SAMUEL GI NIGOM 8:8 - ALLAH NIHYET MEM TUNGWATU NYA

⁸ Habiei tirigi dibuwak yok kwei leu minu Mesir kikau kwei bipek ammani kep irok Dani leu binhyepo ikuk yok bak kwar nya. Tini bu ne ibibon na bit leu nok gi ibibon kikep Da nipou su.

SAMUEL GI NIGOM 8:8 ပူးပေါင်းရင်းမြစ်များ

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

NEHEI LEUSI 16:3

bipai “Gino tuhan kes hukum nimai ei nye dip tirigi po nibong ei minu Mesir pima lene dem. Lewo mpe di po ningat rin ei minu dima lene niyem kep mikwau kin njita nindig bibor di bindei nye. Noro jibuwak nye kwei ei iggum ndigsi dini apino nahagom minimai ninggum ug ri.”

NEHEI LEUSI 17:2

Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

NEHEI LEUSI 32:1

Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

YEREMIA 34:14

awak di mben Ibrani di yai midyai nok awak kikau mem nijam ari bingwam nitindur muhwindagom tu lene suar niceu kwek noni leu nuubon no nok awakti ei ari bingwam gi nimuhwindacan ningwigsi. Noro jidigup bat-jidigai bat nya itug hon nipreu ei mem yokti dima bimiap kep mun di dipai biyok dima bi.

YEHEZKIEL 2:3

“Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su.

MBEN ISRAEL IMBUT-MBUT NYEN 16:41

Njapti kui bu lene mben Israel yahagom ingon sibui sut Musa kin Harun bipai biyok “Jibindei ba, tuhan de limwa nya wer imang imai su.”

NINDAT KEP TUHAN NICUKTI NYA 9:24

Habiei tirigi po dittau kep je ei minu Mesir kikau kwei bipek ammani kep lene jikiek jimig jou tut tuhan.

NIJAM NIKEI NYA 13:1

Mpe dima lene mben Israel ibon sisar tut tuhan hanyen bu apino Noni sindui sut mben Filistin inyeng tak kep yok mem nijam ari bingwam ningot bitai.

NIJAM NIKEI NYA 2:20

Mpe dima lene tuhan ningon sibui sut yok ba, simbot dat bipai “Dicuk yo dini idigup bat-idigai bat nya nipou su leu binhyepo igyok ngon kep mun di dipreu ei mem yok. Noro yo dini ingkwei leu nipreu eisi pima leu api ibit dihyet bu bi.

NIJAM NIKEI NYA 4:1

Niabiati Ehud niyaijo ngwig hon tu lene mben Israel ingkwei hanyen bibon sisar tut tuhan hanyen bu.

NIJAM NIKEI NYA 6:1

Ei niabiati bu lene mben Israel ibon sisar nindig bibor tut tuhan hanyen bu. Gima rino Noni sindui sut mben Midian ico kep yok mem ari bingwam muhwindacan.

SAMUEL GI NIGOM 8:7

Lene tuhan buhup “Ma ayai hagom bit leu nok yo dima yahara naniti hak ug. Lewo irok nani bi noro irok Dani. Lewo ikou sut gima dinok nibou ndig mem yok.

SAMUEL GI NIGOM 8:9

Gima rino ma ace tut ingon kanti hak ug noro asok kep yok ngkiem tirigi apingok ingonti tut notou nibou ndig mibibon yoti.”