TIMOTIUS GI NIGOM 1:15 - ALLAH NIHYET MEM TUNGWATU NYA

¹⁵ Dipaisi dini ne nijit-jau ri. Gima rino ma tungwatu nya ice tut ba, ingon jo kep bipia “Kristus Yesus srek kwei ei dihyeisi dini leu binhyepo teu tungwatu nya leu sisar biyai niyaijo nijep biyok.” Noro tut dani ne dibon sisar nindig bibor dor njiriek nindigsi nya yahagom.

TIMOTIUS GI NIGOM 1:15 ပူးပေါင်းရင်းမြစ်များ

MARKUS 2:17

Yesus miap ighyet leu api buhup “Yo di ikei nya yuug ngat yo di inda kan nya bi noro yo di inggwen rino yuug ngat yok a. Dikwei ei dihyeisi dini mem dinduk yo di ikan bipia ikei-kau nya bi noro dinduk nikinei-kinau nya leu binhyepo ittin ser ide sisar bikiek yok ndam Allah.”

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

YOHANES 12:47

Gino tungwagom miap dihyet noro bit bi lene midipai kep noni bi. Lewo dikwei ei dihyeisi dini mem dipai kep tungwatu nya bi noro dikwei mem diteu tungwatu nya leu sisar bidiyai niyaijo nijep biyok.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

LUKAS 5:32

Dikwei ei dihyeisi dini mem dinduk yo di ikan bipia ikei-kau nya bi noro mem gima dinduk nikinei-kinau nya leu binhyepo ittin ser ide sisar bikiek ndam Allah.”

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

TIMOTIUS GI NIGOM 1:13

Mbro nok gino dikucang Noni ba, dihwen bit Noni bidihyet tigut Noni nipou su lo, Noni singat tut da lewo kan bipia dingon tindur ba, dikan tut diyai munti nya dima bi.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

KORINTUS GI NIGOM 15:9

Dani ne no di ya kui Yesus di bon ninyeng bi ri. Dem tut gima tungwatu nya ipai bipia dani ne no di ya kui Yesus rin bi. Leu gi po dihwen bit Allah de mbusyamei nya pima.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

TIMOTIUS GI NIGOM 4:9

Mun di isimbot dat dima jit-jau. Gima rino ma tungwatu nya ice tut ba, ingon jo kep hak ug.

ROMA 5:6

Mbro nok gino ingat rin ei minu ting leu Allah bisindem bi cem lo, Kristus mai mem nyeni dem igbit tto bou di Allah preu ei su.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

TIMOTIUS GI NIGOM 3:1

Mun di dipas kep dini ne mun di nijit ri. Gino tungwagom joi sut ninyeng nibou mbusyamei ne noni ba noho rok midyai di bon ninyenga.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

NINGAT-HI-NGAT NYA 22:6

Lene malaikati dima pai bida “Nihyet dini igbit rin ba, suar ma tungwatu nya ingon jo kep. Allah di kes Nonti Ninnei ei nabi nya ingonti pinak Nide malaikati gom kwei leu binhyepo ndo mun di jei bi mipek kep mem Nide awak nya.”

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

2 TIMOTIUS GI NICAN 2:11

Mun di dipas kep dini jug ne nijit ri. “Gino nyeni imai bit Kristus ne igyai niyaijo nijep bit Noni.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

NINGAT-HI-NGAT NYA 21:5

Lene No di gwam banggo mbrei dip pai “Nogindini dipai tes mun di hagom nok nijep-jau bu!” Lene noni cuk da bipai “Apas kep mun dini yok lewo nihyet dini igbit ba, suar ma tungwatu nya ingon jo kep hagom.”

YOHANES GI NIGOM 5:11

Mun di Allah ngat bou niyai him bitri tut ndo bipia Noni yai niyaijo nijep dijo kikau binye tu ba, niyaijo nijep dima nibousi rino Nipmot.

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 11:1

Lene yo di igya kui Yesus kin nindigsi di ingon jo kep nya bidem hanjop Yudea nisurti-nipekti imiap tut ngkiai nya inghapti bipia ijoi sut ibit Allah nihyet.

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

LUKAS 15:2

Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

TIMOTIUS GI NIGOM 6:13

Disok dihyet mem na ei Allah di yai niyaijo bak Nide nipai testi nya hagom niyai him kin Kristus Yesus di tri tut Nide niba ningon comti ei Pontius Pilatus noho bei bipia,

MATIUS 18:11

Lewo Munggwom Tungwatu Nipmot ttau kwei leu binhyepo teu tungwatu di israwir nya biyai niyaijo nijep biyok!]