SRAT RUT 1:15 - ALLAH NIHYET MEM TUNGWATU NYA

¹⁵ Leu api Naomi pai binoni “Rut e, asut ngkwei hanyen ndam nide bat nya kin nide kwar hanyen tu. Suar nani cem angkwei hanyen bit noni.”

SRAT RUT 1:15 ပူးပေါင်းရင်းမြစ်များ

NIBOU NDIG NYA GI NICAN 2:2

Yoni yuug ei puig sinon lene Elia kuk Elisa bipai binoni “Ma agwam nyahan ei mpia dini mem nituti poi lewo tuhan cuk da ba, duug ei minu ndig Betel ug ri.” Noro Elisa buhup “E bi! Deheng bitug hon dingon di gom tut tuhan di niyaijo cem bitug hon dingon di gom tut nani cem bidipai bipia midikes nani bihigom ei bi sren.” Gima rino yahacem ikak puig kikau ug ei minu ndig Betel.

MAZMUR 125:5

Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!

MAZMUR 36:3

No dima kon nonti nok no di mipbor ngat apino ningon guhukti tut nitunggweisi nya bi. Ningon hukti bi apino ningon gimpo tut niyai munti di kinei nya bi a.

ZEFANYA 1:6

Midibindei sar yo di ikuk yok biDa bi nya kin yo di yahara Da leu binhyepo dibie tut yok bi nya kin yo di iba inghim biDa kin yo di ikou sut gi ibit dihyet yahagom.”

MBEN ISRAEL IMBUT-MBUT NYEN 10:30

Noro Hobab buhup bak “Dipai sigyo, noro dingkwei hanyen ug ei ditimieisi hanyen bu ug ri.”

LUKAS 24:28

Lo bi lene ikwei dideu minu mien di yo cin yuug eisi dima tu. Yesus bon Nonti nok no di mbut kikau,

IBRANI 10:38

Ba, Ditde limwa di ingon sren nya migyai niyaijo lewo ingon gom tut Da. Noro dijoi sut Ditde limwa di ingkwei hanyen nya bi.”

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

NIJAM NIKEI NYA 11:24

Leu api nogindini abingon ei mem gima abrim dihyei dima hanyen bu e? Suar jima dihyei di jide kwar Kamos yai bije bou je nok jide hak. Noro nyeni miniya ngkiem ser dihyei di nyende tuhan Allah yai binye tu.

SRAT RUT 1:14

Lene sop cin dima ipim bu ba, igyai nggwei kibor. Leu api Orpa mei Naomi bipigo lene ngkwei hanyen. Noro Rut kou sut gima kes nignyot ei bingkwei hanyen leu a.

SRAT RUT 1:16

Noro Rut buhup “Amei e, ma acuk da bidingkwei hanyen au. Asindui sut da bidibit na kikau. Midibit na kikau bidem ambutti ba, midibong bit na bidem abongti ba, miditig mbier tut ade bat nya bidikuk da bak Allah di akuk na bak cem.