TIMOTIUS GI NIGOM 3:15 - ALLAH NIHYET MEM TUNGWATU NYA

¹⁵ leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

TIMOTIUS GI NIGOM 3:15 ပူးပေါင်းရင်းမြစ်များ

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

GALATIA 2:9

Jo nibreisi mem Yakobus kin Petrus kin Yohanes bipia Allah ndo midyai di bon ninyeng dini bida. Gima rino ibou ningai dini di tereu nok ninyohou mbusyamei cig iba inda com bikrau Barnabas nyeni ninda nok bindo bipia ninjei bit yam. Nahagom nice tut yam hyet bipai bipia nyeni niyai midyai ei ngkiai nya ikieti lene yoni igyai midyai ei mben Yahudi ikieti.

ROMA 3:2

I! Mun dima yok mpu mben Yahudi nindig bibor! Nimbie him ne Allah ba ningon com yok tut Nonti Nihyet di yai biyok tu.

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

ROMA 9:26

Ei mpia ttou nsi di hi pai sut yok ‘Jinok Ditde limwa nya bi’ lene Noni mipai sut yok ei mpia dima ‘Yoni ne Allah Di Niyaijo nimunggwom bat nya rin’.”

KISAH 1:2

kikau ug bipek njap di Allah kon Noni ug ei gwamti hanyen. Noro nipou tirigi Noni ug ei gwamti bigyo lene Noni pingok yo di igya kui Noni di mbus yok ei su nya ingonti tug hon nisindemti leu Allah Ninnei.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

MATIUS 18:18

“Ma jingon dorti tut gini ug e. Mun di jiggai ser ei dihyeisi dini ne Allah ei gwamti cem ggai ser tu ba, mun di jisindui sut ei dihyeisi dini ne Allah ei gwamti cem sindui sut tu.

NIBOU NDIG NYA GI NIGOM 2:2

“Son dideu diyaijo ningwig honti tu. Gima rino ma angon gom ba, abrim angkek,

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

NINDAT KEP TUHAN NICUKTI NYA 31:23

Lene tuhan pai bak Yosua di Nun nipmot “Suar angon nddong ba, ata abou eisi lewo jei bi lene abie tut mben Israel ug ei minu di dipreu ei mem yok nipou su. Midingat rin bit na.”

NINDAT KEP TUHAN NICUKTI NYA 5:26

Tungwa hi di miap Allah Di Niyaijo mbrap kwei leu hum njengti no niyaijo yo e?

NINGAT-HI-NGAT NYA 7:2

Dingat malaikati gom kin bu di ttau kwei leu mpia nipriti bikwei sut Allah di Niyaijo de mun di bitak buk. Noni ba nihyet nindig bimbrua ser malaikati ibou bitai di ikrau nisindemti leu Allah mem gima inggek tut mam bei kin muk ngeisi

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

EFESUS 4:21

Jimiap tut Yesus bijibit nihyet tu lene jiyai nipingok jeti tut Allah ningon mien paisi di ntun Yesus ningonti him dima cem tu!

GALATIA 3:1

Je di timiei hanjop Galatia e, jingon mbum yo! Tou rino kiek jingon i? Dindo Yesus Kristus nimai ei biei salibti brei bije tu!

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

KISAH 14:15

“Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

YEREMIA 23:36

Gima rino ma yoni indat kep ‘tuhan buhun tak nye’ bu au. Leu gino hi ndat kep gima hanyen bu lene midibindei ba, dihyet mibuhun tak noni nijit-jau a. Yo di indat kep ‘tuhan buhun tak nye’ ikiek Da Di tuhan Di Diyaijo ba, Di Sindem Bibor cem dihyet bibit leu yonti ingon kanti.

YEREMIA 1:18

Amiap e! Timiei minu dini bitut nibou ndig nya kin yo di igya kui noni kin imam nya kin ide limwa nya mite tut nani. Noro njap di ammani dibindei ba, anok minu ndig di bon tentara nibousi kin cou nipmem ngkimom nitu kin ngug ngkimom-tembaga. Bit bon ibindei cut nani kan bi lewo midingat rin bit na bidiya srak ko hagau na cem. Da di tuhan disimbot dat tu.”

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

SAMUEL GI NIGOM 17:36

Dibui singa nya kin beruang nya bimai lene midibindei mai ngkiai mben Filistin dima cem bimai drek dip gi noni srep huk Allah di niyaijo de tentara nya.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

2 TIMOTIUS GI NICAN 2:20

Lewo dem kep ndigban di jo ei ig ndig bibor ba, den kin bokor di iba perak kin mas kin biei kin igtuyap bibon. Ibet gi hi di kei bibor nya ei mem njap nindig lo, ibimangkrei gi hi di ugwai-gwai nya bikwop njap-njap.

TIMOTIUS GI NIGOM 3:5

Leu gino noni nyohou bie tut nide ig bei nsi nya kan bi ne notou noni nyohou bie tut Allah de mbusyamei i?

KORINTUS GI NICAN 6:7

Niba nihyet di nijit-jau di nitri tut kin nisindemti di kwei leu Allah kin bindo bipia nyeni ne Allah de awak nya ri. Nikrau kep Allah ningon kanti tereu nok nikrau kep simeda. Nibihwen siceu nya ba, nibimbrap gau nyenti.

KORINTUS GI NICAN 3:3

Jo nibreisi mem yo dima bipia jinoyam kin srat nibuwakti di Kristus pas bipinak kwei tug hon nyeni. Noni ba buk ngei bipas kep srat bokti dima bi noro ba Allah Ninnei bipas kep. Noni pas kep srat bokti dima ei tig pasti bi noro pas kep ei tungwatu nya ingonti.

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

KORINTUS GI NIGOM 3:16

Jikan tut bipia jeni ne Allah De Ig rin e? Jikan tut bipia Allah Ninnei bong ser jingonti e?

KORINTUS GI NIGOM 10:32

Ma jiyaijoti nya bindei ba, mben Yahudi kin mben Yunani kin jisut bat di Allah de mbusyamei nya icut ei sisarti au.

TIMOTIUS GI NIGOM 3:14

Diyok dingon mem gima jei bi lene dihwou ngat na lo, dipinak srat dini hwou ndam na nipou ug e,

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

IBRANI 10:21

No di ya hacan mem nye ne Imam Di Ninyeng Jei rin ba, ninyeng tak kep Tuhan De Igya.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?