TIMOTIUS GI NIGOM 1:18 - ALLAH NIHYET MEM TUNGWATU NYA

¹⁸ Dipmot Timotius ug o! Disok dihyet dini mem na bidibiwin kep angonti tut nihyet di nabi nya itri di bitut na nipou su. Ma aba nihyet di itri tut di bitut nani dima bitindei ser dem kep nok tentara di dem mem pran.

TIMOTIUS GI NIGOM 1:18 ပူးပေါင်းရင်းမြစ်များ

KISAH 16:1

Paulus binut nimbutti buug ei minu ndig Derbe kikau ug ei minu ndig Listra cem. Timotius di ningon jo kep Yesus bong ei minu ndig dima. Nipmem ne sop Yahudi ba, ningon jo kep Yesus. Noro nicig mben Yunani.

KORINTUS GI NIGOM 4:17

Gima rino dicuk Timotius hwou ndam je. Noni ne dipmot ndia rin ba, ba ningon di gom bibit Kristus. Ma jiba jingon com noni. Lewo noni mibindei ba, jiyok ngon kep nisinati di ntun niyaijo nok gom kin Kristus him. Dibit nisinati dima ba, dingginau mbusyamei nya hagom tut bidem minu.

KORINTUS GI NIGOM 9:7

No di tentara ba mun di mbun nya bahati tut nonti bi! No di yai miai ba anggur puk ba anggur ningat ndrim hi mem nonti biyem kep ninggum! No di hyen kep domba nya dut kep leu domba dima nido ngei!

FILIPI 2:22

Jingat bou jiyai him bipia Timotius dem mem midyai dini. Noni brim ningkek bit da tirigi nitri tut Nihyet Di Kei. Nahacem nimbier kim yam tereu nok nipmot-nicig nya.

TIMOTIUS GI NIGOM 1:2

Srat dini mem na di Timotius ba, anok dipmot ningat tug hon side niba ningon com Tuhanti. Handei kon ba, Sicig Allah kin side Tuhan Yesus Kristus isingat tut na bingondut na cem ba, ibiyai angon jo nyahan.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.

TIMOTIUS GI NIGOM 4:4

Lewo mun di Allah pai tes nya hagom kei bibor kei. Harin dima ipigig ser njita ninyeng gom a. Gino ijem sigyo bak Noni tut njita hagom tu lene nnaba igyem hak ug.

TIMOTIUS GI NIGOM 6:20

Na di Timotius e, ma anyohou mun di Allah ba ningon com na tut! Ma ambres nanti leu nisimbot kep biyamti di nok nihyet minyei kin tungwatu nya di iba ighyet dahat yam hyet tut mun di iba ingon kiowi bijem ninyeng “Nikan tutti.”

2 TIMOTIUS GI NICAN 1:2

Srat dini mem Timotius di nok dipmot di dingon kieti. Handei kon ba, Icig Allah kin ide Tuhan Yesus Kristus isingat tut na ba, ingondut na cem ba, ibiyai angon jo nyahan.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

TITUS 1:4

Dipas kep srat dini mem na di Titus lewo anok dipmot di nijit tug hon side niba ningon com Tuhanti. Handei kon ba, Sicig Allah kin side Tuhan Yesus Kristus isingat tut na ba, ibiyai angon jo nyahan.

FILEMON 1:10

Gima rino da di Paulus dahara na tut Onesimus lewo dinok nicig tug hon nyende niba ningon com Kristusti. Lewo dimbus ningonti tirigi disima ei ig bui nsi ba, tereu nok dinok nicig tug hon mun di bitut ninnei.