SRAT RUT 3:13 - ALLAH NIHYET MEM TUNGWATU NYA

¹³ Ma agwam nyahan ei mpia dini binjap kep leu api midimbus no dima ningonti mem njap bigyoti leu binhyepo ningon kanti tut gima noni brim ningkek mem gima nyohou na mijo nibreisi mem da. Gino noni joi sut na lene dem. Gi bi lene diba neheng bipai tug hon Allah di niyaijo ninyeng bipia midibrim dingkek mem gima dinyohou na. Noro ma abong nyahan binjap ug e.”

SRAT RUT 3:13 ပူးပေါင်းရင်းမြစ်များ

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

KORINTUS GI NICAN 1:23

Dikos tutti nya hagom jo nibreisi bou Allah niyai him. Noni kan tut dingon kanti nya hagom bikan tut bipia dihwou ngat je ei minu ndig Korintus bi leu binhyepo dibiyai jingon di buhun bi.

IBRANI 6:16

Gino tungwagom heng bak yo di hiter lene noni heng bitug hon no di ninyeng jei njiriek noni ninyeng. Mun di noni ba neheng bipreu ei dima ngkiem-kiau ba, bit bon hi nggek tut kan bi.

NIJAM NIKEI NYA 8:19

Lene Gideon pai biyok “Yo dima ne dikindig bat-dikinjoi bat nya rin ba, nahagom nibon nipmem gom ngat. Gino jiyai nimai biyok bi lene midiyai nimai bije cem bi.”

SRAT RUT 2:20

Lene Naomi pai bak Rut “No dima ne side bat di suar brim ningkek mem gima nyohou sa ri. Handei kon ba, tuhan di ningon ngkwei leu mun di Noni preu ei mem yo di igyaijo kin yo di imai su nya bi sren miyai gi kei binoni.”

SRAT RUT 3:12

Mbro nok gino dani ne ade bat rin ba, suar dibrim dingkek mem gima dinyohou na lo, ade bat hiter di ninyeng jo bibie leu da dinyeng di suar noni yai nituti mem gima nyohou nani nipou ug e.

SRAT RUT 4:5

Lene Boas pai binoni “Gino apek dihyei hanjop nsi di Naomi mitri dima lene suar awak Rut po kibom mben Moab pima nok atnem ndrim. Lene ma noni miyai nimunggwom bat nya tug hon nani leu binhyepo yoni miba yokep dihyei hanjop nsi dima nok ide dihyei ninda rom bu.”

SRAT RUT 4:6

Lene no dima buhup “Mbro nok gino dinyeng jo bibie leu anyeng mem gima dipek dihyei hanjop nsi dima lo, midipek bi. Lewo bit bon dimunggwom bat nya miba yokep hanjop nsi dima leu da hanyen bi. Nna ba nani apek dihyei dima hak ug lewo dikou sut.”