SAMUEL GI NIGOM 7:14 - ALLAH NIHYET MEM TUNGWATU NYA

¹⁴ Lene mben Filistin itug minu nya di yoni ipos leu mben Israel ei Ekron kin Gat ikieti hagom hanyen biyok. Gima rino mben Israel inyeng tak kep ide minu nisurti-nipekti hagom hanyen bu. Mpe dima cem yoni kin mben Kanaan ingon kwes kin yam.

SAMUEL GI NIGOM 7:14 ပူးပေါင်းရင်းမြစ်များ

MAZMUR 106:34

Yo dima icok tut ngkiai nya bihigom leu minu dima bit leu tuhan nicuk yokti bi.

NIJAM NIKEI NYA 4:17

Lene Sisera nang kikau bicoi ug ei prak meng nsi gom lo, prak meng dima ne Heber di mben Keni pima nitnem Yael de ri. Noni nang ug ei sirima lewo nibou ndig Yabin leu Hazor hig nisut bit yo di imbier kim Heber.

NINDAT KEP TUHAN NICUKTI NYA 7:16

Bikwop mben di tuhan di nok jide Allah kes ei jindati lene suar ma jihwen yahagom bingwig hak ug. Lene ma jingondut yok au. Ma jikuk je bak ide nung di yoni ikuk yok bak nya au. Leu gi nok lene mijitug ndei hukum nimai drek dip.

NINDAT KEP TUHAN NICUKTI NYA 7:2

Tirigi tuhan di nok jide Allah kes mben dini yok hagom ei jindati lene ma jihwen yahagom ba, imai bingwig hak ug. Ma jingondut yok ba, jipreu mun hi ei biyok au.

MBEN ISRAEL IMBUT-MBUT NYEN 13:29

Mben Amalek ibong ser hanjop nsi gi bei mpia nibiho. Mben Het kin mben Yebus kin mben Amori yahagom idis yam bibong ser nungug him. Lene mben Kanaan ibong ser hanjop mukti kin Minyei Yordan nyai cem.”

YOSUA 10:5

Gima rino nibou ndig di mben Amori leu minu ndig Yerusalem kin Hebron kin Yarmut kin Lakhis kin Eglon yahagom injei siceu ba, ibiyon ttai Gibeon bikon pran bit timiei minu dima.

YOSUA 15:11

Lene jo leu Timna kikau ug bipek kin nungug tou gom ei minu ndig Ekron nijjai bikriek ndam minu ndig Sikron ba, mbut njiriek Nungug Baala kikau ug bipek kin minu ndig Yabneel leu api mbut kikau bibon nohon keti ei Muk Hacan nipimat di nok minu niya kwas yamti,

NIBOHON MBEN ISRAEL GI NIGOM 18:1

Nituti poi bu ne Nibou Ndig Daud kon pran bit mben Filistin ba, bindei timek yok. Lene biyai minu ndig Gad tut minu mien di jo ttai nya biyati.