SAMUEL GI NIGOM 20:8 - ALLAH NIHYET MEM TUNGWATU NYA

⁸ Ma aba nisinati dima bahati tut da ba, ayai igbit gi preu di sipreu ei biyam bou tuhan niyai him nipou su. Gino ningat ne dingon mui su lene ma nanti ayai nimai bida hak ug! Noro ma akes da ei acig nindati au.”

SAMUEL GI NIGOM 20:8 ပူးပေါင်းရင်းမြစ်များ

SAMUEL GI NICAN 14:32

Lene Absalom buhup “Tirigi po dihig na mem gima akwei ngat da pima lene akwei ngat da bi. Dipi bidicuk na ba, aug ngat nibou ndig leu binhyepo ahig ser noni bipia nggon rino noni hig da kwei leu Gesur bidibong ei sirini i? Nna ba midibong kikau ei Gesur hak ug.” Lene Absalom binut bu “Dijoi sut diya ei nibou ndig noho bei. Gima rino ma aya hacan mem da. Ba, gino nibou ndig kos tut bipia dingon mui yo lene nnaba ditin ei mem ditug ndei nimai hak ug.”

SAMUEL GI NIGOM 18:3

Lene Yonatan preu ei kin neheng bipia Daud kin noni yahacem ingon ce yam bi bijo ninno bijo kikau.

SAMUEL GI NIGOM 23:18

Leu api Daud kin Yonatan ibon gi preu nicom nigau ei yamti bingkiem ei tuhan Noho bei. Gima leu su lene Yonatan ngkwei hanyen ug ei nide ig lo, Daud gwam kikau ei Hores.

SAMUEL GI NIGOM 20:16

ma angon ngkwei leu side nipreu ei biyamti pima au. Noro jo kikau. Gino angon ngkwei leu side nipreu ei biyamti lene mporo Allah mikes hukum ei nani dip.”

KISAH 25:11

Gino dipigau Nibou Kaisar nicukti nya apino dingon mui ne suar ditug ndei nimai drek dip ba, ayai nimai bida hak ug. Noro gino yo dini ipai da kinei mikuisi ne dem mem tungwa hi kes da ei indati bi. Dahara Kaisar Roma nonti mbus dingonti!”

NIPINGOK NINGONTI 3:3

Suar ningon jo kep Allahti kin ningon gom tut Noni kin tungwatu nyati jo binghig ei angonti ba, ayok ngon kep kikau,

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

NIBOHON MBEN ISRAEL GI NIGOM 12:17

Daud kiju buug ngat yok lene pai biyok “Gino jikwei nok disut mem gima jitti kin da lene ma jikwei bicom yam bit nye hak ug. Niba ningon di kei bicigit je! Noro mbro nok gino dibon mun di kinei tut je bi lo, gi jingon kanti mijitri dinghapti bak siceu nya lene Allah di idigup bat-idigai bat nya ikuk yok bak kan tut gima leu api mikes hukum ei jeni dip.”

SRAT RUT 1:8

Noro tirigi yuug ei puig sinon lene Naomi pai bak nignyot bat cin “Ma jingkwei hanyen bijibong bit jipmem bat nya. Handei kon ba, tuhan misingat tut je dem kep nok gi po jisingat tut da kin yo po imai su pima.

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

YOSUA 2:14

Lene yo cin pima ibuhup “Nipreu ei mem na bipia tirigi tuhan yai minu dini binye lene minibibon je nok gi kei gino ambot kep tut nyeni nikweisi dini bak hiter bi. Ne gino nibit nipreu ei mem nati dini bi lene ma tuhan sigion nye hak ug.”

NITRITI 47:29

Son dideu nide njap ningwig honti lene noni sok nihyet mem nipmot Yusuf kwei lene pai binoni “Ma asu anda ei diko kieti gi bindo bipia tirigi dimai leu su lene ma atig dingut ei minu Mesir au.

NITRITI 24:49

Gima rino gino jitin ei mem jibibon Abraham nok gi kei ba, jiyai igbit jide niyai kepti di suar jibibon bak noni lene ma jipai bida. Gi bi lene ma jipai nok gima cem leu binhyepo dikos tut mun di diyai bu.”

SAMUEL GI NIGOM 20:9

Lene Yonatan buhup “Dwai! Gino dikan tut bipia dicig bungwam mem gima yai nimai bina lene midipai igbit bina yo.”

SAMUEL GI NIGOM 18:1

Lene Saul kin Daud ikes ighyet hon bimbrap bi. Mpe dima lene Yonatan di Saul nipmot hig nisut bit Daud nindig bibor lewo ningon ngakei Daud bit leu nok ningon ngakei nonti.