SAMUEL GI NIGOM 5:8 - ALLAH NIHYET MEM TUNGWATU NYA

⁸ Gima rino ihig nibou ndig mben Filistin dima ibou muhwi yahagom kwei ba, ihig ser yok “Ninggon ndei mben Israel ide Allah Nide Brua Gi Preu pima i?” Lene nibou ndig dima yok ibuhup “Ma jikon Brua dima bijittei ug ei minu ndig Gat.” Gima rino ikon Brua dima bimbut tut ug ei mben Filistin ide minu ndig hiter ei Gat.

SAMUEL GI NIGOM 5:8 ပူးပေါင်းရင်းမြစ်များ

AMOS 6:2

Juug ngat minu ndig Kalne leu api juug kikau ug ei minu ndig Hamat kikau ug ei minu ndig Gat ei minu Filistin. Jikan bipia minu ndig dima yok hi nindig bibor bisindem bibor cem dor njiriek minu Yehuda kin Israel nya inyeng tak kepti e?

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

YOSUA 15:11

Lene jo leu Timna kikau ug bipek kin nungug tou gom ei minu ndig Ekron nijjai bikriek ndam minu ndig Sikron ba, mbut njiriek Nungug Baala kikau ug bipek kin minu ndig Yabneel leu api mbut kikau bibon nohon keti ei Muk Hacan nipimat di nok minu niya kwas yamti,

SAMUEL GI NIGOM 17:4

Lene Goliat di timiei minu ndig Gat ya bibie mem tentara Filistin ba, kiju bisrep huk tentara Israel. No dini nintig bou jei ba, nibou nggram him jo nai ba, naanjanti meter ningai.

SAMUEL GI NIGOM 17:52

Lene tentara Israel kin Yehuda imbos-hi-mbos ba, yuhuk bram yok njiriek minu ndig Gat kikau ug ei dimbou hui ei minu ndig Ekron. Itot tentara Filistin imang bibor bibindei ba, itug ndei ibok buhun bibor leu api yo di ibok itti ug ei dihyeisi kak puig dima kikau ug ei Saaraim.

SAMUEL GI NIGOM 29:6

Lene Akhis hig Daud kwei bipai bak “Deheng bitug hon tuhan di niyaijo ninyeng bipia nani ne no di ningon gom ri. Gima rino dijoi sut gima aya kui da ba, sikon pran dini. Lewo dingat atunggweisi hi ei nimbie him tirigi po akwei bong bit da pini jug kikau kwei bipek ammani kep bi. Noro nibou ndig nindigsi nya ijoi sut nani bi.

SAMUEL GI NIGOM 5:11

Lo bi lene ihig nibou ndig mben Filistin dima yahagom kwei bipai biyok “Ma jipinak Brua Gi Preu dima hanyen ug ei nijoti ei Silo leu nhyema mibindei ba, nyeni kin ide bat nya itug ndei nimai bi.” Ipai nok lewo timiei minu ndig dima hagom ingon tai-tai bou nindig bibor tut hukum di buhun bibor di Allah kes ei yok dip.

SAMUEL GI NIGOM 5:7

Tirigi ingat mun di cut igkep yok dima lene ipai biyam “Mben Israel ide Allah kes hukum ei nyeni dip kin Dagon di ikuk nye bak dip cem tu. Ma isindui sut Brua Gi Preu dima bijo ei nyeni ikieti bu au.”

SAMUEL GI NIGOM 6:2

timiei minu dima ihig ide imam nya kin yo di nung kui yok kwei leu api ihig ser yok “Ninggon ndei Brua Gi Preu dini i? Gino nitug brua dini hanyen bak niceu lene niba mindei kum eisi bu i?”