TIMOTIUS GI NIGOM 1:10 - ALLAH NIHYET MEM TUNGWATU NYA

¹⁰ kin yo di icut tut yam kin pinai yonti di icut tut yam kin sop yonti di icut tut yam kin yo di ipos tungwatu bitri yok nok awak ba, ibipek mitiei kin niris kep mun cig kin yo di iris mun ei nikei noho bei bitut yo di igyai mun nindigsi di tte tut ningginausi di ntun Nihyet Di Kei him.

TIMOTIUS GI NIGOM 1:10 ပူးပေါင်းရင်းမြစ်များ

NITRITI 19:5

Lene ijem Lot bihig ser noni “Yo di ikwei bong bit na ritou ug i? Ma akes yok ei nyeni ninda nsi lewo nye di pinai Sodom nya ningon pri kep yok binijou yok.”

NITRITI 37:27

Jikwei ba, itri noni nok awak bak yo di intun Ismael him dima yok hak ug. Lene ihwen noni bi lewo nyeni yahagom ibon icig gom. Lene ice tut ningon kanti dima.”

NITRITI 40:15

Lewo ningat ne tungwatu nya ikat da kwei leu mben Ibrani itimieisi ba, dibon mun tunggwei di bindei bidisima hukum ig bui nsi ei minu Mesir dini hi bi.”

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

NEHEI LEUSI 21:16

Tungwa tou rino kat hiter bitri no dima hanyen nok awak ba, ubon noni nok awak cem lene je di nindigsi jikes hukum nimai ei noni dip.

HOSEA 10:4

Isuglai mun bipreu-preu gwai biyam ba, ingot kep yam bingkiem kei tut gi preu di ipreu biyam di bon ninyeng bi cem. Ikiek-kiek nyen nikos tutti di sren kei di jo tu bibindei ba, mun di sren kei bi hei. Ba, gima dem kep krisieu kioi di hei ei miai di ikkin mingau ei su.

IMAM NYA IDE MIDYAI 18:22

Harin dima pinai hi yem njita tut pinai hi a. Lewo Allah kou sut nibon munti dima.

IMAM NYA IDE MIDYAI 20:13

Gino pinai gom yem njita tut pinai hiter lene gima mun di kinei bibor di bindei tungwatu igyai ngkek ttin ser. Lene suar jikes hukum nimai ei yahacem dip hak ug. Yoni imai drek dip yonti igyai mun tunggweisi dima.

ZAKHARIA 5:4

tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

ZAKHARIA 8:17

Ma juhum yam nsi mem gima jibon mun di kinei bibor biyam au. Ma jiris mun bijibeheng tut tug hon tuhan ninyeng au. Dingon mpo tut nisuglai-suglai waisi kin nikei nikos tutti di sren bi kin nimbuk tut yamti.”

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

ROMA 1:26

Gima rino Noni sindui sut yok ei ba, ingon pri kep mun di bibon immai joti nya. Sop nya igyem njita tut pinai nya bit leu nok tungwatu nya igyai kepti bi noro sop yonti icut tut yam.

NINDAT KEP TUHAN NICUKTI NYA 24:7

Tungwa tou rino pos nisut mben Israel gom ba, ubon noni nok nide awak ba, tri noni nok awak mem hiter lene ma no dima tug ndei hukum nimai drek dip. Leu binhyema jidip tut sisar di kinei dima.

TIMOTIUS GI NIGOM 4:6

Gino angginau mun di dicuk na tut dini bak yo di ingon jo kep nya lene gini bindo bipia nani ne Kristus Yesus de awak di joi bibor ri. Gino ayem njita leu Allah nihyet di yahagom ingon jo kep kin nihyet di nijit di abit kikau kwei bipek ammani kep cem lene gima bindo brei bipia amahan tu.

TIMOTIUS GI NIGOM 6:3

Gino tungwagom nipingok yokti titer bu ba, ce tut bibit nihyet di nijit tut ide Tuhan Yesus Kristus kin ide niba ningon com Kristusti cem bi ne,

2 TIMOTIUS GI NICAN 1:13

Suar abit nihyet di nijit di dipingok angonti tut tu. Ma akrau kep ade niba ningon com Kristusti kin ningon ngakei yamti di nyeni igyai tug hon ide ninok gom kin Kristus Yesus.

2 TIMOTIUS GI NICAN 4:3

Lewo ei nidipti bu ne tungwatu nya mijoi sut ningginausi di nijit di tibim ei itingou nsi bu bi. Noro yuhuk bram yonti ingon kanti nya binduk guru nya imang-mang di ingginau yok tut mun di itingou dile mem.

TITUS 1:13

Nipaisi dima igbit. Gima rino ma asok kep yok ngkiem leu binhyepo ikrau kep ningginausi di nijit ba,

TITUS 1:9

Ba, suar noni krau kep nihyet di Kristus ngginau nye tut di iba ingon com tu. Tug hon nisinati dima ne noni sindem mem gima ba ningginausi di nijit biwin kep yo di mbusyamei ingonti ba, brim ningkek kep yo di isrep tut nihyet ba, ndo mun di igyai tunggwei nya brei biyok.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

NINGAT-HI-NGAT NYA 18:13

kin biei ngkek di nyop kin mun di ui-gwang kei nya kin mini ibou kin mur kin biei nggrai di ui-gwang kei kin ba anggur ngei kin mini dui kin tepun kin gandum kin sapi nya kin domba nya kin kuda bitut kroba nya kin awak nya bitut tungwatu igyaijoti nya.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.