TIMOTIUS GI NIGOM 1:1 - ALLAH NIHYET MEM TUNGWATU NYA

¹ Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

TIMOTIUS GI NIGOM 1:1 ပူးပေါင်းရင်းမြစ်များ

MAZMUR 106:21

Ibbwe ser ide Allah di teu yok di ingwes ngun di bon mindur nindig bibor ei minu Mesir.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 43:11

Dangkom ngat he rino tuhan. Bit bon hiter teu je bijingwes ngun kan bi noro Dangkom he.

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

YESAYA 45:15

Allah di teu mben Israel bingwes ngun ne Allah di ku No nding leu tungwatu nya igyai him ri.

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 60:16

Ngkiai nya kin ide nibou ndig nya minyohou na noyam kin sop gom di nyohou nimunggwom. Mpe dima lene mijo nibreisi mem na bipia Da di tuhan diteu na ba, angwes ngun. Da di tuhan di disindem bibor dikwek na tu.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

LUKAS 1:47

Ba, dingwes yai nillei bibor drek dip Allah di teu da leu sisar biyai niyaijo nijep bida.

LUKAS 2:11

Njap di ammani jide Nibou Ndig di miteu je leu sisar biyai niyaijo nijep bije nipmem srek tut ei Betlehem ba, ninyeng rino Kristus Tuhan!

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

KORINTUS GI NIGOM 1:1

Da di Paulus dipas srat dini hwou ndam je drek dip Allah di ta da nok no di ya kui Kristus Yesus bit leu ningon kanti. Sostenes di ingon him cem ningat rin bit da.

KORINTUS GI NIGOM 9:17

Leu gino dibindei mbut midyai dima tug hon dijoi sutti ne dem mem gima ditug ndei dimuhuba. Noro Allah nicuk dati bindei ba, ditri kep Nihyet Di kei lewo Noni ba ningon com da tut.

KORINTUS GI NICAN 1:1

Srat dini leu da di Paulus ba, diya kui Kristus Yesus tug hon Allah ningon kanti mem da. Dipas srat dini bak Allah de mbusyamei ei minu ndig Korintus kin Nide limwa nya yahagom ei hanjop Akhaya nisurti-nipekti. Da di Paulus kin isut Timotius ningat nadi leu binhyepo,

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

GALATIA 1:11

Disut bat jen, ma jiyok ngon kep bipia Nihyet Di Kei di ditri tut dima ntun tungwatu dihyeisi dini him bi.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

TIMOTIUS GI NIGOM 1:12

Dijem sigyo bak ide Tuhan Yesus Kristus di sindem tut da mem midyai di diyai nya. Dijem sigyo bak Noni lewo Noni kan bipia didem mem midyai di Noni ndo bida.

TIMOTIUS GI NIGOM 2:3

Ningginausi dini kei bibor lene bindei ba, Allah di teu nye leu sisar biyai niyaijo nijep binye joi sut nye.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

TITUS 1:3

Tirigi tto bou dem ne Noni kau leu niyaijo nijep di jo kikau tug hon Nonti nihyet. Allah ba ningon com da tut nihyet dima leu api ditri tut bit leu nicuk dati. Noni ne Nibou Ndig di teu nye leu sisar biyai niyaijo nijep binye ri.

TITUS 2:10

inda ngwa-ngwa wai kep mun di iceu bat nya inyeng tut au. Noro ma isingat tut iceu bat nya ba, ingon gom tut yok kikau. Leu binhyepo iba igyai munti nya hagom bahati tut Nihyet Di Kei tut Allah di teu nye leu sisar biyai niyaijo nijep binye.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

TITUS 3:4

Noro Allah di nok Nibou Ndig teu nye leu sisar biyai niyaijo nijep binye lene ndo nisingat tut tungwatu nyati kin ningon ngakei yokti brei binye.

TITUS 3:6

Allah pinak Nonti Ninnei ei ingonti tug hon Nibou Ndig Yesus Kristus di teu nye leu sisar biyai niyaijo nijep binye.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.