SAMUEL GI NIGOM 27:1 - ALLAH NIHYET MEM TUNGWATU NYA

¹ Mpe dima lene Daud kan “Jei bi lene Saul miyai nimai bisa ri. Gima rino nna ba sinang ba, suug bong bit mben Filistin hak ug lewo puig hiter mem sa bu bi. Gi nok lene Saul mikes hon binggok-nggok nyen sa ei mben Israel ikieti bu bi. Apino misingwes ngun lewo sibong nyahan ei Filistin.”

SAMUEL GI NIGOM 27:1 ပူးပေါင်းရင်းမြစ်များ

NIBOU NDIG NYA GI NIGOM 12:26

Lene noni kan “Gino sibon mun nyeng hi bi lene misitug ndei mun dibuhun.

NIBOU NDIG NYA GI NIGOM 12:28

Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”

NIBOU NDIG NYA GI NIGOM 19:3

Lene Elia ttin tut nindig bibor binang ba, nide awak yoni ingwes ngun ug ei Bersyeba ei minu Yehuda. Tirigi yoni yuug krau lene Elia kuk nide awak bigwam ei mpia dima,

NIBOHON MBEN ISRAEL GI NICAN 25:17

Lene Amazia di nok nibou ndig mem timiei Yehuda nya ya tut nisut bat di ipingok kep ningonti nya bigyok ingon gom mem gima ihwen bit limwa mben Israel. Lene sok nihyet bak Yoas di nibou ndig mben Israel di Yoahas nipmot kin Yehu nignyon cem ba, srep huk noni mem gima ikon pran bit yam.

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

MAZMUR 55:7

Handei kon ba, midibon dinyehei di dek da nok hakimoi mbrei ne mididimba bidinggok mpia nimbum-brati hak ug.

NEHEI LEUSI 14:12

Nipai bina nipou su bipia mun di nok gini micut igkep nye. Nipai bina bipia ma asindui sut nye bininok awak mem mben Mesir kikau hak ug. Gi kei rino ninok awak ei minu Mesir leu gima nyeni yahagom imai ei iggum ndigsi dini.”

NIPINGOK NINGONTI 13:12

Gino mun di ayok angon mem pek kep bi ne angon kiek tut. Gino mun dima pek kep tu ne angon nggei-hi-nggei.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

MBEN ISRAEL IMBUT-MBUT NYEN 14:3

Nggon rino tuhan mibuwak nye ug ei minu dima i? Yahagom mimai tirigi timiei minu dima mikon pran bit nye leu api yoni mipos nyeni itnem bat-imunggwom bat nya. Nna ba nyeni yahagom ingkwei hanyen ug ei minu Mesir hak ug.”

MATIUS 14:31

Yesus su ninda biteu noni leu lene pai “Petrus e, aba angon com Da haigtu bi e? Ahig angon tut Da leu binggon i?”

MARKUS 4:40

Lene Noni hig ser yo di igya kui Noni “Nggon rino jidigit tut i? Nggon rino jiba jingon com Da bi i?”

KORINTUS GI NICAN 7:5

Tirigi nuug krau Makedonia pima ne bit bon nibong kep ninghuisi kan bi. Mun di buhun ngwig kep nye. Nimpung yo di hiter iliriem nye ba, nikrau ningon tut je.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 20:3

Noro Daud buhup “Acig kan bipia singon ce yam bi. Gima rino noni kos tut bipia ndo ningon kanti tut da bina bi leu gima mibindei ba, angon buhun bibor. Deheng bitug hon tuhan di niyaijo ninyeng bipia dikan tut bipia diyaijo ningwig honti dideu kwei su!”

SAMUEL GI NIGOM 22:5

Mpe dima lene Gad di nabi gom kwei ngat Daud bipai bak “Ma abong ei hak mihyeti dini au. Noro ma anang haninyai ug ei hanjop keret Yehuda ide.” Leu api Daud kiju bijo leu hak mihyeti dima buug coi bigbehei gom ei Keret.

SAMUEL GI NIGOM 23:17

Yonatan pai bak “Attin tut au. Leu mporo acut ei dicig nindati bi sren. Dicig kan tut mungkun bipia nani rimporo anok nibou ndig mem Israel lene midiyai dinyeng nibou di ya kui na.”

SAMUEL GI NIGOM 25:30

tuhan mibindei ba, mun nyeng hagom di Noni preu ei su nya mipek kep mem na di Andigpoi. Jei bi lene tuhan mikon na di Andigpoi ba, anok nibou ndig mem mben Israel.

SAMUEL GI NIGOM 26:19

Andigpoi e, ma angig atingou mem dihyet dini ug e. Gino tuhan rino cuk na di Andigpoi mem gima ahwen bit da lene Noni mibindei cut nigga dati dima tug hon mindhe di dibui bidindig ei nimbar hum dokti hak ug. Noro gino tungwatu nya rino icuk na di Andigpoi mem gima ahwen bit da lene nna ba tuhan misigion yo dima! Lewo igyai munti dima huk ade awak di dani leu tuhan de dihyei apino bitig dino dipri kwei ei dingkiaisi dini bidikuk da bak kwar ngkiai nya ide.

SAMUEL GI NIGOM 29:2

Lene mben Filistin ide nibou ndig ibou muhwi injei sut ide nimpung gom-gom ba, nimpung dima yok bihi ibou sratus gom lene bihi ibou sribu gom. Daud ya tut nide tentara nya ba, injei bram yam bigya abia kep yok bibit nibou ndig Akhis.

SAMUEL GI NIGOM 29:3

Lene nibou pran mben Filistin ingat Daud nya ba, ihig ser yam “Tentara Ibrani dima yok ikwei mem mindei i?” Lene Akhis buhup “Gini ne Daud di nipou yo nok nibou tentara gom mem Nibou Ndig Saul leu Israel ri. Wer bong mimbrek bit da tu. Tirigi po noni kwei bong bit nye pima ne noni bon mun di tunggwei hi bou diyai him bi kikau kwei bipek ammani kep.”