SRAT RUT 1:13 - ALLAH NIHYET MEM TUNGWATU NYA

¹³ bit bon joom jingut kanti kikau bibou yoni indig ug e kan bi. Gino joom jingut kanti nok gima mibindei ba, mibon nituti mem hiter iwak je kan bi. Dipmisop bat jen, gini hagom nggruk bibor! Dingon buhun bibor tut mun di cut igkep je drek dip gi po tuhan singat tut da bi pima.”

SRAT RUT 1:13 ပူးပေါင်းရင်းမြစ်များ

NITRITI 38:11

Lene Yehuda pai bak nignyot “Nna ba angkwei hanyen ug ei acig de ig bei ba, anok sop kibom sri bibou dipmot Syela mahan ug e.” Noni pai bitak kep nok lewo kan “Mpaba tuhan mikes hukum ei Syela cem dip bimai hak bit leu nok nikindig bat cin pima e?” Lene Tamar ngkwei hanyen bibong bit nide bat nya.

AYUB 19:21

He disut bat jen! Ma jingondut da o! Lewo Allah ba ninda bibui da.

MAZMUR 32:4

tuhan e, ahwen bit da bikwop mmun-njap apino ditde nisindemti pren hak leu da dem kep nok mpia di wam bibindei nindotti pingge hanyen.

MAZMUR 38:2

tuhan e, ma aba Ade nigga biborti bikes hukum nihwen bit dati ei da dip au.

NINDAT KEP TUHAN NICUKTI NYA 2:15

tuhan kes mun di buhun ei yok dip kikau bibou yahagom isar bingwig ug e.

NIJAM NIKEI NYA 2:15

Bikwop mpe dino injei siceu ba, ikon pran lene tuhan tti kin ide siceu nya bit leu nok Noni sok kep Nide limwa nya nipou su. Gima rino mben Israel ingon buhun bibor.

SRAT RUT 1:12

Ma jingkwei hanyen ug ei jitimieisi hak ug. Lewo diwer sindig-ndau tu. Mbro nok gino dingon cut leu bi ba, tuhan sindem mem gima bindei ba, diwak dijjep hi bu mem himmun di ariman apino diyai dipmot bat nya ibou can bu lo,

SRAT RUT 1:14

Lene sop cin dima ipim bu ba, igyai nggwei kibor. Leu api Orpa mei Naomi bipigo lene ngkwei hanyen. Noro Rut kou sut gima kes nignyot ei bingkwei hanyen leu a.

SRAT RUT 1:21

Tirigi po dimbut leu ditimieisi dini mimbrek tu pima lene dibon dijjep kin dipmot bat nya. Noro tuhan buwak da hanyen kwei kin gi dehei he. Leu gima rino ma jindat kep dinyeng Naomi bu au. Lewo tuhan Di Sindem Bibor kes hukum ei da dip bibindei ba, mun di buhun bibor cut igkep da.”

SAMUEL GI NIGOM 5:11

Lo bi lene ihig nibou ndig mben Filistin dima yahagom kwei bipai biyok “Ma jipinak Brua Gi Preu dima hanyen ug ei nijoti ei Silo leu nhyema mibindei ba, nyeni kin ide bat nya itug ndei nimai bi.” Ipai nok lewo timiei minu ndig dima hagom ingon tai-tai bou nindig bibor tut hukum di buhun bibor di Allah kes ei yok dip.