SAMUEL GI NIGOM 7:6 - ALLAH NIHYET MEM TUNGWATU NYA

⁶ Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)

SAMUEL GI NIGOM 7:6 ပူးပေါင်းရင်းမြစ်များ

NITRITI 31:49

Lene Laban binut bu “Nna ba tuhan ngig niyai kep sa mem nijam dino simbres santi leu yam.” Gima rino yoni ijem mpia dima ninyeng “Mizpa.”

SAMUEL GI NICAN 14:14

Nyeni yahagom mporo yuum igyaijo ningwig honti. Nyeni yahagom idem kep nok minyei di ikiber ei dihyeiti ba, bit bon hi mbus keyam hanyen bu kan bi. Allah cem giwin yo di imai nya bikiju ba, igyaijo hanyen bi. Gima rino nna ba na di Andigpoi anggok puig leu binhyepo no di com no ug ei ningkiaisi dima ngkwei hanyen.

NIBOU NDIG NYA GI NIGOM 8:47

lene tuhan e, handei kon ba, angig atingou mem Ade limwa nya ighyet tirigi ingat nadi. Gino ittin ser ide sisar bingat nadi bak Nani lene ipai jit bipia ibon sisar ba, imbuk bibor tu lene ma angig atingou mem ighyet.

NIBOHON MBEN ISRAEL GI NIGOM 11:18

Lene nibou tentara ibou ningai dima imiap nihyet dima. Gima rino isu yok nyahan sin mben Filistinti ei ide prak meng yati bitau minyei leu minyei bousi pima leu api ittei kwei bak Daud. Noro Daud dut minyei dima bi. Noni kiber nok midut nikwas mun tut tuhan ba,

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NEHEMIA 9:27

Gima rino asindui sut ide siceu nya bihwen yok leu api inyeng tak kep yok. Tirigi mun di buhun cut igkep Ade limwa nya lene yahara Na di Allah leu binhyepo ampu yok. Leu api abirop ighyet hanyen kwei leu gwamti. Angondut yok ba, ata nibou kin nikon pran cig nya mem gima iteu yok bingwes ngun leu ide siceu nya inda nsi.

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

AYUB 3:24

Ningon ngguk biborti bindei ba, dinggum bi. Dilua-lua nyen kikau buug hon nohonti bi.

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

MAZMUR 106:6

Niyai kep nidigup bat-nidigai bat nya igyai kepti ba, nibon sisar. Nyeni nisibut ba, nitunggwei sut ahyet cem tu.

MAZMUR 119:136

Diyai nggwei kibor bijo ninno drek dip tungwatu nya di ibit ahyet bi.

MAZMUR 42:3

Allah di niyaijo e, diyok dingon mem Na. Apig bu leu api mibon nituti mem da leu binhyepo dihwou kuk da biNa ei Ade Ig i?

MAZMUR 6:6

Lewo yo di ibong ei minu nimai nya ide igyok ngon kep Nani bu bi. Hi dima nggei sut Nani ei yo di imai nya idihyei cem bi.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YEREMIA 36:9

Tirigi Yoyakim nok nibou ndig mem minu Yehuda ei ari bingwam muhwi ba, bed muhwindatai su lene tungwatu nya igyem njita bi mem nituti poi leu binhyepo ibindei ba, tuhan ngondut yok. Timiei minu ndig Yerusalem nya bitut yo di induk yam kwei leu minu ndig nya ei minu Yehuda yahagom igyem njita bi mem nituti poi.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 3:49

Midipim kikau ba, dikes dihyet hon bi,

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 20:4

Na di tungwatu di ayaijo kikau bi e, atin ei mem gima ambus yo dini ingonti tu e? Gi nok ne ma ambus ingonti hak ug! Apingok ingonti leu binhyepo igyok ngon kep mun di suwok bibor di idigup bat-idigai bat nya ibon nya.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

IMAM NYA IDE MIDYAI 16:29

Suar mben Israel ibit dicuk yokti dini bijo ninno bijo kikau. Ug ei njap gi nisimnai ei bed gi nimuhwindacan lene ma yoni kin ngkiai nya di ibong bit yok yahagom isindui njita mem nituti poi lene inda jo kep ide midyai nya cem au.

IMAM NYA IDE MIDYAI 26:40

Noro ei mpe dima lene jide nintun him yamti di bram yam nya mittin ser ide sisar kin idigup bat-idigai bat nya ide sisar. Yo dima isrep tut Da ba, yaham imbuk kep Da cem,

LUKAS 15:18

Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu.

NIJAM NIKEI NYA 10:10

Leu api yahara tuhan bipai “Nyende tuhan Allah e, nibon sisar tut Nani tu. Lewo niba ninghim bak ahyet ba, nikuk nye bak kwar Baal nya tu.”

NIJAM NIKEI NYA 10:15

Noro mben Israel ipai bak “tuhan e, nyeni nibon sisar tu. Ba, abon igbit angon kanti mem nyeni hak ug lo, ma ampu nye mem nijam dini!”

NIJAM NIKEI NYA 2:4

Niabiati malaikati dima pai biyok ne mben Israel yahagom ipim kui jei sut nihyet.

NIJAM NIKEI NYA 20:26

Apino mben Israel ingkwei hanyen ug ei minu ndig Betel ba, ipim ei tuhan Noho bei. Yoni igyem njita bi kikau bimmun kep. Lene ibon midut nibiyai ningon kwes kin Allahti cem midut nindig mindhe titut kep humti cem bak tuhan ei mpia dima.

NIJAM NIKEI NYA 3:10

tuhan Ninnei sindem tut Otniel apino kiju nok nibou di bie tut mben Israel. Leu api tuhan bindei ba, noni ug kon pran bit nibou ndig Mesopotamia bibindei timek noni ningwig a.

SAMUEL GI NIGOM 1:15

Lene Hana buhup “Andigpoi e, ba anggur ningei pu da bi lewo didut hi bi. Noro dingon bos-bos nyen ba, dingon buhun bibor cem. Dingat nadi bidipui sut mun di buhun bibor di cut igkep da hagom bak tuhan.

SAMUEL GI NIGOM 10:17

Lene Samuel hig mben Israel yahagom kwei ba, imbus yam ei Mizpa.

SAMUEL GI NIGOM 12:10

Lo bi lene jidigup bat-jidigai bat nya yahara tuhan bu bipai ‘tuhan e, nibon sisar ba, ningkek ndok tut Na leu api nikuk nye bak kwar Baal kin Asytoret tu. Ma ateu nye biningwes ngun leu nyende siceu nya apino minikuk nye biNani bu!’

SAMUEL GI NIGOM 7:15

Samuel ninyeng tak kep mben Israel kikau bipek niyaijo ningwig honti.