SAMUEL GI NIGOM 27:8 - ALLAH NIHYET MEM TUNGWATU NYA

⁸ Ei nijam di jei dima lene Daud ya tut nide tentara nya ba, icut igkep mben Gesur kin mben Girzi kin mben Amalek bihwen yok ningwig a. Mben dima yok ibong timiei mimbrek ngan ei dihyei hanjop nsi dima tu. Daud hwen ide minu ndig nya kikau ug ei Sur kikau bipek minu Mesir cem.

SAMUEL GI NIGOM 27:8 ပူးပေါင်းရင်းမြစ်များ

YOSUA 13:2

Nipou ne hanjop mben Kanaan ide bon minu niya kwas yamti ei Minyei Sikhor nyai gi dideu minu Mesir nite bei mpia nipriti kikau ug bipek kin minu ndig Ekron. Mben Awi kin Gesur inyeng tak kep hanjop nsi dima nite bei mpia nibiho lo, nibou ndig mben Filistin ibou muhwi inyeng tak kep minu ndig Gaza kin Asdod kin Askelon kin Gat kin Ekron bitut minu mien di gahai nya cem. Lene hanjop hiter di mben Kanaan ide bon minu niya kwas yamti nite bei mpia nijjai ei minu ndig Meara. Mben Sidon inyeng tak kep minu dima. Minu niya kwas yamti dima mbut kikau bipek kin minu ndig Afek ba, sir minu di mben Amori ide kikau ug bipek kin puig di mbut llu kak Nitinggoisi Hamat. Nitinggoisi dima bon minu niya kwas yamti nite bei mpia nipriti bimbut ug ei nite hi bei mpia nibiho ug ei Baal-Gad ei Nungug Hermon nikiou leu api minu niya kwas yamti dima mbut bei mpia nicutti ug bipek kin Misrefot-Maim. Hanjop nsi di jo nite bei mpia nijjai dini bikrop ttai Nungug Libanon kin mben Geebal kin mben Sidon di ibong ei nungug him dima kikau bipek kin Misrefot-Maim cem. Da di tuhan midimpu je mpe dino jibindei timek mben dima bijijji yok ningwig a. Lene suar akwas minu di bon minu niya kwas yamti ei Minyei Yordan nyai kin Muk Hacan cem titut yam tut keret mben Israel muhwindatai kin keret Manasye niken cem lewo itug ndei dihyei hanjop nsi hi bou yok nok ide bigyo. Mpe dima lene bikwop keret gom-gom mibong nyahan ei nide hanjop nsi.”

YOSUA 13:13

Noro mben Israel ijji timiei minu ndig Gesur kin Maakha binang leu ide hanjop nsi dima bi. Ba, no ibong srig mben Israel ikieti kikau kwei bipek ammani kep yo.

NIJAM NIKEI NYA 1:29

Lene tentara keret Efraim ijji timiei minu Kanaan di ibong ei minu ndig Gezer cem kan bi. Gima rino timiei minu Kanaan dima ibong kikau bit yok ei minu ndig dima.

YOSUA 16:10

Noro keret Efraim igijji timiei minu Kanaan leu minu ndig Gezer bi. Gima rino timiei minu Kanaan nya ibong timiei ei Gezer bit keret Efraim kikau kwei bipek ammani kep lo, keret Efraim nya yuubon yok binok ide awak nya he.

NIBOHON MBEN ISRAEL GI NIGOM 2:23

Noro Gesur kin Aram ikiju tut ide limwa di inyeng tak kep yok nya ba, ibindei timek hanjop nsi ningot muhwindagom ei minu Gilead pima bitut mben Yair ide hanjop nsi nya kin Kenat de hanjop nsi nya kin minu mien-mien di gahai nya cem. Tungwatu nya yahagom di intun Gilead nicig Makhir him ibong ei minu dima.

