TIMOTIUS GI NIGOM 1:20 - ALLAH NIHYET MEM TUNGWATU NYA

²⁰ Yo dini bihi nok Himeneus kin Aleksander. Dikes yok ei Bilis nindati leu binhyepo itug ndei hukum leu binhyepo hukum dima bindei ba, ikes hon bikucang Allah bu bi.

TIMOTIUS GI NIGOM 1:20 ပူးပေါင်းရင်းမြစ်များ

MATIUS 18:17

Gino ningon tunggwei yo dima cem ide nipingok noti lene ma ambot kep tut bak yo di inggre kin mbusyamei nya yahagom. Gino ningon tunggwei yo di inggre kin mbusyamei cem ide nipingok noti lene ma aba anghim birok noni noyam kin no di gwam Allah ninghim kin no di ya tindei belasten biyem jimuhup cem.”

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 19:33

Ibou poi ikan bigya Aleksander ribindei di ighyet kui yam dima lewo mben Yahudi ibidip huk noni buug ya ei yahagom yoho bei. Gima rino noni kimut ninda kep yok leu binhyepo isindui sut ba, noni mbrap gau nonti ei yahagom yoho bei.

KORINTUS GI NIGOM 11:32

Noro Allah mbus nyeni ingonti bittem nye ser nhyema Noni kes hukum ei nyeni dip bit leu nok gi Noni mikes ei tungwatu dihyeisi dini dip mem nijam ningwig honti bi.

KORINTUS GI NICAN 10:6

Niabiati jo nibreisi bipia jiba jingon di gom bibit Kristus nicuk jeti nya lene minikes hukum ei yo di nindigsi di ibit nihyet bi nya dip.

KORINTUS GI NICAN 13:10

Tut gima rino dipas kep srat dini bije nipou tirigi dihwou ei jikieti bigyo leu binhyepo mpe di dihwou ngat je lene diba nisindemti di Tuhan yai bida bibui je bi. Lewo Tuhan yai nisindemti dima bida mem gima dibiwin kep jingonti noro mem gima dibinjei je ningwig bi.

TESALONIKA GI NICAN 3:15

Ma jiba nitok binoni au. Noro jisok kep noni dem kep nok jisok kep jide adig-ajoi.

TIMOTIUS GI NIGOM 5:15

Lewo sop kibom nya ibou poi israwir bitti kin Bilis tu.

2 TIMOTIUS GI NICAN 2:14

Ma abiwin kep yo di mbusyamei ingonti tut mun dini hagom. Ma asok kep yok ngkiem ei Allah niyai him ser nhyema iliriem yam tut mumpui hyet di bon ninyeng bi nya au. Mumpui hyet dima mpu tungwatu nya bi sren noro binggek tut ingonti.

2 TIMOTIUS GI NICAN 2:17

Lewo ighyet dima jus yamti nok bras di yem tungwatu nya. Ibou can di itri tut nihyet dima rino Himeneus kin Filetus.

2 TIMOTIUS GI NICAN 3:2

Mpe dima lene tungwatu nya idrui bou ngwak cem ingat ingwes ei mitieiti cem inggei-nggwang cem illei-lau cem ighyet tigut yam cem isrep tut icig bat-ipmem bat nya ighyet cem ipai sigyo kan bi cem isingat bi cem,

IBRANI 12:5

Jingon prion ser Allah nihyet di biwin kep jingonti tu e? Nihyet dima pingok je di jinok nipmot bat nya “He dipmot na e, ma ayok ngon kep mun di Allah sok kep na. Mpe dino Noni sok kep na lene ma angon nghen leu au.

NINGAT-HI-NGAT NYA 13:1

Leu api dingat lo, mindhe hiter di niten-pos ningut gom kiju kwei leu muk jou. Noni bon nibou muhwindacan ba, nibou nggai simnai ntun nibou muhwindacan pima him lene ttin topi mas bikwop ei nibou nggaiti. Leu api srat bokti di wer mpiahi tut Allah jo bikwop ei nibou ngwakti nya.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.