SAMUEL GI NIGOM 2:25 - ALLAH NIHYET MEM TUNGWATU NYA

²⁵ Gino tungwagom bon sisar tut hiter lene Allah sindem mem gima ya hacan mem noni. Noro gino tungwagom bon sisar tut Allah lene tou risindem mem gima ya hacan mem noni i?” Pai biyok nok noro nipmot bat cin ijoi sut icig nipingok yokti dima bi. Gima hagom nok lewo Allah kos tut bipia miyai nimai biyok.

SAMUEL GI NIGOM 2:25 ပူးပေါင်းရင်းမြစ်များ

IBRANI 10:26

Gino ibisinggre bibon sisar kikau niabiati Allah nihyet di nijit jo nibreisi mem nye tu lene midut nibikos ser sisarti hi sindem mem gima dip tut ide sisar bu bi.

SAMUEL GI NIGOM 3:14

Gima rino disimbot dat tug hon neheng bak nide bat nya bipia bit bon nibon midut nindig mindhe tut ide sisar di nindig bibor dima kin mun di ikwas tut Da mibindei ba, dikos ser ide sisar bi sren.”

YOSUA 11:20

tuhan bindei ba, yo dima ingon tindak bikon pran bit mben Israel leu binhyepo bon nituti mem tentara Israel yoom ingonti binggriu sut yok bi noro ibindei sar yahagom ningwig a. Igyaisi dima dem igbit tuhan nicukti po kes ei mem yok tug hon Musa pima ri.

MBEN ISRAEL IMBUT-MBUT NYEN 15:30

Noro gino limwa mben Israel gom kin ngkiai pima gom ibon sisar kin gi ibisinggre lene no dima ningwes pri gau tuhan. Suar jikes hukum nimai ei no dima dip hak ug.

NIPINGOK NINGONTI 15:10

No di bon mun di mbuk mitug ndei hukum. No di kou sut nisok kep noti mitug ndei nimai.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

MAZMUR 51:4

Apiap da leu mun di kinei di rap da lene abindei ba, ditde sisar di noyam kin map cug leu da.

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

NINDAT KEP TUHAN NICUKTI NYA 1:17

Ma jiba jide nikos tutti nya bimbus nggok tungwatu nya au. Ma jiba jingon di gom bimbus tungwagom-gom ningonti lene ma jimbus nggok yok au. Ma jittin tut yo di igya ei joho bei mem gima jikos tut yok au. Lewo Allah mipingok jingonti bindo nikos tutti di igbit bak jeni. Lene ma jikes munhyet di nggruk bibor mem je ei dani dinghat dip leu api midikos tut bak jeni.’

MAZMUR 51:16

Allah di teu da leu sisar e, suar ditug ndei hukum nimai noro asindui sut ba, diyaijo bu leu binhyepo bon nituti mem gima diba dingon llei bibor bitri tut angon srenti hanyen bu.

NINDAT KEP TUHAN NICUKTI NYA 2:30

Noro Nibou Ndig Sihon ce tut mem imbut kak pui di bikwam nide minu hacan dima bi. Gima nok lewo jide tuhan Allah bindei ba, Sihon ningkek ndok. Ningon tindak cem leu binhyepo bon nituti mem nyeni ibindei timek noni. Lene nyeni ibrim nide minu bigyati kwei bipek ammani kep.

IBRANI 10:27

Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!

AYUB 9:33

Noro nikei di kos tut nyende munhyet biya hacan mem Allah kin dani hi ningat rin bi.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

NITRITI 38:7

Noro Er bon sisar nindig bibor apino tuhan ningon sibui sut noni bikes hukum nimai ei noni dip.

NITRITI 38:10

Niyai munti dima bindei ba, tuhan ningon sibui sut noni cem leu api kes hukum nimai ei noni dip.

NIBOU NDIG NYA GI NIGOM 8:31

Gino tungwatu nya ipai kep hiter bibuwak noni kwei biya kui Ade nimbar ei Ade Ig leu binhyepo no dima pai tug hon neheng bipia ningon ngun,

NIBOU NDIG NYA GI NIGOM 8:32

lene tuhan ei gwamti e, handei kon ba, angig atingou mem nyeni nihyet leu api akos tut no dima nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak ug.

NIBOHON MBEN ISRAEL GI NICAN 10:15

Miap kep nide limwa nya ighyet bi. Ningat ne gima bit leu tuhan Allah ningon kanti mem yoni. Leu binhyepo nihyet di tuhan sok ei Nabi Ahia leu Silo dip tut Yerobeam di Nebat nipmot pima hagom midem igbit.

NIPINGOK NINGONTI 13:1

Munggwom di ningon ki yok ngon kep nicig-nipmem nya ide nipingok kep noti noro no di llei-lau om ser nitunggweisi nya.

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,