SAMUEL GI NICAN 15:8

Tirigi dibong ei Gesur ei hanjop Siria pima lene dipreu ei mem tuhan bipia gino Noni sindui sut ba, dingkwei hanyen ei minu ndig Yerusalem lene midikuk da bak bidinggei sut Noni ei Hebron.”

SAMUEL GI NICAN 14:32

Lene Absalom buhup “Tirigi po dihig na mem gima akwei ngat da pima lene akwei ngat da bi. Dipi bidicuk na ba, aug ngat nibou ndig leu binhyepo ahig ser noni bipia nggon rino noni hig da kwei leu Gesur bidibong ei sirini i? Nna ba midibong kikau ei Gesur hak ug.” Lene Absalom binut bu “Dijoi sut diya ei nibou ndig noho bei. Gima rino ma aya hacan mem da. Ba, gino nibou ndig kos tut bipia dingon mui yo lene nnaba ditin ei mem ditug ndei nimai hak ug.”

SAMUEL GI NICAN 14:23

Lene noni kiju biya leu api ug ei Gesur leu binhyepo ug ngat Absalom bibuwak noni hanyen kwei ei minu ndig Yerusalem.

SAMUEL GI NIGOM 30:1

Daud ya tut nide tentara nya bingkwei hanyen ba, yuug krau Ziklag ei njap gi niningai bingat lo, tentara Amalek injei bihwen hanjop Yehuda nite bei nibiho ba, bitut Ziklag cem bindig minu ndig dima bitimek bingwig.

NEHEI LEUSI 17:8

Mpe dima lene mben Amalek ikwei ya kep mben Israel bihwen yok ei Rafidim.

NEHEI LEUSI 15:22

Lene Musa bie tut mben Israel ba, ijo leu Muk Lipig biyuug ndam iggum ndigsi Syur. Imbut ei iggum ndigsi kikau mem mmun-njap ningai noro ingat minyei su hi bi.

YOSUA 12:5

Minu ndig nya di Og ninyeng tak kep nya ne Nungug Hermon kin minu ndig Salkha kin minu Basan titut yam rin ba, nitingti ug ninno bipek kin minu niya kwas yamti ei Gesur kin Maakha. Nok gima cem ninyeng tak kep Gilead nite hi ba, nitingti ug ninno bipek kin minu niya kwas yamti ei Hesybon di Nibou Ndig Sihon ninyeng tak kep.

SAMUEL GI NIGOM 29:6

Lene Akhis hig Daud kwei bipai bak “Deheng bitug hon tuhan di niyaijo ninyeng bipia nani ne no di ningon gom ri. Gima rino dijoi sut gima aya kui da ba, sikon pran dini. Lewo dingat atunggweisi hi ei nimbie him tirigi po akwei bong bit da pini jug kikau kwei bipek ammani kep bi. Noro nibou ndig nindigsi nya ijoi sut nani bi.

SAMUEL GI NICAN 3:3

Kileab di nipmem rino Abigail leu Karmel di nijjep Nabal mai leu pima. Absalom di nipmem rino Maakha di Nibou Ndig Talmai leu Gesur nipmisop.

SAMUEL GI NICAN 3:22

Abner nya imbut leu api Yoab ya tut Daud de tentara nindigsi nya bingkwei hanyen leu yuug kon pranti di ittei ndigban nindig bibor di ipos nya ba, ikwei krau sut.

MBEN ISRAEL IMBUT-MBUT NYEN 13:29

Mben Amalek ibong ser hanjop nsi gi bei mpia nibiho. Mben Het kin mben Yebus kin mben Amori yahagom idis yam bibong ser nungug him. Lene mben Kanaan ibong ser hanjop mukti kin Minyei Yordan nyai cem.”

MBEN ISRAEL IMBUT-MBUT NYEN 14:45

Lene mben Amalek kin mben Kanaan di ibong ser nungug him dima injei siceu bihwen tentara Israel ba, yuhuk yok kikau ug ei Horma.