SAMUEL GI NIGOM 27:2 - ALLAH NIHYET MEM TUNGWATU NYA

² Leu api Daud ya tut nide tentara ibou sratus muhwindagom dima ba, inang ndam Akhis di Moah nipmot di nok nibou ndig ei minu ndig Gat.

SAMUEL GI NIGOM 27:2 ပူးပေါင်းရင်းမြစ်များ

NIBOHON MBEN ISRAEL GI NIGOM 12:1

Tirigi Daud nang leu Nibou Ndig Saul pima ne noni nang kikau ug ei Ziklag. Tentara di ingon gom nya ba, mimbri kui ingkek cem ikwei bicom yam bit noni.

SAMUEL GI NIGOM 21:10

Lene Daud mbut binang leu Saul mem njap gom dima kikau ba, ug ngat Akhis di nok nibou ndig ei minu ndig Gat.

SAMUEL GI NIGOM 21:11

Lene yo di igya kui nibou ndig Akhis ipai bak “No dima ne Daud di nok nibou ndig mem nide minu ri. Noni ripo mpe dima nide limwa sop nya ibien-bien nyen bingon mingon drek dip noni bipai doia bipia Saul yai nimai bak nide siceu nya ibou sribu-ribu gom noro Daud yai nimai bak nide siceu nya ibou sribu-ribu simnai.”

SAMUEL GI NIGOM 25:13

Daud miap Nabal nihyetti dima lene cuk nide tentara nya “Jahagom jikri jide simeda kin jintig bou noyam.” Lene yo dima igyai igbit nicuk yokti dima haninyai ba, Daud cem kri nide simeda kin nintig bou a. Noni mbut tut nide tentara nya ibou sratus bitai lene kuk ibou sratus can ba, igya ser ndigban nya.

SAMUEL GI NIGOM 30:8

Lene Daud hig ser tuhan “Suar duhuk bram siceu dima yok e? Gino duhuk bram yok lene midahatap yok bidikat yok e?” Lene tuhan buhup “I, ahuk bram yok hak ug. Leu mporo ahatap yok lene ateu nimpung di ikat yok di yuug sut yok dima bingwes ngun leu siceu inda nsi hanyen ug ri.”

SAMUEL GI NIGOM 30:9

Leu api Daud ya tut nide tentara nya ibou sratus muhwindagom dima ba, ikiju biyuhuk bram yok. Tirigi yuug krau Minyei Besor nyai lene ibou sratus can ikuk yok bigwam.