SRAT RUT 3:7 - ALLAH NIHYET MEM TUNGWATU NYA

⁷ Niabiati Boas yem njita ba, dut ba anggur ngei bindei no tu lene ningon llei bibor. Gima rino noni ug bong ei gandum nintam di iroi keyam ei su dip. Tirigi noni bong mai leu su lene Rut mbris nyahan ug ei mpia dima bikon ban dut ninghas him leu api bong nyahan ei Boas nimig him.

SRAT RUT 3:7 ပူးပေါင်းရင်းမြစ်များ

NITRITI 43:34

Lene awak nya ikon njita leu Yusuf de meja dip bisu bak nikindig bat nya. Noro ikon njita nindig bibor bikum eisi mbimuhwi bisu bak Benyamin. Gima rino yahagom igyem njita ba, idut ba anggur ngei bit Yusuf bibou ndei yok ug e.

SAMUEL GI NICAN 13:28

Lene sok kep nide awak nya “Jitou kep mungkun ba, gino Amnon dut ba anggur ngei nindig bipu no leu ba, diba diyai nggrop kon je lene suar jiyai nimai bak hak ug. Ma jitin tut au. Lewo midibiang jiyai munti dima nibuhunti. Ma jihig jingon eisi au. Noro jibrim jingkek bijiyai nimai bak hak ug!”

NIBOU NDIG NYA GI NIGOM 21:7

Lene Izebel buhup “Nani ne Nibou Ndig mem mben Israel rin e, he bi e? Akiju lene ma abindei ba, angon kei hanyen leu api ayem njita hak ug lewo midibindei ba, anyeng tut Nabot de ba anggur nghousi dima ug ri!”

ESTER 1:10

Ei njap gi nimuhwindacan lene nibou ndig nuhui jo kep ba anggur ngei bidut kikau bibindei ba, ningon nggei-hi-nggei bibor. Gima rino jem ibou muhwindacan dino impu kep no pijum nya. Yo di jem yo kwei dima inyeng rino Mehuman kin Bizta kin Harbona kin Bigta kin Abagta kin Zetar kin Karkas.

MAZMUR 104:15

ita ba anggur bidut ningei di bindei di ingon kei bibor. Ita biei zaitun bipot ningei di bindei bingon llei bibor. Igyai miai ba, ibiyai njita di igyem di biyai nisindemti biyok.

NIBA NINGON SRIP HUKTI 10:19

Niyem pestati bindei ba, ighyet ngwig kep yam. Ba anggur ngei bindei ba, ingon llei bibor. Noro isuar mitiei mem gima ibipek igyemti nipou ug e.

NIBA NINGON SRIP HUKTI 2:24

Gi hi di kei mem tungwatu nya dor njiriek mun nindigsi rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya. Ba, dingon huk niti bipia gima cem mun di Allah yai binye ri.

NIBA NINGON SRIP HUKTI 8:15

Gima rino dibrim dihyet ei nipingokti dini. Suar tungwatu nya igyai ingon llei bibor drek dip njita di igyem kin ndia ngei di idut kin gi ingat ingwes ei ningat di itug ndei tug hon ide midyai nya. Gi ndima he rino mijo mem yok mem nijam nicom nahanggwapti di Allah yai biyok ei dihyeisi dini. Mun nyeng hiter di biyai ingon llei bibor hi jo bi.

NIBA NINGON SRIP HUKTI 9:7

Nnaba aba angon di llei biyem njita cem aba angon di nggei-hi-nggei bidut ndia ngei cem hak ug lewo Allah miwok na drek dip bi. Noro mijoi sut na.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

NIJAM NIKEI NYA 16:25

Tirigi mben Filistin ingat Simson ningat lene yahagom imbos-hi-mbos bipai “Kwar Dagon bindei ide siceu di nggek ide minu lene biyai nimai bak ide mben imang bibor pima cut bak nyeni tu!” Lene icuk Simson ug ya kui cou nipmem nidihim can ninggreti.

NIJAM NIKEI NYA 19:22

Noro tirigi igwam ba, ingon nggei-hi-nggei lene pinai timiei minu ndig dima di icut tut yam igkei nya ikwei binjei ttai ig dima. Itug-tug nyen dimbou lene ibipai bak andig-ndau ndima “Akes no di pinai di acigit kui ade ig dima kwei binye lewo nijoi sut niyem njita tut noni!”

NIJAM NIKEI NYA 19:6

Leu api no di ntun Lewi him dima gwam bit misop dima nicig ba, igyem njita. Noro tirigi noni kiju bimbut ug rin lene misop dima nicig pai-hi-pai yokti ser nhyema yuug au e. Noni pai “Handei kon ba, angon nggei-hi-nggei nipou ug e. Gima rino ma abong bit nye mem mmun gom kin bu. Leu api no di ntun Lewi him dima gwam bibong mem mmun gom kin bu.”

NIJAM NIKEI NYA 19:9

Leu api tirigi no dima kin nitnem mien kin nide awak ikiju bimbut ug rin lene misop dima nicig bidip huk bipai “Son dideu mmunti tu ba, jei bi lene mmun nggai kep je ug ri. Nna ba jibong hak ei sirini leu binhyepo jingon nggei-hi-nggei. Njap di hyep bu lene ma jikiju mem njap tekti ba, jimbut bijingkwei hanyen ug.”

SRAT RUT 3:6

Noni ug ei ig gudan di illet gandum leu nisina bai eisi biyai hagom bit leu nok nignyot nicuk noti.

SRAT RUT 3:8

Lo bi lene himmun dima Boas kiju kros bikiek no lene drui sut bingat lo, misop gom no bong sir nimig him a.