TIMOTIUS GI NIGOM 1:16 - ALLAH NIHYET MEM TUNGWATU NYA

¹⁶ Noro Allah singat tut da drek dip leu binhyepo Kristus Yesus moom ningon tut da di dinok no di bon sisar nindig bibor dor njiriek nindigsi nya yahagom. Lene gini ndo bindo bak yo di ingon jo kep Noni bigyai niyaijo nijep di jo kikau ei nidipti bu.

TIMOTIUS GI NIGOM 1:16 ပူးပေါင်းရင်းမြစ်များ

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

MAZMUR 25:11

tuhan e, akos ser ditde sisar bit leu Ade nipreu ei mem dati. Lewo diyai mun tunggweisi nindig bibor.

NEHEI LEUSI 34:8

Lene Musa kuk no biba ningwak bikik mpia haninyai binggei sut tuhan.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

MBEN ISRAEL IMBUT-MBUT NYEN 23:3

Lene Bileam kuk Balak bipai binoni “Ma aya kui ade nimbar hum dok bibou duug tou kep gino tuhan joi sut da bindo ningon kanti bida ug e. Lene midikwei pai igbit ningon kanti hanyen bina. Gima rino Bileam nongkom kui kikau biya ei mbigdip.”

LUKAS 15:10

Nok gima cem Allah de malaikati nya ei gwamti illei ngwig sut tungwagom ngat di bon sisar bittin ser nide sisar bikiek ndam Allah. Ma jiyok ngon kep dihyet!”

LUKAS 23:43

Yesus pai binoni “Dipreu ei mem na bipia ei njap di ammani angat rin bit Da ei nibreisi ei ginyo kug ug ri.”

LUKAS 7:47

Gima rino dipai bina bipia nide ningon ngakei Dati di nindig bibor dima ndo bipia Allah kos ser nide sisar di mang bibor tu. No di yai nikos ser nide sisarti gom-gom he miba ningon ngakeisi poi mien bibirop no di kos ser nide sisar.”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:54

Bikwop no di yem dinghui ba, dut dinggrom cem lene no dima rino yai niyaijo nijep di jo kikau ei ningonti. Midiwin noni hanyen leu nimai eisi mem Njap Ningwig Honti.

KISAH 13:39

Ma jiyok ngon kep mungkun bipia no di ningon jo kep Noni miningon ngun. Lewo bit bon Allah de Puig Yahudi nicukti bindei bijingon ngun kan bi.

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NIGOM 7:25

Nogindini dibuhup mun di jipas tut yo di iwak yam bi nya. Dikan tut Tuhan nicukti tut munhyet dini bi. Noro ditri tut dingon kanti bije. Handei kon ba, jiba jingon com da drek dip Tuhan di ningon nggriu sut da.

KORINTUS GI NICAN 4:1

Niyai kep midyai dini tug hon Allah nisingat tut nyeti lene ningon cut leu bi.

EFESUS 1:12

Jikwei ba, nye di iba ingon com Kristus bibie inggei sut Allah tut nikei-kau-keisi!

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

EFESUS 2:7

Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

TESALONIKA GI NICAN 1:10

Ba, gini hagom mipek kep mem njap dino Noni kwei hanyen leu api Nide limwa nya yahagom inggei sut Noni bikon ninyeng cem. Jeni cem jicoi bit yo dima lewo jingon jo kep nihyet di nitri tut bije tu.

TIMOTIUS GI NIGOM 1:13

Mbro nok gino dikucang Noni ba, dihwen bit Noni bidihyet tigut Noni nipou su lo, Noni singat tut da lewo kan bipia dingon tindur ba, dikan tut diyai munti nya dima bi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 3:15

Ma jiba jingon srip huk bipia ide Tuhan om ningon tut je leu binhyepo bon nituti mem gima Noni teu je leu sisar biyai niyaijo nijep bije bit leu nok isut Paulus di ingon kieti nide nipas ei sratti di kes bije tu. Noni pas srat dima tug hon ningon di ki di Allah yai binoni.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.