SRAT RUT 1:14 - ALLAH NIHYET MEM TUNGWATU NYA

¹⁴ Lene sop cin dima ipim bu ba, igyai nggwei kibor. Leu api Orpa mei Naomi bipigo lene ngkwei hanyen. Noro Rut kou sut gima kes nignyot ei bingkwei hanyen leu a.

SRAT RUT 1:14 ပူးပေါင်းရင်းမြစ်များ

NITRITI 31:28

Apo abon nituti mem gima dinggriou dignyon bat nya kin dipmisop bat nya ba, dimei ingyoi cem bi. Mei! Ayai mun tunggwei sut da nindig bibor!

NITRITI 31:55

Njap di hyep bu lene Laban ngat nadi mem nignyon bat nya kin nipmisop bat cin lene nggriou yok bimei ingyoi mem ha yausi leu lene ngkwei hanyen ug ei nitimieisi.

SAMUEL GI NICAN 19:39

Lene Daud kin nide limwa nya yahagom isigon Minyei Yordan. Tirigi yuug dihip ei nite hi bu lene Daud mei Barzilai ningyoi bingat nadi tindei mun di kei mem noni. Lene Barzilai ngkwei hanyen ug ei nitimieisi.

NIBOU NDIG NYA GI NIGOM 19:20

Elisa kes nide sapi nya ei bidor bram Elia bihig ser noni “Ace tut ba, duug pigo dicig-dipmem nya nipou ug e leu api dikwei bit na.” Lene Elia buhup “Dwai, aug ba, apigo yok hak ug. Dipai ser na bi.”

NIPINGOK NINGONTI 17:17

Yo di ingon ce yam bi nya ingon gom tut yam. Noro adig-ajoi nya impu yam tirigi mun di buhun cut igkep yok.

NIPINGOK NINGONTI 18:24

Asut di ningon gom bi no rinaha noro no di jem nisut bit na bon ninyeng dor njiriek ade adig-ajoi nya.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

MATIUS 16:24

Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MATIUS 19:22

Tirigi no dima miap Yesus nibuhupti nok rino noni ba ningon di buhun bingkwei hanyen drek dip gi nyeng tut ndigban nindig bibor.

KISAH 17:34

Noro ibou poi di isrig yo dima ikieti itti kin Paulus ba, ingon jo kep Yesus. Yo dini inyeng Dionisius di nggre kin dewan Areopagus nya kin no di sop di ninyeng Damaris kin nindigsi nya ibou poi cem.

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 4:4

Noro je dino jingon gom tut tuhan di nok jide Allah ei mpia dima ne jiyaijo kikau kwei bipek ammani kep.

2 TIMOTIUS GI NICAN 4:10

lewo Demas kes da buug ei minu ndig Tesalonika leu da tu drek dip gi noni ba noho rok dihyeisi dini. Kreskes cem kes da buug ei hanjop Galatia leu da ba, Titus cem kes da buug ei hanjop Dalmatia leu da tu.

IBRANI 10:39

Ibicom yam bit yo di ingkwei hanyen di israwir nya bi. Noro iba ingon com Allah apino igyai niteu leu sisarti kin niyaijo nijep.

SRAT RUT 1:13

bit bon joom jingut kanti kikau bibou yoni indig ug e kan bi. Gino joom jingut kanti nok gima mibindei ba, mibon nituti mem hiter iwak je kan bi. Dipmisop bat jen, gini hagom nggruk bibor! Dingon buhun bibor tut mun di cut igkep je drek dip gi po tuhan singat tut da bi pima.”

SRAT RUT 1:15

Leu api Naomi pai binoni “Rut e, asut ngkwei hanyen ndam nide bat nya kin nide kwar hanyen tu. Suar nani cem angkwei hanyen bit noni.”

SRAT RUT 1:7

Lene yahagom ittei yam ba, ingkwei hanyen ug ei Yehuda.

SRAT RUT 2:11

Lene Boas buhup “Dimiap tut anghapti tu. Lewo hi pai bida tut gino asingat tut agnyot ba, ampu noni nindig bibor tirigi po ajjep nimaisi kikau kwei bipek ammani kep. Dikan tut bipia akes acig-apmem kin atimieisi ei su ba, akwei bong angkiaisi dini.