mem mmun-njap ningot bitai ba, Bilis bingon kikep Noni. Mindhe-ndhe di niten-pos nya ingat rin ei sirima cem noro malaikati nya inyohou Noni.

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

MARKUS 16:5

Gima rino yuug bicoi kikau ug ei hak mihyeti dima bingat pinjoi pilei gom di gwam ei nite bei inda com di juk sinsun di tiei-tiau kei. Apino sop nya inghuisi mpig sut.

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

LUKAS 20:44

Gino Daud jem Nibou Ndig di teu tungwatu nya biyai niyaijo nijep biyok pima ninyeng Tuhan ne notou Nibou Ndig di teu tungwatu nya biyai niyaijo nijep biyok dima ntun Daud him i?”

LUKAS 22:43

Malaikati gom ttau kwei biyai nisindem biNoni.

LUKAS 24:4

Apino ingon kiowi niti bigya hak lo, pinai nya ibou can di ijuk sinsun di sieng-siau kei ittau kros bigya kui yok.

LUKAS 24:51

Tirigi Yesus yai mun di kei biyok leu lene Noni kes yok leu bikui ug ei gwamti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 20:12

bingat malaikati nya ibou can di ijuk sinsun di tiei-tiau di igwam ei hak mihyeti di yo pima ikes Yesus ningut eisi. Hi gwam hammi nibou lene hi gwam hammi nimig.

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

KISAH 1:19

Timiei minu ndig Yerusalem yahagom imiap tut mun di cut igkep noni. Gima rino iba yonti ighyet bijem mpia ttou nsi dima ninyeng Akeldama gi ikiek nihyet dima lene nibimbiti pai ‘Dihyei Ninggrom Siber Eisi’.)

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

ROMA 3:4

E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

KORINTUS GI NIGOM 15:47

Ei nimbie him ngat ne Allah ba dihyei ndung bipai tes Adam nok no di ya bibie. Noro Adam gi nican nitimieisi leu gwamti.

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

GALATIA 2:8

Lewo Allah di sindem tut Petrus di tri tut Nihyet Di Kei bak mben Yahudi sindem tut dani cem mem gima ditri tut Nihyet Di Kei bak ngkiai nya.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

TESALONIKA GI NICAN 1:10

Ba, gini hagom mipek kep mem njap dino Noni kwei hanyen leu api Nide limwa nya yahagom inggei sut Noni bikon ninyeng cem. Jeni cem jicoi bit yo dima lewo jingon jo kep nihyet di nitri tut bije tu.

TESALONIKA GI NICAN 2:7

Nisindemti di yai kep mun di sibut kinyon ei nide midyaiti nding leu tungwatu nya igyai him tu. Noro mun nyeng gom om kep noni. Mpe dino mun di om kep dima kes ninda leu ne,

TIMOTIUS GI NIGOM 3:9

Suar iba ingon mien di kwes kei bikrau kep Allah nicuk nyeti di nijit di Noni ndo binye tu hagom.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 7:7

Bit bon hi srep tut bipia no di ngat nadi tindei mun di kei mem hiter ninyeng jei dor njiriek no di ma mun di kei leu kan bi.

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

PETRUS GI NIGOM 1:20

Allah dimig Kristus ei nipou tirigi Noni pai tes dihyeisi dini bigyo leu api kes Noni brei ei tungwatu nya igyai him mem nijam ningwig honti dini leu binhyepo biteu je leu sisar biyai niyaijo nijep bije.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

YOHANES GI NIGOM 1:2

Tirigi Niyaijo dima hei ei nibreisi biningat Noni bou niyai him. Gima rino nitri tut mun di ningat bou niyai him ba, nipui sut niyaijo nijep di jo kikau nibousi di ningat rin bit Icig Allah leu api kwei ttau kep nye.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

NINGAT-HI-NGAT NYA 17:5

Ninyeng di jo ei ningwakti ne Babel Di Ninyeng Jei rin noro bon mimun di jo nding. Sop dini ne pung di sundal nya kin yo di ikrar kep yam ei dihyeisi dini yahagom intun him ri.

NINGAT-HI-NGAT NYA 17:7

Leu api malaikati dima hig ser da “Nggon rino anga leu tut noni i? Midimbot kep tut mimun tut sop dima kin mindhe di noni bri bigwam dip di bon nibou muhwindacan ba, nibou nggai simnai ntun him dima bina.

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.