SAMUEL GI NIGOM 7:3 - ALLAH NIHYET MEM TUNGWATU NYA

³ Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”

SAMUEL GI NIGOM 7:3 ပူးပေါင်းရင်းမြစ်များ

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

NIBOU NDIG NYA GI NIGOM 11:33

Dibirop bak Salomo drek dip gi kou sut Da leu di ug kuk no bak kwar nya. Kwar di ug kuk no bak tu dima yok rino Asytoret di mben Sidon ide kwar kin Kamos di mben Moab ide kwar kin Milkom di mben Amon ide kwar a. Noni bit dihyet kin Ditde nikos tutti nya kin dicuk noti nya bit leu nok nicig Daud niyai kepti nya bi.

NIBOU NDIG NYA GI NIGOM 8:48

Gino iba ingon titut bittin ser ide sisar ei minu ting dima leu api ikiek yok ba, iba yoho rok minu di ayai bak nyeni nidigup bat-nidigai bat nya dini kin Daud De Minu Ndig di adimig ei su dini kin Ade Ig di dingot mem Nani ba, ingat nadi,

NIBOU NDIG NYA GI NICAN 17:39

Ma jibit Da di jide tuhan Allah dihyet leu api miditeu je leu jide siceu indati.”

NIBOU NDIG NYA GI NICAN 23:15

Yosia nggek mpia di ipigig sut ei di Nibou Ndig Yerobeam di Nebat nipmot bon ei minu ndig Betel pima. Noni ne nibou ndig di ris mben Israel ug ei sisarti habiei ei nimbie him pima ri. Yosia nggek nimbar hum dok dima lene dram tig nikiou nya hagom binnir-wap ba, ndig ide kwar nisop Asyera cem.

NIBOHON MBEN ISRAEL GI NIGOM 22:19

Gima rino suar jiba jingon titut kin jinnei titut kin jide nisindemti titut bibon jenti nok awak mem jide tuhan Allah. Ma jikinyon ei ningot ig mem tuhanti leu binhyepo jikes tuhan De Brua Gi Preu kin ndigban nindigsi nya hagom di jibiyai midyai pijum bitut nibon midut nibikuk je biNoniti hagom eisi.”

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 19:3

Mbro nok gima lo, nibon munti di kei no ntun Na Di Andigpoi him yo. Acok tut cou dihim di kwar Sop Asyera de limwa nya ikuk yok bak nya hagom ba, abrim angkek mem gima ayai munti dem igbit Allah ningon kanti cem tu.”

NIBOHON MBEN ISRAEL GI NICAN 20:33

Noro tut mpia di tungwatu nya ikuk yo bak kwar nya eisi ne ginggek gima bi. Limwa nya igiba ingon di gom bikuk yok bak idigup bat-idigai bat nya ide Allah bigyo.

NIBOHON MBEN ISRAEL GI NICAN 30:19

“tuhan Allah di nidigup bat-nidigai bat nya ikuk yok bak e, mbro nok gino yo dini ibindei pwoi yonti bigyo lo, ma akos ser yo di iba ingon titut bikwei kuk yok biNa dini ide sisar bit leu Ade nisingat tut tungwatu nyati.”

NIPINGOK NINGONTI 16:1

Tungwatu dihyeisi dini ikos dat ingon kanti nya noro Allah kos tut mun nyeng hagom bit leu Nonti ningon kanti.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEHEZKIEL 14:6

Apai bak mben Israel cem bipia Da di tuhan Di Dinyeng Jei Bibor dipai ‘Ma jittin ser jide sisar di jibon nya. Jiba jinghim bak jide kwar di jikuk je bak di bibon ningon him weisi dima hak ug.’

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

MATIUS 15:8

‘Allah pai sut yo dini bipia inggei sut Da ei yuhui him he noro ingonti jo ei minu ting leu Da.’

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

LUKAS 4:8

Yesus buhup “Allah nihyet pai ‘Ma jikuk je bak jide Allah ba, jibit Nongkom hak.’ ”

YOHANES 4:24

Lewo Allah ne Ninnei ri. Tungwatu nya igyai nisindemti leu Nonti Ninnei leu binhyepo iba ingon gom bibikuk yok biNoni.”

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.

NINDAT KEP TUHAN NICUKTI NYA 6:13

Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

YOSUA 13:31

Dihyei hanjop nsi dini bikrop ttai minu ndig Gilead nite hi cem bitut nibou ndig Og de minu ndig pmem cin di Asytarot kin Edrei ei minu Basan. Musa kwas dihyei hanjop nsi dima hagom titut yam tut keret Manasye nite hi insi de gom-gom di intun keret Manasye nipmot Makhir him.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

YOSUA 24:23

Lene Yosua sok kep yok bipai “Gi nok lene ma jicom nung di jikuk je bak nya di jo srig jide ndigbanti po jipos leu ngkiai nya pima leu api ma jipreu ei mem tuhan di nok jide Allah bipia mijingon gom tut Noni.”

NIJAM NIKEI NYA 10:16

Leu api icom kwar nya hagom. Leu lene ikuk yok bak Allah hanyen bu. Apino Allah ngig niyai kep yok bingat mun di buhun tak yoni lene ngondut yok.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 2:11

Mpe dima lene mben Israel ibon sisar tut tuhan tirigi sindi ikuk yok bak kwar Baal nya.

NIJAM NIKEI NYA 2:13

Lewo ikuk yok biNoni bu bi lo, ikuk yok bak Baal kin Asytoret kin kwar nindigsi nya.

SAMUEL GI NIGOM 31:10

Lene tentara Filistia ikon Saul de minggwen ug ei ide kwar Asytoret de ig nibousi leu api yahak ningut ei dihim ninggwenti ei minu ndig Bet-Sean.