SRAT RUT 2:10 - ALLAH NIHYET MEM TUNGWATU NYA

¹⁰ Lene Rut ba ningwak bikik dihyei ei Boas nimig him bipai binoni “Andigpoi e, dani ne dem mem gima abibon da nok gima bi. Nggon rino na di Andigpoi asingat tut da di ngkiai ba, abibon da nok i?”

SRAT RUT 2:10 ပူးပေါင်းရင်းမြစ်များ

NITRITI 18:2

Tirigi noni kon nibou lene ngat lo, ibou ningai itau kwei ei nide biyati. Hammi tirigi noni ngat yok rino dor um yok ba, kuk no biba ningwak bikik dihyei.

SAMUEL GI NICAN 19:28

Mbro nok gino dicig Saul nide bat nya yahagom idem mem gima na di Andigpoi ayai nimai biyok lo, asindui sut da ba, diyem njita bit na di Andigpoi ei ade meja dip. Dani dem mem gima dahara na di Andigpoi tut mun nyeng hi bu bi.”

SAMUEL GI NICAN 7:18

Lene Nibou Ndig Daud coi ug ei tuhan De Prak Meng nsi bikuk no lene ngat nadi bipai “tuhan Di Anyeng Jei Bibor e, dani kin dide bat nya nahagom nidem mem niyai mun di kei di anjei bak nyeni nipou kwei bipek ammani kep hagom bi.

SAMUEL GI NICAN 9:8

Lene Mefiboset kuk no biba ningwak bikik dihyei hanyen bu bibuhup “Andigpoi e, ade awak dem mem gima bi! Nggon rino Andigpoi angondut da nok i?”

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

MATIUS 25:35

Lewo tirigino dinggum lene jikwas njita hi tut Da. Tirigino dinggobiau lene jitin kau tut minyei hi biDa. Tirigino dinok ngkiai lene jicigit Da kui ig.

LUKAS 1:43

Noro tut dani ne dibon dinyeng bi. Nggon rino Tuhan nipmem kwei cem kep da i?

LUKAS 1:48

Noni kan kep bipia mbro nok gino hiter ingwes pri gau da lo, ningat ne dinok Nide awak! Hon kep ammani kui lene tungwatu nya yahagom mipai sut da bipia dingon nggei-hi-nggei,

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

SRAT RUT 2:11

Lene Boas buhup “Dimiap tut anghapti tu. Lewo hi pai bida tut gino asingat tut agnyot ba, ampu noni nindig bibor tirigi po ajjep nimaisi kikau kwei bipek ammani kep. Dikan tut bipia akes acig-apmem kin atimieisi ei su ba, akwei bong angkiaisi dini.

SRAT RUT 2:13

Lene Rut pai binoni “Andigpoi e, mbro nok gino dibon dinyeng nok ade awak hi rin bi lo, asingat tut da nindig bibor ba, ade nisingat tut dati dima biwin kep dingonti tu.”

SRAT RUT 2:19

Lene Naomi hig ser noni “Njap di ammani ambus gandum-barli dini yok ei siri tou i? Beisi di ayai midyai eisi pima niceu tou i? Handei kon ba, Allah minjei mun di kei bak no di ngondut na dima!” Lene Rut buhup “Dimbus gandum-barli niken ei beisi gom di niceu rino Boas.”

SRAT RUT 2:2

Njap gom lene Rut pai bak Naomi “Gino ace tut lene duug ei beisi bidimbus gandum di awak nya di igyai kikep midyai dima iba igyai ngat ei di iba inda mbres ei nya. Dingon ngkiem tut bipia awak gom misindui sut gima dimbus gandum nikenti bram noni.” Lene Naomi buhup “Kei! Ambut ug.”

SRAT RUT 2:9

Angig ayai kep mpia di ikinyon ei gandum nittou nsi gomti lene aya bit yok lo, ma ambres nanti leu yok au. Gino anggobiau lene adut minyei di awak pinai nya itau ei dibijigti. Disok kep yok ngkiem ser nhyema iwaisi nani au tu.”

SAMUEL GI NIGOM 25:23

Tirigi Abigail ngat Daud lene kinyon haninyai leu nide keledai lene kuk no biba ningwak bikik dihyei ei Daud nimig him,