TIMOTIUS GI NIGOM 1:9 - ALLAH NIHYET MEM TUNGWATU NYA

⁹ Jo nibreisi bipia nibou ndig nya ipas kep niggai serti nya drek dip yo di ingon kwes nya bi. Noro drek dip yo di ipigau hanjop kin yo di isibut bibor kin yo di ingkek ndok kin nibon kep sisar cig kin yo di Allah ninghim kin yo di isingat bi kin yo diihwen icig bat-ipmem bat nya kin nihwen kep mun cig,

TIMOTIUS GI NIGOM 1:9 ပူးပေါင်းရင်းမြစ်များ

SAMUEL GI NICAN 16:11

Daud pai bak Abisai kin nibou nya di igya kui noni yahagom “Dipmot bungwam mem gima yai nimai bida. Nggon rino jinga leu sut no di ntun Benyamin him dini nimbriom dati i? tuhan cuk noni bipia mbriom da. Ma jisindui sut noni ba, mbriom da hak ug.

NIBOU NDIG NYA GI NICAN 19:37

Jei bi lene noni coi ug ei ig kwar nibousi bikuk no bak nide kwar Nisrokh lene nipmot bat cin di Adramelekh kin Sarezer iba ide simeda bitot noni bimai leu api inang ug ei minu Ararat. Apino Esarhadon di nipmot hi kin bu ya luei nohoti nok nibou ndig.

NIBOHON MBEN ISRAEL GI NICAN 32:21

Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.

NEHEI LEUSI 20:13

Harin dima jihwen mun a.

NEHEI LEUSI 21:14

Noro gino tungwagom mbuk tut hiter lene bisinggre bihwen noni leu api nang ug ei Ditde nimbar hum dok nikiou leu binhyepo ningwes ngun ei sirima lo, ma je di nindigsi jibrim noni leu nimbar hum ndok nikiou ba, jikes hukum nimai ei noni dip.

NIPINGOK NINGONTI 20:20

Gino ahyet wer mpiahi tut acig bat-apmem bat nya ne ayaijo mingwig hon nohonti dem kep nok njeng mbrei di mu ba, piga digai nidinditi bu bi.

NIPINGOK NINGONTI 28:17

No di ningon mui di ningon huk niti tut nihwen munti mporo nang kikau ba, ug bipek niyaijo ningwig honti bicoi jui kep. Ba, hi di bigen ser ninangti dima kan bi.

NIPINGOK NINGONTI 28:24

No di ninda ngwa-ngwa wai kep mun di nicig-nipmem nya inyeng tut nya bikan bipia sisar ntun him bi noyam kin ninggimang kep mun cig.

NIPINGOK NINGONTI 30:11

Tungwatu nya bihi ighyet wer mpiahi tut icig bat nya ba, ingkek ndok tut ipmem bat nya.

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

YEREMIA 23:11

tuhan pai “Nabi nya kin imam nya ibit dihyet bi. Dingat lo, ibon mun di kinei ei Ditde De Ig.

YEHEZKIEL 21:25

Lene Da di tuhan dipai bak nibou ndig Israel “Nani ne nibou ndig di asibut rin ba, anjiriek dihyet! Tto bou mem ade hukum nipekti dideu su.

IMAM NYA IDE MIDYAI 20:9

Lene tuhan yai nicukti dini biyok, “No di sigion nicig nipmem lene suar jikes hukum nimai ei noni dip. Noni mai drek dip nonti niyai mun tunggweisi dima.

MATIUS 10:21

Mpe dima lene yo di ikinjoi bat yam mitri yam leu api yo di ikrau nisindemti nya mijem nimai gau yok. Nok gima cem andig poi nya mitri imunggwom bat nya ba, munggwom nya mitri icig bat-ipmem bat nya leu api yo di ikrau nisindemti nya mijem nimai gau yok bu.

ROMA 1:30

ipai yam nghapti cem ingon mpo tut Allah cem ighyet sem tut yam cem inggei-nggwang cem ingon jei cem igyok ighyet mem gima ibon sisar tug hon nisinati hagom cem ibit icig bat-ipmem bat nya ighyet bi cem,

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

GALATIA 3:19

Gi nok lene Allah yai niggai serti dima bak mben Yahudi mem mindei i? Noni ba Puig Yahudi niggai serti bikum ei nipreu ei mem yokti leu binhyepo ndo tungwatu nya ide sisar brei biyok. Puig dima mbut kikau ug bipek no di ntun Abraham him di Allah preu ei mem Abraham nikweisi. Malaikati nya isu inda bigyai niggai serti nibokti bak tungwagom di ya hacan mem Allah kin tungwatu nya.

