TIMOTIUS GI NIGOM 2:5 - ALLAH NIHYET MEM TUNGWATU NYA

⁵ Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

TIMOTIUS GI NIGOM 2:5 ပူးပေါင်းရင်းမြစ်များ

GALATIA 3:20

Ba, gino ibou can itte tut yam lene isuar tungwagom di ya hacan bibakei yokti. Noro Allah suar tungwagom di ya hacan mem Noni bi. Nongkom yai nibou tut hak.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

EFESUS 4:6

Allah gom ngat he ba, Noni ne Icig rin bininyeng tak kep nyeni yahagom. Noni yai kep Nide midyai nya tug hon nyeni bipingok ei yahagom ingonti.

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

AYUB 9:33

Noro nikei di kos tut nyende munhyet biya hacan mem Allah kin dani hi ningat rin bi.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

MATIUS 1:1

Daptar dini ndo igbit tut pung dino kwei bipek Yesus Kristus di Nide pung ntun Daud him ba, Daud de pung ntun Abraham him.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

ROMA 1:3

Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

TIMOTIUS GI NIGOM 6:13

Disok dihyet mem na ei Allah di yai niyaijo bak Nide nipai testi nya hagom niyai him kin Kristus Yesus di tri tut Nide niba ningon comti ei Pontius Pilatus noho bei bipia,

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.

LUKAS 14:22

Jei bi lene awak dima kwei hanyen bitri tut bak niceu bipai ‘Diyai hagom bit leu nok acuk dati tu noro ig bon ningwakti mem hi kin bu.’