SAMUEL GI NIGOM 7:9 - ALLAH NIHYET MEM TUNGWATU NYA

⁹ Gima rino Samuel bui domba mien ningut gom bibon midut nindig mindhe titut kep humti bak Allah. Gima ngwig lene noni ngat nadi leu binhyepo Allah mimpu Nide limwa di mben Israel. Apino Allah buhup nide nadi.

SAMUEL GI NIGOM 7:9 ပူးပေါင်းရင်းမြစ်များ

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

IMAM NYA IDE MIDYAI 22:27

tut sapi pmot kin domba pmot kin kambir pmot di sindi beb ba, suar ya bit nipmem mem njap muhwindacan ug e. Njap muhwindacan dima leu ug api dem mem jibui mindhe dima kep nibon midut njita nibipai sigyo bak Allahti.

NINDAT KEP TUHAN NICUKTI NYA 9:26

Lene dingat nadi tindei je bidipai “tuhan Di Ninyeng Jei Bibor e, ma acok tut Ade limwa nya po ateu yok bingwes ngun ba, abuwak yok kwei leu minu Mesir tug hon Ade nisindemti di nindig bibor pima au.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

NIJAM NIKEI NYA 6:26

Lene ma adingug tig binok nimbar hum dok di ngkiem-kiau di nijep bu hammi mpia di anggek nitimiei leusi. Lene ma abui sapi dima ba, arop biei di acig pigig sut ei mem Asyera dima ba, abindig sapi titut kep hum mem tuhan.”

NIJAM NIKEI NYA 6:28

Tirigi timiei minu dima ikiju mem njap bigyokti lene ingat lo, tungwahi nggek Baal de nimbar hum dok bikinei su lene birop Asyera de cou biei bindig kep hum ba, bibon nimbar hum dok nijep ei sirima bibui sapi nikre nok nibon midut nindig mindhe titut kep humti eisi tu.

SAMUEL GI NIGOM 10:8

Ma ambut bibie leu da ug ei Gilgal leu api miduum na ei sirima leu binhyepo dibon midut nindig mindhe titut kep humti kin midut nibiyai ningon kwes kin Allahti cem. Suar amem kep ser ditau kep nati ei sirima kikau mem njap muhwindacan bibou dihwou pingok angonti tut ade midyai nya ug e.”

SAMUEL GI NIGOM 12:17

Mbro nok gino nijam dini ne bed di biang mpia ngei rin lo, midingat nadi lene Noni mibindei ba, kru micut lene mpia but. Tirigi jingat gima bou jiyai him lene mijo nibreisi mem je bipia jibon sisar nindig bibor tut tuhan tirigi po jibidip huk Noni tut nibou ndig di ninyeng tak kep je.”

SAMUEL GI NIGOM 16:2

Noro Samuel hig ser “Ui! Notou diyai nok gima i? Gino Saul miap tut lene noni mikes nimai ei da dip ug ri!” Lene tuhan buhup “Ma ajem sapi nipmot bo gom leu api apai ba, abitot hagau bipia abon midut nindig mindhe gom bak Dani ei sirima.

SAMUEL GI NIGOM 2:35

Lene mididimig imam di ningon gom di bit leu dingon kanti ei mem Da. Midibindei ba, imam nya mintun noni him sindam leu binhyepo igyai kep midyai imam nya ide ei nibou ndig di didimig ei su noho bei.

SAMUEL GI NIGOM 7:17

Bikwop mpe di noni yai midyai dima bingwig lene ngkwei hanyen ug ei nide ig ei minu ndig Rama bigwam nok nikei ei mpia dima bu. Lene noni dingug tig bijo-jo yam dip nok nimbar hum dok mem Allah ei minu ndig Rama.

SAMUEL GI NIGOM 9:12

Lene ibuhup “I, ningat rin ba, nogindini no bie joho ma ug. Gino jibrim jimig lene mijahatap noni. Noni sindi kwei krau lewo timiei minu dini mibon midut nindig mindhe kep hum ei nimbar hum dokti mem njap di ammani.