TIMOTIUS GI NIGOM 2:2 - ALLAH NIHYET MEM TUNGWATU NYA

² Ma ingat nadi mem nibou ndig nya kin yo di inyeng jei nya yahagom leu binhyepo ibindei ba, nyeni ibong kei igwam kei bingon kwes kin Allah ba, ingon kwes kin yam cem.

TIMOTIUS GI NIGOM 2:2 ပူးပေါင်းရင်းမြစ်များ

SAMUEL GI NICAN 20:19

Nyende minu ndig Abel dini nindig bibor ba, timiei nya ibong kei igwam kei cem ba, dem mem gima jiba jingon com nye dor njiriek gi jiba jingon com minu ndig di mben Israel ide hagom. Nggon rino na di Andigpoi anggok puig mem gima abindei sar minu ndig dini i? na di Andigpoi e, ajoi sut gima anggek tuhan de dihyei hanjop nsi dini e?”

EZRA 6:10

Suar jibit dicuk jeti dini leu binhyepo yo dima ibon midut di Allah di ninyeng jei ei gwamti joi sut nya ba, ingat nadi tindei Allah de mun di kei mem dani kin dipmot bat nya.

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

MAZMUR 72:1

Doia Salomo. Allah e, ma angginau nibou ndig tut Ade nikos tutti nya. Akwas angon sren-srausi ndrim hi tut nibou ndig nipmot,

NIPINGOK NINGONTI 24:21

Dimunggwom na e, ma attin tut tuhan ba, abou cut bak nibou ndig. Ma aba na bikum yo di yaham imbuk kep yok au.

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

LUKAS 2:25

Mpe dima lene Simeon no bong ei Yerusalem. No dini ningon sren bittin tut Allah lene mem kep ser tto bou tirigi Allah miteu mben Israel. Ninnei Gi Kwes cem ningat rin bit noni,

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 24:16

Gima rino dita dibou ei dingon mien di kwes kin Allah kin tungwatuti kikau.

ROMA 12:18

Tut jenti njem ne ma jita jibou ei ningon kwes kin tungwatu nya yahagomti.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

TESALONIKA GI NIGOM 4:11

Ma jita jibou ei ningon di jo nyahanti kin nibiang jenti jide minaisi ba, jibitug ndei mun di jisuar nya tug hon gi jinda jo kep jide midyai nya. Gima hagom bit leu nok gi nicuk je tut nipou su.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.