SAMUEL GI NIGOM 22:2 - ALLAH NIHYET MEM TUNGWATU NYA

² Nok gima cem yo dino hiter ihwen bit yok kin yo di ibon ningwam di buhun tak yok kin yo di ingon sibui cem yahagom ibicom yam bit Daud ba, noni nok nibou mem yok. Yo di ibit Daud dima yahagom imangti ibou sratus bitai.

SAMUEL GI NIGOM 22:2 ပူးပေါင်းရင်းမြစ်များ

MATIUS 11:28

Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.

SAMUEL GI NIGOM 25:13

Daud miap Nabal nihyetti dima lene cuk nide tentara nya “Jahagom jikri jide simeda kin jintig bou noyam.” Lene yo dima igyai igbit nicuk yokti dima haninyai ba, Daud cem kri nide simeda kin nintig bou a. Noni mbut tut nide tentara nya ibou sratus bitai lene kuk ibou sratus can ba, igya ser ndigban nya.

SAMUEL GI NIGOM 23:13

Gima rino Daud ya tut nide tentara nya ibou sratus muhwindagom ba, ikiju bimbut leu Kehila haninyai biyuug bong minu hiter bu. Tirigi Saul miap tut Daud ninghapti bipia kiju bimbut tu lene Saul luei ningonti ba, yon ttai Kehila bi.

SAMUEL GI NIGOM 9:16

“Njap di hyep bu mem mpia di nok gini lene midipinak tungwagom leu keret Benyamin hwou ngat nani. Ma ata noni nok nibou ndig mem Ditde limwa nya leu api noni miteu yok bingwes ngun leu mben Filistin indati. Lewo dingat bipia mun di buhun bibor cut igkep yok tu ba, yahara Da leu binhyepo dimpu yok.”

SAMUEL GI NIGOM 1:10

Lene Hana ningon buhun bibor hanyen bu apino pim ba, niyai nggwei kibor tirigi noni ngat nadi bak tuhan.

NIJAM NIKEI NYA 11:3

Gima rino Yefta mbres nonti leu nikindig bat-nikinjoi bat nya ba, ug bong ei hanjop Tob. Lene yo di isibut nya nimpung gom ibicom yam bit noni ei sirima. Leu api iba isibut bipos ndigban leu tungwatu nya ninyen.

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

MATIUS 11:12

Habiei leu nimbie him po Yohanes sindi tri tut nihyet kikau kwei bipek ammani kep ne yo di imbuk nya igruap sindem bibor mem gima ipos Allah Ninyeng Tak Kepti mem yonti.

NIPINGOK NINGONTI 31:6

Pes ngei mem yo di inggwen di ison dideu igyaijo ningwig honti tu kin yo di ingon dahat leu drek dip ide ningon ngguk biborti.

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.

SAMUEL GI NICAN 17:8

Jikan tut bipia acig di Daud kin nide tentara nya iba mimbri di kui ingkek bikon pran sindem bibor. Yoni idem kep nok mindhe beruang niwek di sindi bep nipmot lo, hi mbrai leu noni. Acig nok tentara di ningon ki ba, bong bit nide limwa nya mem mmun bi.

SAMUEL GI NICAN 5:2

Mbro nok gino Saul nok nibou ndig mem nye nipou su lo, na di Andigpoi abie tut tentara Israel ug ei nikon pranti. Mpe dima lene tuhan preu ei mem na bipia mimbrek-mimbrek lene mporo abie tut Nide limwa nya ba, anyeng mitak kep yok.”

NIJAM NIKEI NYA 18:25

Noro keret Dan dima yok ipai “Nnaba akimut ahui hak ug leu ma tentara dini yok mingon sibui leu api ihwen na bigyai nimai binani kin ade bat nya.”

SAMUEL GI NIGOM 22:3

Lene Daud jo leu hak mihyeti dima buug ei Mizpa ei hanjop Moab bipai bak nibou ndig Mben Moab “Gino ace tut lene dicig dipmem nya ikwei bong bit na di Andigpoi kikau bibou dikan tut Allah ningon kanti mem da ug e.”

NIBOU NDIG NYA GI NICAN 4:1

Mpe di gom ne sop gom di nijjep ne nabi rin noro mai leu su ug ngat Elisa bipai bak “Andigpoi e, dijjep mai su! Akan kep bipia noni ne no di bit Allah nihyet ri. Noni dahat ningwam leu tungwagom ba, nogindini no dima kwei lene mikat dipmot bat cin leu da ba, ubon yok nok awak drek dip ningwam po dijjep di mai su dahat ei pimati.”