SAMUEL GI NIGOM 27:10 - ALLAH NIHYET MEM TUNGWATU NYA

¹⁰ Gino Akhis hig ser noni “Ahwen timiei minu ndig di tou njap di ammani i?” Lene Daud mibuhup bipia noni ug cut igkep yo di ibong ei Yehuda nite bei mpia nibiho kin mben Yerahmeel ide dihyei hanjop nsi kikau ug ei mben Keni ide dihyei hanjop nsi cem.

SAMUEL GI NIGOM 27:10 ပူးပေါင်းရင်းမြစ်များ

NIJAM NIKEI NYA 1:16

Musa nicig nipmang de nintun him yamti di bram yam nya ne mben Keni rin ba, yo dini ibit keret Yehuda ba, yehei leu minu ndig Yerikho po dui sraba ninghousi pima ba, yuug ei iggum ndigsi Arad nite bei mpia nibiho ei Yehuda ide dihyei hanjop nsi. Lene ibong timiei ei sirima srig mben Amalek ikieti.

NIBOHON MBEN ISRAEL GI NIGOM 2:25

Hezron nipmot mighumbou Yerahmeel yai nipmot bat nya ibou muhwi di inyeng rino Ram (Ram ne mighumbou ri) kin Buna kin Oren kin Ozem kin Ahia.

NIBOHON MBEN ISRAEL GI NIGOM 2:9

Hezron yai nipmot bat nya ibou ningai di inyeng rino Yerahmeel kin Ram kin Kaleb.

NIJAM NIKEI NYA 4:11

Lo bi lene mpe dima lene Heber di mben Keni gom hok nide prak meng dideu Kedes ei biei ndig nghousi ei Zaanaim. Noni mbres nonti leu nide mben nindigsi nya tu. (Hobab ne Musa nidohoi rin ba, nide nintun him yamti di bram yam nya ne mben Keni ri.)

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

NIPINGOK NINGONTI 29:25

Ma akrau angon tut mpe dino hi kkin kep anghapti niku au. Leu gima nahanok mibuhun tak na. Gino aba angon com tuhan lene angwes ngun leu.

MAZMUR 119:163

Dingon sibui sut niris mun cig nya yahagom noro dingon ngakei Ade nikos tutti nya.

MAZMUR 119:29

Aom da ei minu ting leu puig srawir ba, aba Ade nisingat keisi bingginau da tut Ade nicukti.

SAMUEL GI NICAN 17:20

Lene nibou di igya kui Absalom ibou poi ikwei krau ig dima bihig ser sop dima “Ahimaas kin Yonatan iku yok ei siritou i?” Lene noni buhup “Yahacem isigon minyei tu.” Nibou dima yok inggok-nggok nyen yo cin pima noro ingat yok bi. Gima rino ingkwei hanyen ug ei minu ndig Yerusalem.

SAMUEL GI NIGOM 23:27

Noro Saul de limwa gom tau kwei sut nihyet gom kros bikwei ngat noni lene pai bak “Suar na di Andigpoi angkwei hanyen lewo mben Filistin ihwen ide minu tu!”

SAMUEL GI NIGOM 21:2

Lene Daud buhup “Nibou ndig cuk da kwei mem gima diyai midyai gom lo, cuon ser da nhyema dimbot kep tut midyai dima bak hiter au. Leu gima rino dicuk ditde limwa nya yuug ei minu ttou nsi gom leu api miduum yok ei sirima.

SAMUEL GI NIGOM 15:6

Lene Saul sok nihyet bak mben Keni lewo yo dima idigup bat-idigai bat nya ingondut mben Israel tirigi po ikwei leu minu Mesir pima. Noni pai biyok “Ma jikes mben Amalek ei ba, jinang leu ide minu ndig leu binhyepo tirigi dihwen yok lene dibihwen jeni bit yoni bi noro mijingwes ngun.” Gima rino mben Keni ikes mben Amalek ei ba, inang leu yok.

NIJAM NIKEI NYA 5:24

Yael di nijjep ninyeng Heber di mben Keni pima ninyeng jei ba, yai mun di kei nindig bibor dor njiriek sop nindigsi di yohok prak meng nya yahagom.

MBEN ISRAEL IMBUT-MBUT NYEN 24:21

Lene noni ngat-hi-ngat bu bingat yo di intun Kain him leu api tri tut Allah ningon kanti gom kin bu bipai, “Jibong ser jide ig kin jide minu di nddong bibor dem kep nok ha ham di jo nai ei hak dip.

NITRITI 27:24

lene hig ser noni mbigom bu “Nani ne Esau jit rin e?” Lene Yakub ce nihyet bipai “I, da pa ri.”

SAMUEL GI NIGOM 27:11

Igisindui sut timiei minu ndig di ihwen yok dima yok ba, tungwagom niyai gijo cem bi. Daud yai nok gima leu binhyepo timiei minu dima yok ibisau kwei ei Gat ba, ipai igbit tut Daud kin nide tentara nya di ihwen yok bisar ningwig dima bi. Tirigi Daud bong bit mben Filistin lene yai nok gima kikau.

SAMUEL GI NIGOM 29:8

Lene Daud buhup “Na di Nibou Ndig e, dibon mun tunggwei sut na nok mindei ngan i? Gino Na di Nibou Ndig apai sut da bipia agingat ditunggweisi hi ei nimbie him tirigi po dikwei bong bit na kikau kwei bipek ammani kep bou ayai him bi lene nggon rino ace tut ba, sikon pran bit ade siceu dima bi i?”