TIMOTIUS GI NIGOM 1:5 - ALLAH NIHYET MEM TUNGWATU NYA

⁵ Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

TIMOTIUS GI NIGOM 1:5 ပူးပေါင်းရင်းမြစ်များ

MAZMUR 24:4

Yo dima ne yo di igyai munti nya kei-kau kin yo di ingon gom nya bitut niris kep mun cig nya di ikuk yok bak kwar nya bi he ri.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 5:8

Bikwop yo di ingon gom nya ingon nggei-hi-nggei leu yoni mingat Allah bou igyai him!

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

KISAH 24:16

Gima rino dita dibou ei dingon mien di kwes kin Allah kin tungwatuti kikau.

ROMA 10:4

Kristus yai mun bipek kep Puig Yahudi niggai serti nisindemti tu. Gima rino Allah bindei ba, no di ba ningon com Kristus miyai ningon kwes kin Allah hanyen.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 14:15

Gino jiba njita di jiyem bisibui jisut di ningon nddong bi ningonti ne jiyai munti dima tug hon ningon ngakei yamti bi. Kristus mai mem no dima. Gima rino ma jibindei srawir no dima tug hon njita di jiyem au.

ROMA 9:1

Kristus nyeng tut da ba, dipai jit bidibicum bi. Allah Ninnei di ninyeng tak kep dingon mien bindei ba, dingon ngkiem tirigi dipai bipia,

KORINTUS GI NIGOM 13:1

Mbro nok gino diji nggan tut tungwatu ighyet kin imalaikati nya ighyet kan lo, dingon ngakei tungwatu nya bi lene nihyet di tibim ei duhui him dem kep nugwei di bong di ndo tut mun nyeng hi bi.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

TIMOTIUS GI NIGOM 1:18

Dipmot Timotius ug o! Disok dihyet dini mem na bidibiwin kep angonti tut nihyet di nabi nya itri di bitut na nipou su. Ma aba nihyet di itri tut di bitut nani dima bitindei ser dem kep nok tentara di dem mem pran.

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

TIMOTIUS GI NIGOM 3:9

Suar iba ingon mien di kwes kei bikrau kep Allah nicuk nyeti di nijit di Noni ndo binye tu hagom.

2 TIMOTIUS GI NICAN 1:3

Dijem sigyo bak Allah. Dinok Nide awak di ningon mien kwes kei dem kep nok didigup bat-didigai bat nya di inok awak mem Noni nipou su. Dijem sigyo bak Noni tirigi dingat nadi tindei na bikwop mmun-njap.

2 TIMOTIUS GI NICAN 1:5

Diyok ngon kep ade niba ningon com Kristusti di mungkun kei ba, dem kep nok adrot Lois kin apmem Eunike ide niba ningon com Kristusti. Lene dikan tut bipia nani cem aba angon com Kristus noyam kin yoni.

2 TIMOTIUS GI NICAN 2:22

Ma ambres nanti leu mun di pilei nya ingat ingwes eisi. Ma ahuk bram angon di sren kin ade niba ningon com Kristusti kin angon ngakei tungwatu nyati kin angon jo nyahanti hagom noyam kin yo di ingon kwes di yahara Allah mem gima mpu yok.

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 13:18

Ma jingat nadi tindei nye kikau. Nikan mungkun bipia ningon mien kwes lewo nita nibou ei niyai mun di igbitti bikwop njap ngwa hagom.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

PETRUS GI NICAN 1:7

Ma jiba ningondut yamti bindei mbut jide niyai mun tug hon ningon kwesti. Ma jiba ningon ngakei tungwatu nyati bindei mbut ningondut yamti.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.