TIMOTIUS GI NIGOM 1:7 - ALLAH NIHYET MEM TUNGWATU NYA

⁷ Yo dini indo yonti nok guru di ingon ki tut Puig Yahudi ningginausi noro ingon kiowi niti tut mun di itri tut kin mun di iba ighyet bidahat yam di bindei ba, ingon jei.

TIMOTIUS GI NIGOM 1:7 ပူးပေါင်းရင်းမြစ်များ

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

MATIUS 21:27

Gima rino ibuhup “Nikan tut bi.” Leu api Yesus pai biyok “Gi nok lene Dani cem midipai igbit bije tut Ditde nisindemti nikwei leusi bi.”

LUKAS 2:46

Njap ningai ser lene ittau kep Noni ei Tuhan De Ig. Noni gwam bit guru Puig Yahudi nicukti nya bingig nitingou mem ighyet ba, hig ser yok ninyen cem.

KISAH 15:1

Mpe dima lene tungwatu ibou poi ijo leu hanjop Yudea biyuug ei minu ndig Antiokhia ba, itri tut bak yo di inggre kin mbusyamei nya bipia gino igyai midut sunat bit leu nok Puig Yahudi nicuk yokti bi ne bit bon igyai niteu leu sisarti kin niyaijo nijep cem kan bi.

ROMA 1:22

Ipai sut yonti bipia ingon ki noro bi lewo ingon mbum yo.

GALATIA 3:2

Ma jibuhup igbit bida. Apo jiyai Allah Ninnei ei jingonti tug hon gi jibit Puig Yahudi niggai serti nya e, he tug hon gi jimiap Nihyet Di Kei leu Allah leu api jingon jo kep Kristus e?

GALATIA 3:5

Allah yai Ninnei bije ba, bibon mindur ei jikieti. Apo Noni yai gima drek dip gi jibit Puig Yahudi niggai serti nya e, he drek dip gi jimiap Nihyet Di Kei leu api jingon jo kep Kristus e?

GALATIA 4:21

Je dino jingon bisau ndam gima Puig Yahudi niggai serti nya ninyeng tak kep je hanyen e, handei kon ba, jiyok ngon kep ditde nipingok jeti! Jingon dorti tut niggai serti nibokti ningat-ngat bi e?

TIMOTIUS GI NIGOM 6:4

no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

2 TIMOTIUS GI NICAN 3:7

Sop dima yok yuhuk bram ningginausi buug ninno noro ingon gi jo kep nihyet di nijit kan bi sren.

YAKOBUS 3:1

He disut bat jen, ma jimang bibor jibisau sut gima jiyai jinyeng guru au. Jikan tut bipia Allah ba nidimig sutti di buhun bibor bimbus nye di guru nya ingonti dor njiriek yo di hiter ingonti.

PETRUS GI NICAN 2:12

Mbenjen! Guru dima yok inok mindhe-ndhe di niten-pos nya di tungwatu nya yuhuk bibui nok mikwau. Ikan-kan nyen kan bi ba, irom ighyet kui mun nyeng hagom di ingon dorti tut bi. Yoni mitug ndei nimai noyam kin mindhe-ndhe di tungwatu nya ipijuk kan bi di ibui hak.