SAMUEL GI NIGOM 6:5 - ALLAH NIHYET MEM TUNGWATU NYA

⁵ Gima rino ma jiba mas bibon kwar hi nok ningkek dip dimaham kin ncup di igyem jide njita bingwig leu je cem leu api ma jikon mben Israel ide Allah ninyenga. Tug hon nisinati dima Noni mikes hukum ei jeni kin jide kwar nya kin jide dihyei hanjop nsi nya dip bu bi.

SAMUEL GI NIGOM 6:5 ပူးပေါင်းရင်းမြစ်များ

YOSUA 7:19

Lene Yosua pai bak Akhan “Apai jit-jit mun di abon tunggwei sut pima ei mpia dini ei Israel ide tuhan Allah Noho bei. Apai sut gini brei bida lene ma aku mun nyeng hi au.”

SAMUEL GI NIGOM 5:11

Lo bi lene ihig nibou ndig mben Filistin dima yahagom kwei bipai biyok “Ma jipinak Brua Gi Preu dima hanyen ug ei nijoti ei Silo leu nhyema mibindei ba, nyeni kin ide bat nya itug ndei nimai bi.” Ipai nok lewo timiei minu ndig dima hagom ingon tai-tai bou nindig bibor tut hukum di buhun bibor di Allah kes ei yok dip.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

YESAYA 42:12

Ma yo di ibong bidem minu ting bibor nya yahagom inggei sut tuhan bikon ninyenga!

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

MAZMUR 32:4

tuhan e, ahwen bit da bikwop mmun-njap apino ditde nisindemti pren hak leu da dem kep nok mpia di wam bibindei nindotti pingge hanyen.

SAMUEL GI NIGOM 5:9

Noro niabiati Brua dima ug krau minu dima lene tuhan kes hukum ei yo dima cem dip bibindei ba, yahagom ingon tai-tai bou nindig bibor. Lewo munggwom timiei nya kin andigpoi nya cem ei minu ndig dima itug ndei ningkek dip dimaham bidem ingkek dip hagom.

NINGAT-HI-NGAT NYA 16:9

Mpia wam bibor bitigut yok apino ikucang Allah lewo Noni sindem ba, bindei nsuwer ajar dima yok hagom cut igkep yok. Noro ikou sut gi ittin ser ide sisar kin gi ikiek yok ndam Allah kin gi inggei sut Nide nisindem biborti.

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”

NINGAT-HI-NGAT NYA 11:13

Mpe dima ne dihyei ugwa-kwei nindig bibor lene minu ndig dima nittou nsi gom sar lo, nittou nsi muhwindatai jo nijoti. Ba, tungwatu nya ibou sribu muhwindacan cem imai bingwig. Leu api nindigsi nya idigit tut nindig bibor binggei sut Allah Di Sindem Bibor ei gwamti.

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

YOEL 2:25

Midingkwei mun di sar bingwig leu je ei nijam di hai ceng ningot ndig bibor igyem jide njita hagom bingwig leu je bije hanyen. Lewo Dani rino dicuk hai ceng di nok tentara nimpung ndig gom dima ug ei jide minu.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 39:10

Digwam nyahan bidimmou kei ba, dahap diji bi lewo Nani rino attem da.

MAZMUR 18:44

Akwek da bidingwes ngun leu nimpung di ibit Ade nicukti bi nya inda nsi leu api akon da bidinok no di ninyeng tak kep ngkiai nya. Ngkiai nya di dikan tut bi nya cem inok ditde awak bu tu.

MBEN ISRAEL IMBUT-MBUT NYEN 33:4

Mpe dima ne mben Mesir nya inda jo kep ipmot bat mighumbou nya di tuhan yai nimai biyok nya di itig kep nya ri. Tug hon tuhan niyai munti dima lene bindo biyok bipia Noni sindem bibor dor njiriek mben Mesir nya ide nung di ikuk yok bak nya.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 8:24

Lene tuhan kes hukum kros di isider-wap nya bingwig ei Firaun kin yo di igya kui noni ide ig. Apino mben Mesir yahagom inggwen bibor ba, ide mun di inyeng tut nya hagom kinei bibor drek dip kros di sider-wap pima.

NEHEI LEUSI 8:17

Gima rino Harun ba nide tom bibui dihyei ninjek dip apino dihyei ndung hagom nok amihip nya ba, ingwig kep tungwatu nya kin mindhe-ndhe nya hagom.

NEHEI LEUSI 8:5

Lene Noni pai bu bak Musa “Ma acuk Harun bisu nide tom bijo nai gau minyei nya kin minyei pmot nya kin igpong nya hagom ningwa dip bibindei ba, ugwaham nya mikiju leu minyei jou bikieng kep minu Mesir nisurti-nipekti hagom.”

SAMUEL GI NIGOM 6:8

Lene ma jikon tuhan De Brua Gi Preu bijikes ei kroba dip. Ma jikes kwar di jiba mas bibon mem jibigo gau jide sisar pima hagom ei jide brua ninsi gomti ba, jikon bijo ei kroba dip simiak Brua Gi Preu. Lene ma jisindui sut ba, sapi nya yonti imbut tut kroba bit leu ingon kanti.

NIBOHON MBEN ISRAEL GI NIGOM 16:28

Je di tungwatu nya e, ma jikon tuhan nikei-kau-keisi kin nisindemti!

NIBOHON MBEN ISRAEL GI NIGOM 16:29

Jikon tuhan Ninyeng di dia-diau kei. Lene jijem mindhe mem jibui bijindig ei nimbar hum dokti ei Nide Ig. Ma jiba sinsun di pwoi di bindo bipia jingon gom tut Noni bikuk je bak.

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”