GALATIA 5:18

Gino jibit Allah Ninnei nibie tut jeti lene Puig Yahudi niggai serti ninyeng tak kep je bu bi.

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

GALATIA 5:23

iba ibou coi mem yam cem yoom kep ingut kanti nya cem hagom. Nicukti hi cuon ser niyai munti dini bi sren.

NINDAT KEP TUHAN NICUKTI NYA 27:16

‘Ma tuhan sigion No di kon nicig kin nipmem inyeng bi bisindui sut yok ba, iwer nikinei-kinau.’ Lene ma limwa nya yahagom ibuhup ‘Igbit ri!’

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

TIMOTIUS GI NIGOM 4:7

Ma ambres nanti leu mumpui di bon ninyeng bi nya. Ma abingon-ngon nyen ba, abiyai hamem angonti di kwes leu binhyepo ayai mun bit leu Allah ningon kanti mem na.

TIMOTIUS GI NIGOM 6:20

Na di Timotius e, ma anyohou mun di Allah ba ningon com na tut! Ma ambres nanti leu nisimbot kep biyamti di nok nihyet minyei kin tungwatu nya di iba ighyet dahat yam hyet tut mun di iba ingon kiowi bijem ninyeng “Nikan tutti.”

2 TIMOTIUS GI NICAN 2:16

Ma ambres nanti leu nihyet minyei kin mun di tungwatu nya iba ighyet dahat yam tut di bon ninyeng bi. Lewo mun dima yok hagom bindei ba, tungwatu nya ingkwei leu Allah.

2 TIMOTIUS GI NICAN 3:2

Mpe dima lene tungwatu nya idrui bou ngwak cem ingat ingwes ei mitieiti cem inggei-nggwang cem illei-lau cem ighyet tigut yam cem isrep tut icig bat-ipmem bat nya ighyet cem ipai sigyo kan bi cem isingat bi cem,

TITUS 1:10

Lewo yo di isrep tut nihyet imang bibor yo rinaha ba, gi bibor hak rino yo di ibit Puig Yahudi nicukti di iba ighyet minyei biris tungwatu nya.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

TITUS 1:6

Suar nibou mbusyamei ningon gom ba, wak sop gom ngat he, ba, nimunggwom bat nya ingon jo kep Kristus lene ma ingkek ndok bico kep icig-ipmem nya ighyet au.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

IBRANI 11:31

Niba ningon comti bindei ba, niba no dahat pinai pmem di ninyeng Rahab yai nimai bit timiei minu ndig Yerikho di isrep tut Allah bi. Lewo noni cigit mben Israel di ikwei yok itta kep ide siceu nya.

IBRANI 12:16

Ma jisok kep yam leu binhyepo jicut tut yam ba, jingkek ndok tut Allah Ninnei nipingok jeti noyam kin Esau au. Lewo noni kes ninyeng mot mighumbou ei bitri bak nikinjoi bipek njita den gom ngat he.

PETRUS GI NIGOM 2:7

Tig dima bon ninyeng mem je dino jingon jo kep Kristus. Noro mem yo di ingon jo kep bi nya ne inok yo di ipas kep tut ei Allah nihyetti “Tig mma di ningot kep ig cig nya ikou sut dima ne tig di bon ninyeng dor njiriek tig mma nindigsi nya hagom ri.”

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NIGOM 4:18

Bit leu nok gi ipas ei Allah nihyetti “Gino nggruk bibor mem yo di ingon sren nya igyai niteu leu sisarti kin niyaijo nijep ne notou mem yo di ibit Allah nihyet bi di ibon kep sisar i?”

YUDAS 1:15

leu binhyepo mbus tungwatu nya yahagom ingonti. Noni mikes hukum ei yo di isibut nya dip drek dip igyai munti di kinei di srou yok nya kin ighyet di wer mpiahi di ibirom kui Noni cem!”

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.