SAMUEL GI NIGOM 2:9 - ALLAH NIHYET MEM TUNGWATU NYA

⁹ Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.

SAMUEL GI NIGOM 2:9 ပူးပေါင်းရင်းမြစ်များ

AYUB 18:18

Ijji noni leu nipigati ug ei nidinditi ba, icok tut noni leu dihyei di yo di igyaijo nya ide hak.

AYUB 40:13

Ma atig yok ei dihyei jou ba, abikrop yok ei minu nimai nya ide.

AYUB 5:16

Tini bu ne yo di ima mun nyeng hi bi nya igyai ningon di nggan-triot kei hanyen bu lene yo di isibut nya igwam bimmou lewo Allah bindei ba, ikimut yuhui.

AYUB 5:24

Mpe dima lene abong kei agwam kei ei ade prak mengti. Tirigi ayok ayai kep ade domba nya lene mporo angat lo, hi pror bi noro hagom ikkou nyahan.

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 105:37

Gima yok hagom leu lene Noni hei sut mben Israel leu minu Mesir bimbut tut ndigban perak kin mas. Yahagom inghuisi kwes ba, isindem bibor cem.

MAZMUR 121:3

Noni misindui sut ba, acut ug ei nikineisi bi lewo Noni bong nyek ser na.

MAZMUR 121:5

tuhan miya ser na ba, ngkiem ser na cem.

MAZMUR 121:8

Noni miya ser na mpe di angkwei-ngkwei nyen mem njap di ammani kui bijo ninno bijo kikau.

MAZMUR 145:20

Noni miya srak ko hagau yo di ingon ngakei Noni yahagom. Noro bindei timek yo di isibut nya.

MAZMUR 31:17

Dijoi sut gima ajoi sut da. Ateu da bidingwes ngun tug hon angon ngakei dati.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

MAZMUR 94:18

Mpe di dikan bipia dicut ug rin ne Na di tuhan Ade ningon ngakei dati hati tut da.

MAZMUR 97:10

Je di jingon ngakei tuhan e, suar jingon mpo tut mun di kinei nya! Lewo tuhan cuon Nide limwa nya igyaisi bikwek yok leu yo di itunggwei tuhan nihyet inda nsi.

NIPINGOK NINGONTI 16:9

Nyeni itin ei ingon kanti nya noro Allah kos tut puig di kei mem nye.

NIPINGOK NINGONTI 2:8

Noni ya ser yo di iba ingon di gom bibon hiter biya srak ko hagau yo di ingon gom tut Noni cem.

NIPINGOK NINGONTI 3:26

tuhan minyohou nanti njem-nnei leu ba, misindui sut na ba, asrei ei jui bonti bi.

NIBA NINGON SRIP HUKTI 5:17

Leu api dingon huk niti bipia gihi di kei mem tungwatu nya dor njiriek mun nindigsi nya rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya mem nijam di igyaijoti di jei bi di Allah yai binye dini. Gima ne mun di Allah bindei ba, pek kep mem nye ri.

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

YESAYA 27:3

Da di tuhan rino no di ya ser ba anggur nghousi dima bidiprok bikwop nituti hagom. Diya ser bikwop mmun njap leu binhyepo hi bindei ba, kinei bi.

YESAYA 47:5

tuhan pai bak minu Babel “Ma akimut ahui ba, agwam ei nidinditi. Anyeng rino ‘Sop Nibou Ndig mem minu ninyeng tak kepti nya’ bu bi!

YEREMIA 8:14

Allah de limwa nya ihig yam “Nggon rino igwam hak ba, immou kep yam he i? Jikwei ba, yahagom ipri ug ei minu ndig di bon tentara nibousi di igya coi nya leu api nnaba yahagom imai ei sirima. Ide tuhan Allah kos tut bipia suar isar. Noni yai krisieu ngei binye mem gima idut lewo ibon sisar tut Noni tu.

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

NAHUM 1:8

Nibindei timek Nide siceu nya dem kep minyei di su nindig bibor di hwen tungwatu bicom yo di ibrim ingkek kep Noni di ihwen bit Noni yahagom ug ei minu nimai nya ide bisar hak.

ZEFANYA 1:15

Njap dima ne njap di tuhan ndo Nide nigga biborti kin njap di nggruk kin njap di buhun kin njap di siceu inggek ig bitti kin njap nibindei timekti kin njap nidinditi di dindi-kai nggai kep nye kin njap di mpia com bi kin njap di bumbuhui jun ser nyeti ri.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

MBEN ISRAEL IMBUT-MBUT NYEN 6:24

Handei kon ba, tuhan njei mun di kei bak jeni binyohou je.

MATIUS 8:12

Noro Allah micuk Nide malaikati nya ba, yuug com yo po Allah mbus yok habiei ei nimbie him mem icoi ei Allah De Dihyei Di Nijep pima kikau ug ei nidinditi di jo nisai. Apino yo dima ipim nggruet ba, yaham yuhui drek dip cem ei mpia dima.”

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

PETRUS GI NICAN 2:17

Guru nitrowai nya dima inok minyei bousi di pingge leu su kin bumbuhui di hou sigau di nimig ten bibor ttem-ttem nyen. Allah tin ei mpia ttou nsi gom di dindi-kai ei mem yok tu.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

YUDAS 1:13

Yo dini inok muk di tti nindig bibor. Ingut kanti di kinei di srou yok noyam kin muk nirai di roi-roi nyen. Inok ham di tte leu nipuig ei mpia-bbed him. Allah tin ei mpia ttou nsi di dindi-kai gom di jo ninno bijo kikau mem yok tu.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.

SAMUEL GI NIGOM 25:26

Allah cuon ser na di Andigpoi leu gima aba angon di nggruet bibuhup hanyen kin niyai nimai bak na di Andigpoi ade siceu nya. Na di Andigpoi e, nogindini ade awak di dani deheng bitug hon tuhan di niyaijo ninyeng bipia nnaba na di Andigpoi ade siceu nya bitut no di joi sut yai nimai bina yahagom ide mun di cut igkep yok noyam kin mun di cut igkep Nabal.