TIMOTIUS GI NIGOM 2:1 - ALLAH NIHYET MEM TUNGWATU NYA

¹ Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.

TIMOTIUS GI NIGOM 2:1 ပူးပေါင်းရင်းမြစ်များ

EZRA 6:10

Suar jibit dicuk jeti dini leu binhyepo yo dima ibon midut di Allah di ninyeng jei ei gwamti joi sut nya ba, ingat nadi tindei Allah de mun di kei mem dani kin dipmot bat nya.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

ROMA 1:8

Nimbie him ne dipai sigyo bak Allah tug hon Yesus Kristus mem jahagom lewo tungwatu bidem minu imiap tut jiba jingon com Yesus Kristusti tu.

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

KORINTUS GI NICAN 8:6

Titus kinyon ei midyai nimbus munkwas keyam leu je nipou su. Gima rino nahara mem noni leu binhyepo yai kep gima kikau biput kep ug e.

EFESUS 3:13

Gima rino mbro nok gino diyai dinghuisi wei drek dip je lo, ditigtai je leu binhyepo jingon nghen leu au. Lewo ningat di ntun ditde ninghuisi wei dini him bindei mbut mun di kei mem je.

EFESUS 5:20

Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

FILIPI 1:3

Bikwop mpe dino dingon huk niti tut je ne dipai sigyo bak Allah.

FILIPI 4:6

Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.

TESALONIKA GI NIGOM 3:12

Handei kon ba, Tuhan yai jingon ngakei yamti kin jingon ngakei tungwatu nya yahagomti bikum nut bu noyam kin nyende ningon ngakei jeti.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

TIMOTIUS GI NIGOM 2:4

Noni joi sut mem gima tungwatu nya yahagom igyai niteu leu sisarti kin niyaijo nijep ba, ingon dorti tut nihyet di nijit.

TIMOTIUS GI NIGOM 5:5

Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.

2 TIMOTIUS GI NICAN 2:24

Ma Tuhan de awak nya itte tut tungwatu nya nyen au. Noro ma isingat tut hiter bingginau yok kan cem ba, ingon jo nyahan.

TITUS 2:11

Lewo Allah ndo nisingat tut tungwatu nyati leu binhyepo teu yahagom leu sisar biyai niyaijo nijep biyok.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.