SAMUEL GI NIGOM 3:17 - ALLAH NIHYET MEM TUNGWATU NYA

¹⁷ Leu api Eli hig ser noni “Apai igbit tuhan nihyet bida hak ug. Ma aku nihyet dima gom bijo nding leu da au. Leu gi nok lene Noni mikes hukum ei nani dip.”

SAMUEL GI NIGOM 3:17 ပူးပေါင်းရင်းမြစ်များ

SAMUEL GI NICAN 14:18

Lene nibou ndig buhup “Dihig ser na tut mun nyeng gom lene ma apai brei bida hak ug.” Lene sop dima pai “Na di Andigpoi ahig ser ade awak hak ug.”

SAMUEL GI NICAN 19:13

Lene Daud sok nihyet ei yok dip bak Amasa cem bipai binoni “Ditig mbier tut na. Hon kep ammani kui lene dita nani ba, aya luei Yoab nohoti nok nibou pran bu. Gino diyai igbit dipreu ei mem nati dima bi lene ma Allah yai nimai bida hak ug.”

SAMUEL GI NICAN 3:35

Njap jei dima lene ipi bibiwin kep Daud ningonti leu binhyepo yem njita poi mien. Noro noni ba neheng bipai “Gino diyem njita nipou tirigi mpia cutti bigyo lene handei kon ba, Allah yai nimai bida hak ug.”

SAMUEL GI NICAN 3:9

Nna ba dimpu Daud lewo tuhan preu ei mem noni bipia mipos Saul ninyeng tak kepti leu noni kin nide nintun him di bram yamti nya leu api mikon Daud binok Nibou Ndig di ninyeng mitak kep mben Israel kin keret Yehuda titut yam. Handei kon ba, tuhan yai nimai bida hak gino dingkwei Saul ninyeng tak kepti dini hanyen bak Daud dem igbit tuhan nipreu ei mem Daudti dima bi a!”

NIBOU NDIG NYA GI NIGOM 22:16

Noro Ahab buhup “Gino ambrap bit da tug hon Allah ninyeng lene suar apai sut mun di igbit. Suar dipingok angonti nok gima mbipig bu i?”

NIBOU NDIG NYA GI NICAN 6:31

Lene nibou ndig ba nihyet ndig bipai “Gino dibindei ba, hi rop Elisa nitibou leu nipou tirigi mpia kimbas mem njap di ammani bigyo lene handei kon ba, Allah yai nimai bida hak ug!”

MAZMUR 141:5

Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

YEREMIA 38:14

Njap poi ser lene Nibou Ndig Zedekia hig da biduug ngat noni ei dimbou pmem niningai ei tuhan De Ig bihig ser da “Midihig ser na tut mun nyeng gom lene ma abuhup bida nok igbit. Ma angon tak kep mun nyeng hi au.”

YEREMIA 42:4

Lene dibuhup hanyen biyok “Jingon kanti dima kei ba, dice tut. Midingat nadi bak ide tuhan Allah ba, mun mindei rino buhup hanyen bida lene midipai hagom hanyen bije. Midiku mun nyeng gom ngat cem leu je bi.”

DANIEL 4:19

Daniel di ninyeng hi Beltsazar miap nihyet dima lene digit tut ba, nga leu nindig bibor. Apino Nibou Ndig Nebukadnezar pai bak “Ma adigit tut ditde mumpriem kin mumpriem ningat au.” Beltsazar buhup “Andigpoi e, Dillei sut gino ade mumpriem kin nimbot kepti cem hagom bitut nani bi noro bitut ade siceu nya.

MIKHA 2:7

Ma akan bipia tuhan mbriom Nide limwa di mben Israel au! Noni bibon yok nok gima bi. Noni moom ningon tut yok kikau. Noni ba ningon di nggriu nyohou pingok yo di ibon mun di igbit nya ingonti bi e?”

MBEN ISRAEL IMBUT-MBUT NYEN 23:17

Gima rino noni ngkwei hanyen bingat Balak di ya kui nide mun di ndig kep hum ba, nibou mben Moab no igya kui noni. Lene Balak hig ser noni tut tuhan nicuk noti.

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

SRAT RUT 1:17

Ayaijo ngwig hon ei tirigi tou lene dani cem diyaijo ngwig hon ei tirigima leu api handei kon ba, tungwatu nya itig dingut ei atimieisi. Gino disindui sut mun nyeng hi mbres da leu na nipou tirigi dimai bigyo lene ma tuhan sigion da hak ug. Nimai ningkom he rima mbres sa leu yam a.”

SAMUEL GI NIGOM 14:44

Lene Saul pai binoni “Gino atug ndei hukum nimai mem njap di ammani bi lene handei kon ba, Allah kes hukum ei da dip hak ug!”

SAMUEL GI NIGOM 20:13

Ne gino noni bungwam mem gima yai nimai bina lo, dipai sut bina bidibindei ba, angwes ngun bi lene ma Allah yai nimai bida hak drek dip. Handei kon ba, Allah misindem tut na bit leu nok Noni sindem tut dicig.

SAMUEL GI NIGOM 25:22

Gino sigiyai nimai bak pinai di ingat rin ei sirima yahagom nipou tirigi mpia pri bigyo bi lene ma Allah yai nimai bisa hak ug.”

SAMUEL GI NIGOM 3:16

Leu api Eli hig noni “Samuel dipmot na e!” Lene Samuel miap bipai “Andigpoi e, mindei i?”