SRAT RUT 2:13 - ALLAH NIHYET MEM TUNGWATU NYA

¹³ Lene Rut pai binoni “Andigpoi e, mbro nok gino dibon dinyeng nok ade awak hi rin bi lo, asingat tut da nindig bibor ba, ade nisingat tut dati dima biwin kep dingonti tu.”

SRAT RUT 2:13 ပူးပေါင်းရင်းမြစ်များ

NITRITI 32:6

Tirigi yuug ngat Esau leu ba, ingkwei hanyen tu lene ipai bak Yakub “Nuug ngat akindig Esau tu ba, noni sindi hei sut nide limwa nya ibou sratus bitai bikwei um na.”

NITRITI 33:10

Noro Yakub srep “E bi! Gino ajoi sut da lene ama mun di diyai binani hak ug. Lewo tirigi dingat aimaisi bou diyai him lene gima dem kep nok dingat Allah niimaisi bou diyai him lewo ajoi sut da.

NITRITI 33:15

Lene Esau pai “Api midikuk ditde limwa nya ibou poi mem na leu binhyepo inyohou cen jeni.” Noro Yakub buhup “Nok ug e. Angon mbut-mbut nyen tut da au. Gino dibindei ba, ajoi sut da lene dem.”

NITRITI 33:8

Lene Esau hig ser Yakub “Angon kanti notou sut nimpung po duum yok ei puig sinon aponi pima i?” Lene Yakub buhup “Diba nimpung dima yok bibiyai angon kwes kin da hanyen.”

NITRITI 34:3

Sikhem ningon pri kep Dina nindig bibor lewo noni sop ubbu ngat. Gima rino Sikhem pai-hi-paisi leu binhyepo bindei ba, Dina joi sut noni.

NITRITI 43:14

Nna ba Allah Di Sindem Bibor mipingok nibou mben Mesir dima ningonti leu binhyepo ngondut je bikes Simeon kin Benyamin hanyen bije. Noro tut danti ne gino suar dimunggwom bat nya ipror leu da lene minggon ndei?”

SAMUEL GI NICAN 16:4

Lene nibou ndig pai bak Ziba “Dikos tut bipia hon kep ammani kui lene ndigban di Mefiboset nyeng tut nya hagom minok ade bu.” Leu api Ziba buhup “Andigpoi e, dijem sigyo nindig bibor bina. Handei kon ba, na di Andigpoi ajoi sut da kikau lewo dinok ade awak.”

NIPINGOK NINGONTI 15:33

Nikuk nye bak tuhanti ne nitriti mem mun di ipikor eisi hagom ri. Suar aba abou coi mem tungwatu nya bibie ug e leu api yoni minggei sut na.

HOSEA 2:16

Mpe dima lene noni mijem nijjep bit Dani leu api jem nijjep bit kwar Baal bu bi.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

NIJAM NIKEI NYA 19:3

lene nijjep dima bram noni leu binhyepo pai-hi-paisi ba, ngkwei hanyen bibong bit noni. Lene awak nide gom bit noni ba, jem keledai ningut can kwei. Tirigi yuug krau Betlehem lene misop dima buwak nijjep biyuug ngat nicig. Tirigi nicig ngat noni lene ba ningon di llei bibor bicigit kui igya.

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”

SRAT RUT 2:14

Tirigi jam dem mem igyem njita lene Boas pai bak Rut “Akwei yem njita bit nye.” Lene Boas su ninda biyai roti nindak gom binoni leu api Rut tur roti dima ei ba anggur ningeiti biyem. Noni gwam bit yo di ikos gandum nindigsi nya leu api Boas yai gandum ngan di noni kang ei su binoni biyem bu. Rut yem njita bindei no leu ba, njita niken di jo binoni nindig.

SAMUEL GI NIGOM 1:18

Lene Hana pai binoni “Andigpoi e, nna ba didem mem mun di kei di sindi anjei bak dani.” Lene noni kes Eli ei bimbut. Tirigi noni yem njita bindei no tu lene ningon kwes hanyen.

SAMUEL GI NIGOM 25:41

Abigail cem ba nibiau bicom mpia biba ningwak bikik dihyei ei imig him bibuhup “Da dini ne Daud de awak rin ba, ditin ei mem gima dipiap nide awak nya imigya.”