SRAT RUT 1:16 - ALLAH NIHYET MEM TUNGWATU NYA

¹⁶ Noro Rut buhup “Amei e, ma acuk da bidingkwei hanyen au. Asindui sut da bidibit na kikau. Midibit na kikau bidem ambutti ba, midibong bit na bidem abongti ba, miditig mbier tut ade bat nya bidikuk da bak Allah di akuk na bak cem.

SRAT RUT 1:16 ပူးပေါင်းရင်းမြစ်များ

SAMUEL GI NICAN 15:21

Noro Itai buhup “Andigpoi e, diba neheng bipai bina tug hon tuhan ninyeng bipia mbro nok gino ditug midut lo, midibit na bidem ambutti nya hagom.”

MAZMUR 45:10

Nibou ndig nya ipmisop bat nya bitut sop gwam nitta pilei nya ingat rin ei ade ig nibou ndig. Nibou ndig nitnem ndei mimau mas di pimbai kei biya tut ei nibou ndig de banggo mbrei nite anda com.

NIPINGOK NINGONTI 17:17

Yo di ingon ce yam bi nya ingon gom tut yam. Noro adig-ajoi nya impu yam tirigi mun di buhun cut igkep yok.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MATIUS 8:19

Lene guru Puig Yahudi nicukti gom kwei pai binoni “Guru e, midibit Na kikau bidem ambutti nya hagom.”

YOHANES 13:37

Petrus hig ser Noni hanyen bu “Tuhan e, nggon rino bit bon dibit Na ug ei mpia ttou nsi dima nogindia kan bi i? Ditin ei mem diyai nimai drek dip Na.”

KISAH 21:13

Noro Paulus buhup “Nggon rino jipim kep da ba, jibiyai dingon pus tut je i? Ditin ei mem ikat da ei minu ndig Yerusalem he bi noro mem diyai nimai drek dip Tuhan Yesus cem.”

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

YOSUA 24:18

Tirigi po nyeni nikieng kep minu dini sindam pima lene tuhan jji mben Amori bingwig leu itimieisi dini. Gima rino minikuk nye biNoni lewo Noni ne tuhan ba, nyende Allah ri.”

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

SRAT RUT 1:15

Leu api Naomi pai binoni “Rut e, asut ngkwei hanyen ndam nide bat nya kin nide kwar hanyen tu. Suar nani cem angkwei hanyen bit noni.”

SRAT RUT 1:17

Ayaijo ngwig hon ei tirigi tou lene dani cem diyaijo ngwig hon ei tirigima leu api handei kon ba, tungwatu nya itig dingut ei atimieisi. Gino disindui sut mun nyeng hi mbres da leu na nipou tirigi dimai bigyo lene ma tuhan sigion da hak ug. Nimai ningkom he rima mbres sa leu yam a.”

SRAT RUT 2:6

Lene mindor buhup “Noni ne sop ngkiai di bit Naomi kwei leu minu Moab pima ri.

SRAT RUT 4:15

Agnyot ngondut na nindig bibor. Mun di noni bibon binani kei bibor dor njiriek gino apmot bat nya ibou muhwindacan mibibon bina. Nogindini noni yai adrot nipinai gom bina lene mot dima mibindei ba, angon kei bibor hanyen bu lene minyohou na ei awer sindig-ndausi cem.”