SAMUEL GI NIGOM 22:16 - ALLAH NIHYET MEM TUNGWATU NYA

¹⁶ Noro nibou ndig Saul pai “Ahimelekh e, suar nani kin ade adig-ajoi nya jahagom jitug ndei nimai.”

SAMUEL GI NIGOM 22:16 ပူးပေါင်းရင်းမြစ်များ

NIPINGOK NINGONTI 28:15

No di sibut di ninyeng tak kep limwa di indwau sut imati nya dima noyam kin mindhe singa di yau-yau nyen kin mindhe beruang di lus-lus nyen.

KISAH 12:19

Lene Herodes cuk tentara nya binggok ser Petrus noro ingat ningat bi. Gima rino noni cuk nibou gom bihig pus tentara pima yok leu api itug ndei nimai drek dip hak. Niabiati bu lene Herodes jo leu hanjop Yudea buug ei minu ndig Kaisaria bibong ei sirima.

MATIUS 2:16

Tirigi Herodes kan tut bipia yo di ingon ki pima yok iris binoni lene ningon sibui sut yok nindig bibor. Gima rino noni cuk nide tentara nya bipai biyok “Jug kos munggwom pinai nya ei Betlehem kin minu mien di gahai nya di ide njap ug ei ari bingwam can nimo jug yahagom.” Nicuk yokti dini bit leu nok mun di yo di ingon ki nya ipui sut binoni tut ham nitausi pima ri.

DANIEL 2:12

Tirigi nibou ndig miap ibuhupti nok rino noni gga yok nindig bibor leu api com nihyet leu binhyepo yo di ipingok kep ningonti ei minu Babel hagom itug ndei hukum nimai.

DANIEL 2:5

Nibou ndig buhup “Dikos tut bipia suar jimbot kep tut ditde mumpriem bibie bida leu api jicoi ei ningatti bram bu. Gi bi ne midikos jahagom kukiau leu api midibindei ba, jide ig tti biyem mpia ningwig a.

ESTER 3:6

Lene gima he bi. Lewo tirigi Haman miap tut bipia Mordekhai ne mben Yahudi rin lene kos tut mem gima kes hukum nimai ei Mordekhai nongkom he dip bi noro miya kep mben Yahudi di ingat rin ei minu Persia nisurti-nipekti yahagom ba, isar bingwig hak ug.

NIBOU NDIG NYA GI NIGOM 19:2

Lene Izebel sok nihyet bak Elia bipreu kep noni “Ma kwar di dikuk da bak kes hukum ei da dip biyai nimai bida gino njap di hyep mem mpia di nok gini dibuhup bina noyam kin gino abibon nabi pima yok bi.”

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

SAMUEL GI NIGOM 20:31

Gino disindui sut ba, Daud niyaijo lene mporo aya luei dohoti nok nibou ndig di ninyeng tak kep minu dini bi sren. Gini jo nibreisi mem na bi e? Gima rino ma acuk tungwatu nya ba, yuug nggok Daud bikat kwei lewo suar ma noni tug ndei nimai!”

SAMUEL GI NIGOM 14:44

Lene Saul pai binoni “Gino atug ndei hukum nimai mem njap di ammani bi lene handei kon ba, Allah kes hukum ei da dip hak ug!”

NINDAT KEP TUHAN NICUKTI NYA 24:16

Ma jiyai nimai bak andigpoi nya drek dip imunggwom bat nya ide mun di mbuk nya au. Ma jiyai nimai bak munggwom nya drek dip icig bat-ipmem bat nya ide mun di mbuk nya au. Suar tungwagom tug ndei hukum nimai drek dip nonti njem nide mun di mbuk nya he.

SAMUEL GI NIGOM 22:15

Ningat ne dahara tuhan bindo ningon kanti bak noni. Noro gi dahara tuhan bindo ningon kanti bak noni pima ne gi nimbie him ngat rin bi. Ma Na di Anyeng Jei apai kep dani kin dide bat nya cem tut gi niyok ningon gom mem gima nihwen bit Na di Anyeng Jei au. Dikan tut munhyet dima bi.”

SAMUEL GI NIGOM 22:17

Leu api noni cuk tentara di igya ser noni “Yo, jikes hukum nimai ei tuhan de imam dima yok yahagom dip lewo igyok ingon gom bit Daud. Ikan tut Daud ninangti tu lo, igipai sut bida bi.” Saul pai nok noro tentara di igya ser noni ikou sut gima ikes hukum nimai ei tuhan de imam nya dima dip a.