SAMUEL GI NIGOM 2:32 - ALLAH NIHYET MEM TUNGWATU NYA

³² Mpe dima lene angon buhun bibor ba, angon kinei sut mben Israel nindigsi nya tirigi dinjei mun di kei nya hagom bak yoni bou ayai him lo, yo di intun nani him imai tirigi ipilei yo.

SAMUEL GI NIGOM 2:32 ပူးပေါင်းရင်းမြစ်များ

ZAKHARIA 8:4

Andigpoi koi nya kin sindigpoi koi nya di ikoi bibor ba, suar iba tom bitom yok nya migwam ser biyati ndig ei minu ndig Yerusalem.

SAMUEL GI NIGOM 2:33

Noro midibindei ba, tungwagom ngat di ntun nani him mimai bi leu api noni miyai kep midyai nok imam mem Da. Mbro nok gima lo, no dima mporo niyai mitu leu api ningon dahat leu kikau ug bipek niyaijo ningwig honti. Lene ade nintun him yamti di bram yam nya nindigsi yahagom mimai nok nimbiam.

SAMUEL GI NIGOM 4:11

Lene mben Filistin ipos Allah De Brua Gi Preu bimbut tut. Lene Eli nipmot bat cin di Hofni kin Pinehas yahacem itug ndei nimai bit tentara nya.

SAMUEL GI NIGOM 4:22

Noni pai “Allah De nikei-kau-keisi pror leu Israel tu lewo ide siceu nya ipos Nide Brua Gi Preu bimbut tut tu.”

SAMUEL GI NIGOM 4:4

Gima rino ipinak tungwatu nya bingkwei hanyen ug ei Silo leu api yo dima ikon Brua Gi Preu di nok tuhan Di Sindem Bibor Nide banggo mbrei di dia-diau kei kwei. Lene Eli nipmot bat cin di Hofni kin Pinehas cem injei bit Brua dima kwei.