SAMUEL GI NIGOM 21:9 - ALLAH NIHYET MEM TUNGWATU NYA

⁹ Ahimelekh buhup “Simeda di Goliat di mben Filistin po ayai nimai bak ei Mbang Briep Ela pima nide ne no dikes ei a. No diba minyahas binggai di dikes ei sinsun efod ninghima. Gino ajoi sut lene ayai hak ug. Lewo minggwen dima he rino jo ei mpia dini.” Lene Daud pai “Ayai bida hak ug lewo simeda dima kei-kau dor njiriek simeda nindigsi hagom.”

SAMUEL GI NIGOM 21:9 ပူးပေါင်းရင်းမြစ်များ

SAMUEL GI NIGOM 17:2

Lene Saul kin tentara Israel cem induk yam ba, yohok ide prak meng yati ei Mbang Briep Ela. Lene itin ei mem gima ikon pran bit tentara Filistin.

SAMUEL GI NIGOM 31:10

Lene tentara Filistia ikon Saul de minggwen ug ei ide kwar Asytoret de ig nibousi leu api yahak ningut ei dihim ninggwenti ei minu ndig Bet-Sean.

SAMUEL GI NIGOM 21:8

Leu api Daud hig ser Ahimelekh “Andigpoi e, ayok micim hi e, he ayok simeda hi e, ei mem gima dittei ser da bi e? Nibou ndig ba nibinang cuk da apino dikiju bidimbut hak leu di digiyai simeda hi e, he minggwen hiter nya e, mem gima dittei bi ug a.”

SAMUEL GI NIGOM 22:10

Lene Ahimelekh hara tuhan leu binhyepo ndo igbit ningon kanti bak Daud leu api yai njita kin simeda po Goliat di mben Filistin de pima cem bak.”