SAMUEL GI NIGOM 4:3 - ALLAH NIHYET MEM TUNGWATU NYA

³ Tirigi tentara Israel di ingwes ngun nya induk yam hanyen kwei ei prak meng yati lene ide nibou pran nya ipai biyam “Nggon rino tuhan sindui sut mben Filistin di ihwen nye bingwig ei njap di ammani i? Jikwei ba, ingkwei hanyen ug ei Silo ba, igyai tuhan De Brua Gi Preu kwei leu binhyepo Noni miya tut nye bibindei ba, nye di mben Israel ingwes ngun leu ide siceu nya indati.”

SAMUEL GI NIGOM 4:3 ပူးပေါင်းရင်းမြစ်များ

SAMUEL GI NICAN 15:25

Lene nibou ndig pai bak Zadok “Ma angkwei sut Brua Gi Preu hanyen ug ei nijoti. Gino tuhan joi sut da lene Noni misindui sut ba, dikwei hanyen ei nidipti bu leu binhyepo diyok diyai kep brua dima kin mpia ttou nsi di joti.

NIBOHON MBEN ISRAEL GI NIGOM 17:1

Niabiati Nibou Ndig Daud bong ser nide ig nibou ndig lene jem Nabi Natan kwei bipai bak “Angat i! Dibong ei ig nibou ndig di iba buom Libanon bingot. Noro tuhan De Brua Gi Preu jo hak ei prak mengti he.”

MAZMUR 74:1

Asaf de doia nibingginausi. Allah e, nggon rino akes nye bihigom ei i? Nggon rino agga Nanti Ade limwa nya kikau i?

MAZMUR 74:11

Nggon rino agimpu nye bu bi i? Nggon rino akes anda leu nye i?

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YESAYA 58:3

Ihig yam “Nggon rino nyeni igyem njita bi mem nituti poi gino tuhan tou kep nye bi i? Nggon rino iba ibou coi mem Noni gino Noni ngig niyai kep nye bi i?” tuhan buhup “Ningat ne tirigi jiyem njita bi mem nituti poi lene jibrim jingkek mem jide mun di bitut jenti bijico kep jide awak nya.

YESAYA 59:1

Ma jikan bipia tuhan ninghuisi jet bibor ser gima teu je bijingwes ngun ba, nitingou nam bibor ser gima miap kep jihyet au.

YESAYA 59:2

Lewo jide nibon munti di kinei rino bindei dino Noni miap kep jide nadi bi a. Jide sisar di jibon nya rino bikwas jeni leu Allah ba.

YEREMIA 3:16

Leu api tirigi jimangti kum eisi ba, jimang bibor bijikieng kep mpia ei mpia dima lene tungwatu nya misimbot kep biyam tut Ditde Brua Gi Preu bu bi. Yoni mikan-kan nyen tut ba, igyok ngon kep bu bi. Yoni isuar Brua Gi Preu ba, ibon nijep hi bu cem bi.

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

MBEN ISRAEL IMBUT-MBUT NYEN 10:33

Tirigi po mben Israel ikes Nungug Sinai po tuhan pigig ser pima bimbut lene imbut mem mmun-njap ningai. Mpe dima ne tuhan De Brua Gi Preu bie tut yok leu binhyepo ndo igbit mpia ttou nsi di kei mem gima yohok ide prak meng nya eisi.

MBEN ISRAEL IMBUT-MBUT NYEN 10:35

Bikwop mpe dino Brua Gi Preu sindi bie tut yok lene Musa ngat nadi bipai “tuhan e, ma akiju ba, ahwen Ade siceu nya ba, ajji yo di ingon mpo tut Na binang ningwig ug.”

MBEN ISRAEL IMBUT-MBUT NYEN 31:6

Musa cuk yok ba, injei bit Pinehas di Imam Eleazar nipmot mem gima ikon pran. Pinehas pwoi nimbumbati di kwes-kwau nya kin pun mbrei leu binhyepo miep bitto yok.

NINDAT KEP TUHAN NICUKTI NYA 29:24

Lene tungwatu dihyeisi dini hagom mihig ser yam ‘Nggon rino tuhan yai nok gima tut yo ide minu dima i? Mindei ribindei di Noni gga bibor nok gima i?’

NINDAT KEP TUHAN NICUKTI NYA 31:26

“Ma jiyai srat di Allah nicukti nya joti dini bijikon bijo simiak tuhan di nok ide Allah Nide Brua Gi Preu bijo kikau ei sirima binok mun di bindo tut Nide limwa nya igyai munti nya.

2 TIMOTIUS GI NICAN 3:5

Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.

IBRANI 9:4

Ikon nimbar hum ndok di iba mas bibon mem indig biei nggrai di ui-gwang kei eisi kin Brua Gi Preu di iba mas binggai kep ei ninsi dima. Leu api igyok yeng di iba mas bibon dino njita manna joti kin Harun de tom di biop kin tig mma can di Allah niggai serti simnai joti ei brua nsi dima.

YOSUA 4:7

ma jipingok ingonti bijipai Minyei Yordan tun leu yam ei mpe di po imam nya ikon tuhan de Brua Gi Preu ba, ibisigon pima. Tig dini ne tig nibiyok ngon kep mem mben Israel rin leu binhyepo igyok ngon kep mun di pek kep mem yok ei mpia dini.”

YOSUA 6:6

Lene Yosua hig imam pima yok kwei bipai biyok “Ma jikon Brua Gi Preu bijimbut tut lene ma jibou muhwindacan jittei jide pun mbrei nya bijibie tut.”

YOSUA 7:7

Lene Yosua pai bak tuhan “Ditde tuhan Allah e? Abuwak nye kwei ei Minyei Yordan nite dini mem mindei i? Mem gima akes nye ei mben Amori indati leu binhyepo igyai nimai binyeni e? Gino nibong hak ei Minyei Yordan nite dinu hak ug lene mun di buhun dini micut igkep nye bi.

YOSUA 7:8

Ayo tuhan o! Siceu nya yuhuk tentara Israel bingkwei kep inghim dip hanyen tu. Nogindini gimbun dibuhup hanyen biNa kan bi.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

YUDAS 1:5

Mbro nok gino jikan tut gini hagom tu lo, dimiep hum kin jingonti tut Tuhan di teu mben Israel bingwes ngun leu minu Mesir. Noro ei niabiati bu ne Noni hwen gi hi di ingon jo kep bi nya di isrig ikieti.

SAMUEL GI NIGOM 1:24

Niabiati tirigi Samuel kes do leu ba, dut bu bi lene nipmem usap noni ug ei tuhan De Prak Meng nsi ei Silo. Yoni ijem sapi di nide njap ug ei ari bingwam ningai ningut gom ba, ipwoi tepun kron gom kin ba anggur ningei naham nindig gom cem bimbut tut.

SAMUEL GI NIGOM 14:18

Lene Saul pai bak imam Ahiya pima “Ma akon sinsun efod kwei.” (Njap dima ne Ahiya juk sinsun efod biya bibie mem tentara Israel.)

SAMUEL GI NIGOM 4:2

Lene tentara Filistin ihwen mben Israel kros ba, ihwen yok sindem bibor apino tentara Israel ibou sribu bitai imai bingwig ei mpia dima.