SAMUEL GI NIGOM 26:8 - ALLAH NIHYET MEM TUNGWATU NYA

⁸ Lene Abisai pai bak Daud “Allah kes ade siceu ei andati mem mmun dini tu. Ma ace tut bidiba nonti nide micim bidat ningut bikus nite hi leu ba, tibim dihyeiti hak ug. Didat noni mbican bram yam bi noro mbigom ngat bimai hak ug.”

SAMUEL GI NIGOM 26:8 ပူးပေါင်းရင်းမြစ်များ

SAMUEL GI NIGOM 24:4

Tirigi noni kwei krau hak mihyeti gom di jo simiak kandan domba di simiak simpak ninghas dima lene noni coi buug gumuhukti. Noro hak mihyeti dima ne Daud kin nide limwa nya no iku yok nyahan eisi ei ninsi ma ug.

SAMUEL GI NIGOM 26:23

tuhan njei mun di kei bak yo di ingon gom kin yo di ingon sren. Mbro nok gino tuhan kes na di Andigpoi ei dindati aponi pima tu lo, doom da leu ba, diyai mun kinei sut na di Andigpoi bi lewo nani ne nibou ndig di tuhan dimig ei su ri.

SAMUEL GI NIGOM 23:14

Gima leu lene Daud bong-bong nyen ei hak mihyeti ngot di jo ei nungug him dideu iggum ndigsi Zif. Saul huk-huk nyen Daud kikau noro tuhan gi kes noni ei nibou ndig Saul nindati bi.

NIJAM NIKEI NYA 1:4

kin Yehuda itti kin yam ba, ikon pran bit ide siceu nya. Lene tuhan bindei ba, ibindei timek timiei mben Kanaan kin Feris ningwig a. Siceu ide tentara nya ibou sribu simnai imai biwer nimbiam ei Bezek.

YOSUA 21:44

tuhan nyohou mben Israel bibindei ba, ibong kei igwam kei ei minu dima nisurti-nipekti bit leu nok Noni preu ei mem idigup bat-idigai bat nya tu. Ide siceu nya hi di brim ningkek mem gima hwen yok bi. Lewo tuhan yai nisindemti bak mben Israel leu binhyepo ibindei timek siceu nya yahagom.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

ROMA 11:32

Lewo Allah nggam tungwatu yahagom ba, isima noyam drek dip gi ibit nihyet bi. Ninggam yokti dima bon nikwesti mem Noni ngondut yahagom.

NAHUM 1:9

Jo nibreisi bipia angon kanti di akos tut ei mem gima ahwen bit tuhan micut hacan. Noni mibuhup hanyen bak Nide siceu nya tut ide nibon mun kinei biborti ug ei mbican bram yam bi.

MAZMUR 31:8

Dingon nggei-hi-nggei ba, dillei ngwig sut Nani lewo angon ngakei dati ug hon nohonti bi sren. Angat ditde ninghuisi weisi ba, ayok ngon kep mun di buhun di cut igkep da cem.

SAMUEL GI NIGOM 26:7

Lene Daud Abisai nya isu yo bimbris nyahan ug ei prak meng yati dima mem mmun bingat lo, Saul bong ei prak meng gom di yohok ei prak meng yati dima ninggimau yon. Noni ba nide tom bijus dihyei dideu nibou lo, Abner bitut nide tentara nya ibong bikrop ttai Saul.

SAMUEL GI NIGOM 26:9

Noro Daud buhup “Ma angget noni au. tuhan mikes hukum jit-jau ei no di bon mun kinei sut nibou ndig di Nonti dimig ei su dima dip.”

SAMUEL GI NICAN 16:9

Lene Abisai di Yoab nikinjoi di Zeruya nipmot pai bak nibou ndig “Andigpoi e, nggon rino asindui sut no di sibut dima mbriom na i? Apai hak leu api midirop nitibou leu hak ei niyati dima!”

YEREMIA 40:15

Leu api Yohanan pai nyahan bak Gedalya “Ma asindui sut ba, duug yai nimai bak Ismael hak leu ba, hi dima kan tut no di yai nimai bak bi. Nggon rima isindui sut ba, noni yai nimai bina i? Leu gima mibindei ba, timiei Yehuda di idem yam ei bit na intek gimahap hanyen bu. Ba, mun dima mibindei sar limwa niken di ingat rin ei Yehuda yahagom.”

SAMUEL GI NIGOM 24:5

Lene Daud de limwa nya yahamui nyahan binoni “Gini bon nituti di kei bibor! tuhan pai bipia Noni mikes ade siceu ei andati leu binhyepo abibon noni bit leu angon kanti bi e?” Lene Daud mbris nyahan dideu Saul ba, nyohou kos nide sinsun ndok di jei ninghas gom leu noro Saul kan tut bi.